09 Mar 06:33

Manba: xs.uz

“Qamchiq” dovonida fuqarolarga yordam koʻrsatilmoqda. Qoʻshimcha poyezd qatnovi yoʻlga qoʻyilgan

FVV muvofiqlashtirishida, 'Oʻzbekiston temir yoʻllari' AJ va boshqa FVDT tarkibiga kiruvchi tashkilotlar hamkorligida 'Qamchiq' dovonida keng koʻlamli ishlar amalga oshirilmoqda. Xususan, noqulay ob-havo sharoiti sabab dovonda qolib ketgan qariyb ming kishi mehmonxonaga joylashtirildi. Bu haqda Favqulodda vaziyatlar vazirligi xabar berdi.

Xabaringiz bor, bugun, 7-mart kuni qalin qor yoqqanligi sababli 'Qamchiq' dovoni avtomobillar harakati uchun vaqtincha yopildi.

FVV, YPX va 'Qamchiqavtoyoʻl' IYFUK xodimlari hamkorligida yoʻlni qordan tozalash, muzlamalar hosil boʻlishining oldini olish va qum-tuz aralashmasini sepish ishlari olib borilmoqda. FVV qutqaruvchilari tomonidan nazorat tadbirlari olib borilib, yoʻlda qolib ketgan haydovchi va ularning avtotransport vositalariga yordam koʻrsatilmoqda.

Qolaversa, dovonda noqulay sharoitda qolgan yoʻlovchilar uchun FVV tomonidan isinish maskanlari ham tashkil etilgan.

Qayd etilishicha, umumiy 958 kishi: 790 nafar erkak, 130 nafar ayol va 38 nafar bolaga Angren shahridagi 19 ta oshxona, 4 ta mehmonxona xizmat koʻrsatmoqda.

YHXXga koʻra, 'Qamchiq' davonida transport vositalar harakati toʻxtatilgani sababli 'Angren-Qoʻqon' yoʻnalishida bepul poyezd tashkil etilgan. Poyezd 21:00 da Angren temiryoʻl shox bekatidan harakatlangan.

'Oʻzbekiston temir yoʻllari' ham Toshkent va Andijon oʻrtasida qoʻshimcha temiryoʻl yoʻnalishi tashkil etilganini maʼlum qildi.

Bildirilishicha, 732-sonli poyezd Koʻl, Temiryoʻlobod, Qoʻn va Qoʻshminor bekatlarida rejadan tashqari toʻxtaydi.

Poyezd Ohangaron, Angren, Koʻl, Orzu, Chodak, Temiryoʻlobod, Qoʻn, Qoʻshminor, Pop bekatlarida toʻxtab, soʻngra Qoʻqonga yoʻl oladi. Dovon orqali oʻtadigan barcha poyezdlar ham koʻrsatilgan stansiyalarda toʻxtab oʻtadi.

FVVning qoʻshimcha qilishicha, vodiy viloyatlariga borishni rejalashtirgan fuqarolar uchun 'Ohangaron' va 'Angren' vokzallarida jadvaldan tashqari qoʻshimcha 9 vagondan iborat temiryoʻl reysi amalga oshirilgan.

Hozirda poyezd 'Ohangaron' temiryoʻl vokzalidan 115 nafar yoʻlovchilar bilan 'Angren' temiryoʻl vokzali tomon harakatlangan. Taʼkidlanishicha, temiryoʻl reysining vodiy viloyatlaridan Toshkent shahri tomon harakati ham rejalashtirilgan.

Doʻstlaringiz bilan ulashing

Jamiyat

06 Mar 16:11

xs.uz

10 ming 258 ta oilaning “Ijtimoiy himoya yagona reyestri”dan chiqarilishiga Bosh Prokuratura izoh berdi

Joriy yilda oʻtkazilgan nazorat tadbirlari davomida ijtimoiy yordam mablagʻlarini olib kelayotgan va moddiy ahvoli yaxshilangan 10 ming 258 ta oila 'Ijtimoiy himoya yagona reyestri'dan chiqarildi. Bu chora-tadbirlar haqiqiy ehtiyojmand oilalarga davlat yordamlarini manzilli yetkazish maqsadida amalga oshirildi, deb yozadi Bosh Prokuratura matbuot xizmati.Xabar qilinishicha, Qashqadaryo viloyatining Kasbi tumanida bunday holatlardan biri aniqlandi. U yerda fuqaro A.Sh. oʻz xonadonida tomorqada

Jamiyat

04 Apr 16:19

xs.uz

“Markaziy Osiyo — Yevropa Ittifoqi“ birinchi sammitidan fotoreportaj

Prezident Shavkat Mirziyoyev Yevropa kengashi Prezidenti Antoniu Koshta bilan uchrashuv o'tkazdi.O'zbekiston Prezidenti va YTTB rahbari strategik sheriklikning ustuvor yo'nalishlarini muhokama qildilar.O'zbekiston va YeI yetakchilari iqtisodiy hamkorlikni tubdan kengaytirish muhimligini qayd etdilar.Samarqanddagi 'Markaziy Osiyo ' Yevropa Ittifoqi' sammitining birinchi kuni uchrashuvlarga boy va sermahsul bo'ldi.Foto: Xasan Paydoyev / 'Xalq so'zi'

Jamiyat

18 Apr 11:07

xs.uz

Erkalatsa otasi, boshga chiqar bolasi

Qudratilla NAJMIDDINOV/'Xalq soʻzi'. Farzandini suymagan inson yoʻq. Biroq uni haddan ziyod erkalatishning foydasidan zarari koʻproq. Buni yaqinla Namanganda 16 yoshli qizning avtomashina ruliga oʻtirishi oqibatida roʻy bergan fojia yana bir bor tasdiqladi.Gap shundaki, Uchqoʻrgʻon tumanida yashovchi fuqaro 'Spark' rusumli transport vositasini hali voyaga yetmagan, haydovchilik tajribasi yoʻq qiziga ishonib topshiradi. Rulga qizi yonidagi old oʻrindiqqa esa oʻzi oʻtiradi. Bu paytda or

Jamiyat

24 Mar 13:25

xs.uz

Andijonda “Matiz” ikki bolani urib yubordi

Andijon viloyati Asaka tumanida 'Matiz' ikki nafar bolani urib yubordi. Viloyat Yoʻl harakati xavfsizligi boshqarmasi hodisa yuzasidan'maʼlumot berdi.Qayd etilishicha, voqea Asaka tumani Yuksalish MFY hududidan oʻtgan D-105E Asaka'Humo avtomobil yoʻlining 2-kilometrida sodir boʻlgan. Aniqlanishicha, 44 yoshli A.O. oʻzining 'Matiz' rusumli transport vositasini boshqarib ketayotgan vaqtida, yoʻlning belgilanmagan qismidan kesib oʻtayotgan ikki nafar bolani urib yuborgan.YTH oqibatida tan j