28 Feb 01:18

Manba: xs.uz

Oʻzbekiston delegatsiyasi Ar-Riyodda Xalqaro gumanitar forumda ishtirok etdi

2025-yil 24-25-fevral kunlari Saudiya Arabistonining Ar-Riyod shahrida 4-Xalqaro gumanitar forum boʻlib oʻtdi. Unda Strategik va mintaqalararo tadqiqotlar instituti (SMTI) direktori Eldor Aripov rahbarligidagi Oʻzbekiston delegatsiyasi ishtirok etdi.

KSrelief va BMT tomonidan tashkil etilgan ushbu forum global gumanitar muammolarni muhokama qilish, insonparvarlik sohasidagi xalqaro hamkorlikni kengaytirish va innovatsion yechimlarni ishlab chiqishga qaratilgan. Tadbirda xalqaro tashkilotlar vakillari, ekspertlar hamda davlat arboblari qatnashdi.

Forumning 'Reabilitatsiya va reintegratsiya: qiyinchiliklarni yengish va imkoniyatlarni izlash' sessiyasida soʻzga chiqqan Eldor Aripov Oʻzbekiston tomonidan amalga oshirilayotgan 'Mehr' insonparvarlik missiyasi doirasida qurolli mojarolar hududlaridan qaytarilgan fuqarolarni ijtimoiy moslashtirish boʻyicha milliy tajribani taqdim etdi. 2019-yildan beri davom etayotgan ushbu missiya orqali 530 dan ortiq fuqaro, asosan ayollar va bolalar vataniga qaytarilgan.

Qayd etilishicha, qaytgan fuqarolar uchun keng qamrovli reabilitatsiya dasturi ishlab chiqilgan boʻlib, u tibbiy, ruhiy va ijtimoiy yordamni oʻz ichiga oladi. Ushbu model xalqaro ekspertlar tomonidan samarali yechim sifatida eʼtirof etilgan.

Tadbir davomida SMTI rahbari Oʻzbekiston Respublikasi Prezidenti tashabbusi bilan tashkil etilgan Markaziy Osiyo mintaqaviy ekspertlar kengashi faoliyati haqida maʼlumot berdi. 2024-yildan boshlab BMT Terrorizmga qarshi kurash boshqarmasi homiyligida ish boshlagan ushbu kengash sud-huquq masalalari, ijtimoiy qoʻllab-quvvatlash va ekstremistik fikrlarga qarshi kurashishda oʻzaro tajriba almashishga xizmat qiladi.

Forumda Mintaqaviy ekspertlar kengashini xalqaro kompetensiyalar markaziga aylantirish tashabbusi ilgari surildi. Ushbu markaz global standartlarni ishlab chiqish, reabilitatsiya dasturlarini takomillashtirish va mojarolar qurbonlarini jamiyatga qayta qoʻshishga koʻmaklashish bilan shugʻullanadi.

KSrelief tomonidan ikki yilda bir marta oʻtkaziladigan Ar-Riyod Xalqaro gumanitar forumi gumanitar sohadagi dolzarb muammolarni muhokama qilish va Barqaror rivojlanish maqsadlariga erishishga qaratilgan amaliy yechimlarni ishlab chiqishga xizmat qiladi.

Doʻstlaringiz bilan ulashing

Jamiyat

26 Feb 17:05

xs.uz

Alkogol va tamaki mahsulotlarini ishlab chiqarishda davlat nazorati takomillashtiriladi

Oʻzbekiston Respublikasida alkogol va tamaki bozorini tartibga solish tizimi takomillashtirilmoqda. 2025-yil 20-fevralda qabul qilingan 'Alkogol va tamaki bozorini tartibga solish tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida'gi qonun (OʻRQ-1034-son) ushbu sohada davlat nazoratini yanada kuchaytirishga qaratilgan.Qonunga muvofiq, 'Davlat boji toʻgʻrisida'gi va 'Litsenziyalash, ruxsat

Jamiyat

27 Jan 00:53

xs.uz

Fuqarolar huquq va erkinliklari himoyasini kuchaytirishga qaratilgan Qonun muhokama qilindi

Senatning uchinchi yalpi majlisida 'O'zbekiston Respublikasining ayrim qonun hujjatlariga shaxsning huquq va erkinliklarini ishonchli himoya qilish kafolatlarini yanada kuchaytirishga qaratilgan o'zgartirish va qo'shimchalar kiritish to'g'risida'gi Qonun muhokama qilindi.Mamlakatimizda inson huquqlarini himoya qilish tizimini 'Inson sha'ni va qadr-qimmati uchun' prinsipi asosida yangi bosqichga ko'tarish, sud organlari va huquqni muhofaza qiluvchi organlar faoliyatida shaxsning huquq va erkinlik

Jamiyat

27 Jan 00:53

xs.uz

Bilasizmi: yovvoyi hayvonlarni noqonuniy saqlasangiz, qancha jarima toʻlaysiz?

Endilikda yovvoyi hayvonlarni noqonuniy saqlaganlik uchun qariyb 19 million soʻm miqdorida jarima belgilanishi mumkin. Yuz bergan holatga qarab jarima miqdori BHMning 5 baravaridan 50 baravarigacha belgilanadi.Prezident tomonidan imzolangan Qonun (OʻRQ-1019-son, 16.01.2025-y.) bilan Maʼmuriy javobgarlik toʻgʻrisidagi kodeksga qoʻshimcha va oʻzgartirishlar kiritildi.Unga koʻra, yarim erkin sharoitlarda, sunʼiy yaratilgan yashash muhitida yoki tutqunlikda saqlanishi taqiqlangan yovvoyi ha

Jamiyat

27 Jan 00:53

xs.uz

Oʻzbek paxtasining boshlangʻich narxi Nyu-York birjasi bilan belgilanadi

Oʻzbekiston Respublikasi Prezidentining 'Paxta xomashyosini yetishtirish va sotishda bozor mexanizmlarini qoʻllashni izchil davom ettirish chora-tadbirlari toʻgʻrisida'gi farmoni qabul qilindi. Unga koʻra, paxta bozorida yangi bozor tamoyillari joriy etiladi.Endilikda paxta xomashyosi narxi Nyu-York birjasidagi oxirgi 6 oylik oʻrtacha fyuchers kotirovkalari asosida belgilab boriladi. Bu narx har yili 1-noyabrda eʼlon qilinadi. 2025-yil hosili uchun esa 1-fevralda eʼlon qilinishi belgilan