Tailandning Bangkok shahrida kamondan otish boʻyicha Osiyo kubogining birinchi bosqichi oʻz nihoyasiga yetdi. Musobaqada Oʻzbekiston ayollar terma jamoasi yurtimiz sharafini munosib himoya qilib, jamoaviy bahslarda oltin medalni qoʻlga kiritishga muvaffaq boʻldi. Ushbu gʻalaba nafaqat terma jamoamiz uchun katta yutuq boʻldi, balki mamlakatimiz sport tarixi uchun ham muhim voqea hisoblanadi.

Saralash bosqichida terma jamoamiz BAA, Hindiston va Yaponiya kabi kuchli jamoalarga qarshi bahs olib bordi va ularni magʻlub etishga erishdi. Bu bosqichda qizlarimizning mahoratli oʻyini va tayyorgarlik darajasi katta eʼtibor qozondi. Har bir uchrashuvda jamoamiz aʼzolari oʻziga xos tayyorgarlik va qatʼiyat namoyon etib, finalga yoʻl ochishdi.

Final bosqichida Oʻzbekiston ayollar terma jamoasi Malayziyalik merganlar bilan kuch sinashdi. Qatʼiy kurashlarga boy boʻlgan final uchrashuvi 5:3 hisobida yurtimiz terma jamoasining gʻalabasi bilan yakunlandi. Bu natija oʻzbekistonlik kamonbogʻlarning yuqori mahoratga egaligini yana bir bor isbotladi.



Oʻzbekiston sharafini himoya qilgan sportchilarimiz ' Ziyodaxon Abdusattorova, Nilufar Hamroyeva, Jasmina Nurmanova va Omina Ergasheva musobaqada katta mahorat va jamoaviy hamkorlikni namoyon etishdi. Ular musobaqa davomida barcha raqiblarini magʻlubiyatga uchratib, Oʻzbekiston bayrogʻini yana bir bor xalqaro musobaqada baland koʻtarishdi.

Oʻzbekiston terma jamoasining ushbu muvaffaqiyati mamlakatimizda kamondan otish sportiga boʻlgan eʼtibor va ahamiyat ortib borayotganini koʻrsatadi. Bunday yutuqlar yosh avlodni sport bilan shugʻullanishga ruhlantirishga xizmat qilishi shubhasiz. Gʻolib sportchilarimiz va ularning murabbiylarini ushbu buyuk gʻalaba bilan tabriklaymiz va kelgusida yanada katta zafarlar tilab qolamiz.