2025-yil 1-apreldan Oʻzbekistonda elektr va gaz uchun Vazirlar Mahkamasi tomonidan tasdiqlangan yangi tariflar kuchga kiradi.

Ushbu qaror infratuzilmani modernizatsiya qilish va energiya quvvatini oshirish zarurati bilan izohlangan. Kompaniya vakillarining soʻzlariga koʻra, yoqilgʻi va neft mahsulotlari narxi oshganiga qaramay, 2018-yildan beri elektr energiyasi tariflari qayta koʻrib chiqilmagandi.

HET departamenti direktori oʻrinbosari Diyor Nishonov eskirgan transformatorlarni almashtirish va podstansiyalar quvvatini oshirish uchun qoʻshimcha mablagʻlar zarurligini taʼkidladi.

Shuningdek, Senat yigʻilishida Bosh vazir oʻrinbosari Jamshid Qoʻchqorov tariflar oshirilishiga qaramay, energiya uchun davlat subsidiyalari 2027-yilgacha davom etishini, keyin esa bosqichma-bosqich qisqartirilishini bildirgan.

Elektr pechkalari oʻrnatilgan koʻp qavatli uylarda yashovchi maishiy isteʼmolchilar uchun tariflar quyidagicha boʻladi:

200 kVt/soatgacha: 300 soʻm (ilgari 225 soʻm);

201 dan 1000 kVt/soatgacha: 500 soʻm;

1001 dan 5000 kVt/soatgacha: 750 soʻm;

5001 dan 10 000 kVt/soatgacha: 875 soʻm;

10 000 kVt/soatdan ortiq: 1000 soʻm.

Boshqa maishiy isteʼmolchilar uchun:

200 kVt/soatgacha: 600 soʻm (ilgari 450 soʻm);

201 dan 1000 kVt/soatgacha: 1000 soʻm;

1001 dan 5000 kVt/soatgacha: 1500 soʻm;

5001 dan 10 000 kVt/soatgacha: 1750 soʻm;

10 000 kVt/soatdan ortiq: 2 000 soʻm.

IV guruh isteʼmolchilari uchun tarif 900 soʻmdan 1000 soʻmga oshiriladi.

1 kub metr tabiiy gaz narxi ham oshadi:

Maishiy isteʼmolchilar uchun: 500 kub metrgacha boʻlgan hajm uchun 1000 soʻmgacha (ilgari 650 soʻm);

500 dan 2500 kub metrgacha boʻlgan hajmlar uchun: 1800 soʻm;

10 000 kub metrdan ortiq: 3 000 soʻm.

Suyultirilgan gazning bir kilogrammi 2000 soʻm boʻladi.