O‘z oldiga katta maqsadlarni qo‘ygan Shodiyor kelgusida huquqshunos bo‘lish istagi bilan 1998-yili Samarqand davlat universitetiga sirtdan o‘qishga kirdi. O‘sha yili yana bir orzusi ro‘yobga chiqdi: u Guliston shahar IIB 2-mavze profilaktika inspektori lavozimiga xizmatga qabul qilindi.
Lavhamiz qahramoni yangi vazifa, yangi mas’uliyat oldida dovdirab qolmadi. O‘sha yillar Guliston shahri markazidagi ushbu mavzeda ko‘plab millat vakillari istiqomat qilar, bu kriminogen vaziyatga salbiy ta’sir etardi. Ichkilikbozlik, bezorilikka qarshi kurashish asosiy vazifalardan biri hisoblanardi. Yosh leytenant mazkur vazifani a’lo darajada uddaladi. 2000-yilda uni Sirdaryo tumani IIB voyaga yetmaganlar masalalari bo‘yicha katta inspektori lavozimiga o‘tkazishdi. Uning bu lavozimdagi faoliyati ham muvaffaqiyatli kechdi.
2002-yilda Guliston shahar IIB JQB katta tezkor vakili lavozimida ish boshlagan Shodiyor Ibragimov ko‘plab jinoyatlarni ochishda jonbozlik ko‘rsatdi. O‘z ishining ustasi bo‘lib yetishishida viloyat IIB JQBda faoliyat ko‘rsatgan ustozlari –
podpolkovniklar Rahim Aripov va Haydar Mirzabekov katta o‘rin tutdi. Ustozlarning o‘gitidan chiqmagan Shodiyor uyushgan jinoyatchilikka qarshi kurashishdagi muvaffaqiyatlarga salmoqli hissa qo‘shdi.
O‘shanda firibgarlik, tovlamachilik bilan shug‘ullangan jinoiy guruhlardan birini fosh etish oson kechmayotgandi. Shodiyor tezkor ma’lumotlarni tahlil qilish orqali jinoyatchilarning iziga tushgan edi. Nihoyat,
2002-yilning kuzida Gulistondagi yog‘-ekstrakt zavodi yaqinida o‘tkazilgan operatsiyada tovlamachilar qo‘lga olindi.
Shodiyor Ibragimov xizmat pillapoyalaridan o‘sishda davom etdi. 2004-yilda Mirzaobod tumani IIB boshlig‘ining birinchi o‘rinbosari, 2006-yilda tuman IIB boshlig‘i lavozimiga tayinlandi. 2009–2012-yillarda esa Sayxunobod, Guliston tumanlarida IIB boshlig‘i lavozimida faoliyat ko‘rsatdi. Keyinchalik viloyat IIB tizimida turli lavozimlarda ishlagan Shodiyor Ibragimov ko‘plab shogirdlarni tarbiyaladi. O‘z vaqtida Oqoltin tumani IIB boshlig‘i lavozimida ishlagan podpolkovnik Jahongir Haydarov, Sirdaryo, Sardoba tumanlari IIB boshlig‘i lavozimlarida faoliyat ko‘rsatgan podpolkovnik Rustam Qorabekovlar shular jumlasidandir.
– Shodiyor Ibragimov o‘ta mas’uliyatli xodim, – deydi viloyat IIB JQB tezkor vakili, podpolkovnik Rustam Qorabekov. – Shuning uchun ham uni ko‘pchilik hurmat qiladi. U biz, shogirdlar ichki ishlar organi xodimi bo‘lib shakllanishimizga qimmatli maslahatlari, yo‘l-yo‘riqlari bilan katta hissa qo‘shgan.
Hozirgi vaqtda podpolkovnik Sh.Ibragimov Guliston shahridagi 3-sonli IIBda boshliq lavozimida xizmat qilmoqda. O‘n olti nafar xodim faoliyat ko‘rsatadigan mazkur bo‘lim xizmat qiladigan hududda 6 ta mahalla bor. Ushbu mahallalarning barchasi «yashil hudud» toifasida.
U baxtli oila sohibi. Turmush o‘rtog‘i bilan 5 nafar farzandni voyaga yetkazdi. 2 o‘g‘il ota izidan ketgan. Ulardan kattasi Shahboz Usmonov viloyat IIB JXX JTSB PPX safdor xodimi, ikkinchi o‘g‘il Abbos esa IIV Akademiyasi ikkinchi bosqich kursanti.
– Biz otam bilan faxrlanamiz, – deydi Shahboz Usmonov. – Undan o‘rnak olishga, hayotiy va kasbiy tajribasidan ko‘proq bahramand bo‘lishga harakat qilamiz.
Darhaqiqat, o‘z umrini el-yurt osoyishtaligi yo‘liga sarflagan insonning ezgu xislatlari ko‘pchilik uchun namunadir.
Abdurahmon MUSTAFOQULOV,
o‘z muxbirimiz.
Sirdaryo viloyati.
Quyosh panellari daromad keltirmoqda
Abdulaziz YOʻLDOSHEV/'Xalq soʻzi'. Energiya samaradorligini oshirish boʻyicha Samarqand viloyati hududlarida amaliy ishlar olib borilmoqda. Aholi va ijtimoiy soha obeʼktlarni qayta tiklanuvchi energiya manbalari bilan taʼminlash maqsadida viloyatdagi tijorat banklari tomonidan 2023-2024-yilllar davomida 1 779 nafar jismoniy va yuridik shaxslarga muqobil energiya vositalarini sotib olish uchun 157 464 million soʻm kredit mablagʻlari ajratilgan. Jumladan, 1 426 nafar fuqaroga 40 010 million
Ogohlik
Jizzax shahridagi Sambhram universitetida terrorizm va ekstremizm oqibatlaridan talabalarni ogoh etish maqsadida yig‘ilish o‘tkazildi. Bu jarayonda viloyat IIB tezkor qidiruv xizmati xodimlari tomonidan terrorizm va ekstremizm tahdidlari, mazkur turdagi jinoyatlarni sodir etganlarga nisbatan belgilanadigan jazolar, buzg‘unchi g‘oyalarni targ‘ib etish usullari to‘g‘risida atroflicha so‘z yuritildi. Alijon ABDUSATTOROV,“Postda” muxbiri.
Dollar va yevro kursi oshdi, rubl esa pastladi
Oʻzbekiston Respublikasi Markaziy banki xorijiy valyutalarning oʻzbek soʻmiga nisbatan 18-sentyabr kuni amalda boʻladigan qiymatini belgiladi.Unga koʻra, dollarning rasmiy kursi 3,08 soʻmga koʻtarildi va 12 732,56 soʻmni tashkil qildi.Yevro kursi 25,08 soʻmga oshib, 14 181,53 soʻm etib belgilandi.Rossiya rubli 0,35 soʻmga pastlab, 139,37 soʻmni tashkil qildi.
Fuqarolar kredit olishni oʻz-oʻziga taqiqlashi mumkin boʻladi
Kredit-axborot tahliliy markazi portalida fuqarolar tomonidan oʻziga oʻzi kredit olishni taqiqlash imkoni joriy qilindi. Bu oʻzgalar nomiga kredit oluvchi kiberjinoyatchilardan himoyalanish imkonini beradi.Mazkur xizmat yoqib qoʻyilsa, hech kim (kredit-moliya tashkilotlari) fuqaroning kredit tarixi bilan bogʻliq maʼlumotlarini ololmaydi. Natijada kredit tashkilotlari fuqaroning kredit tarixini onlayn oʻrgana olmaydi va kredit ajratish imkonsiz boʻlib qoladi.Xizmatdan foydalanish uchun Kr