'Oʻzbekiston Respublikasi Madaniyat vazirligi jamoasi marhumning oila aʼzolari va yaqinlariga hamdardlik bildiradi', deyiladi vazirlik xabarida.

Musaxon Nurmatov 1968-yili Fargʻona viloyatida tugʻilgan. U 1990-yillar oxiri, 2000-yillar boshida oʻzbek milliy estrada sanʼatidagi yuzlab qoʻshiqlar musiqasining muallifidir.

Xususan, uning 'Laylim', 'U goʻzal boshqa', 'Adashdim', 'Yana sogʻindim, yana', 'Meni sevib qolsayding', 'Xabaring yoʻq', 'Qizmi bu, kiyikmi bu', 'Davraga tushgan goʻzal', 'Oh, mani vatanim bu', 'Kelin boʻlib ketar boʻlding Laylo', 'Toʻlin oy', 'Naysonim Vatan' kabi oʻnlab qoʻshiqlari mashhur.

Ijodkorning oʻgʻli Yusufxon Nurmatov marhum uzoq yillar davomida ogʻir xastalik bilan kurashib kelganini maʼlum qildi.