Qashqadaryo viloyati IIBda joriy yilning birinchi yarmi yakuniga bag‘ishlangan tahliliy yig‘ilish bo‘lib o‘tdi. Unda O‘zbekiston Respublikasi Ichki ishlar vaziri o‘rinbosari, polkovnik Ramazon Ashropov, viloyat IIB boshlig‘i, polkovnik Abduvohid Ismoilov, boshqarma boshlig‘i o‘rinbosarlari, barcha sohaviy xizmat rahbarlari, shahar-tuman ichki ishlar bo‘limlari boshliqlari, ularning o‘rinbosarlari, bo‘linma boshliqlari, shahar-tuman ichki ishlar bo‘limlari shaxsiy tarkibi videoselektor orqali qatnashdi. 

Yig‘ilishda o‘tgan olti oy davomida viloyatda jinoyatchilikni jilovlash, huquqbuzarliklarga qarshi kurashish, jamoat tartibini saqlash, yo‘l harakati xavfsizligini ta'minlash borasida amalga oshirilgan ishlar yuzasidan hisobot tinglandi. 

Tanqidiy ruhda o‘tgan yig‘ilishda viloyatda jamoat tartibini saqlash, qonun ustuvorligini ta'minlash, mol-mulk daxlsizligi, yo‘l harakati xavfsizligini ta'minlash borasida amalga oshirilgan ishlar atroflicha tahlil etildi. Erishilgan yutuqlar bilan birga faoliyatda yo‘l qo‘yilgan kamchiliklar muhokama qilinib, jinoyatchilikning ayrim turlari oshgan shahar-tuman ichki ishlar bo‘limlari rahbarlariga bu borada amalga oshirilishi lozim bo‘lgan chora-tadbirlar xususida ko‘rsatma hamda topshiriqlar berildi. Xizmatda muvaffaqiyatga erishgan, korrupsion holatlarning oldini olib, ichki ishlar organlarining imijini oshirishga qo‘shga hissasi uchun bir guruh xodimlar faxriy yorliq va pul mukofotlari bilan taqdirlandi. 

Tadbirda Ichki ishlar vaziri o‘rinbosari so‘zga chiqib, korrupsiya va tamagirlikka yo‘l qo‘ymaslik, xizmat intizomi va qonuniylikka rioya qilish borasida rahbariyatning qat'iy talab va topshiriqlarini xodimlarga yetkazdi. 

O‘z muxbirimiz.