calendar 26 Jul 10:20
eye 35
comments 0
comments Manba: qalampir.uz

Markaziy bank asosiy stavkani pasaytirdi

image

Inflyatsiyaning kutilayotgan dinamikasi va inflyatsiyani oshiruvchi xatarlarning kamayganligini inobatga olib, Markaziy bank boshqaruvi asosiy stavkani 0,5 foiz bandga pasaytirib, yillik 13,5 foiz darajasida belgilash to‘g‘risida qaror qabul qildi. Bu haqda Markaziy bank matbuot xizmati xabar berdi.

Bildirilishicha, iyun oyida umumiy inflyatsiya yillik 10,6 foiz darajasida shakllanib, inflyatsiyaning barqaror komponentlari va meva-sabzavotlar narxlarida sezilarli pasayish kuzatilgan. Tashqi bozorlardagi narxlar dinamikasi ham import inflyatsiyasiga pasaytiruvchi ta’sir ko‘rsatishda davom etmoqda.

“Shuningdek, oziq-ovqat tovarlari inflyatsiyasining pasayishi hamda almashuv kursi barqarorligi aholining inflyatsion kutilmalariga ijobiy ta’sir ko‘rsatib, iyun oyida sezilarli pasayishiga olib keldi. Bu esa, kutilmalar tomonidan inflyatsiyaga bosimlarni pasayib borishiga sharoit yaratadi”, deyiladi xabarda.

Qayd etilishicha, bazaviy inflyatsiyaning pasayuvchi dinamikasi davom etib, iyunda 5,9 foizga teng bo‘lgan va yil boshidan 2,6 foiz bandga pasaygan. Markaziy bankka ko‘ra, bu energiya tariflari o‘zgarishining ikkilamchi ta’siri kutilganidan past bo‘lganligi bilan izohlanib, inflyatsiyaning kelgusida ham pasayuvchi trendining davom etishiga ishora bermoqda.

“Markaziy bank inflyatsiyaning 5 foizlik targetiga erishishga qaratilgan nisbatan qat’iy pul-kredit siyosatini amalga oshirishda davom etadi. Bunda, asosiy stavka bo‘yicha kelgusi qarorlar inflyatsiya dinamikasi va prognozi, inflyatsion kutilmalar hamda makroiqtisodiy ko‘rsatkichlar bo‘yicha kelgusi davr ma’lumotlari asosida qabul qilinadi”, deyiladi xabarda.

Markaziy bank boshqaruvining asosiy stavkani ko‘rib chiqish bo‘yicha navbatdagi yig‘ilishi 2024 yil 12 sentyabrga belgilangan.

Ma’lumot uchun, asosiy stavka davlat va tijorat banklaridan kredit olish, omonat joylashtirish foizlarini belgilash uchun boshlang‘ich nuqta bo‘lib xizmat qiladi. Ya’ni banklar Markaziy bank belgilagan asosiy stavkadan kelib chiqqan holda kredit va depozit foizlarini belgilaydi.

O‘zbekistonda asosiy stavka 2023 yilning mart oyidan beri o‘zgarishsiz, 14 foizlik ko‘rsatkichda saqlanib kelayotgan edi. Markaziy bankning asosiy stavkani tushirish borasida chiqargan qaroridan kelib chiqib aytish mumkinki, yaqin orada banklarda ajratilayotgan imtiyozli kredit stavkasi ham 13,5 foizga tushirilishi mumkin. 

Eslatib o‘tamiz, avvalroq O‘zbekiston banklarida kreditlarning o‘rtacha foizi ko‘tarilgani haqida xabar berilgandi.


Doʻstlaringiz bilan ulashing

03 Sep 21:35
 
7
0
xs.uz

Shavkat Mirziyoyev Birinchi Prezidentimiz haykali poyiga gulchambar qoʻydi

2-sentyabr kuni davlat tashkilotlari vakillari, Toshkent shahri jamoatchiligi Islom Karimovni yod etish uchun yigʻildi. Bu haqda Prezident matbuot xizmati xabar berdi.Davlatimiz rahbari Shavkat Mirziyoyev Islom Karimov nomidagi ilmiy-maʼrifiy yodgorlik majmuasiga tashrif buyurib, Birinchi Prezidentimiz haykali poyiga gulchambar qoʻydi.Islom Karimovning mamlakatimiz mustaqilligini eʼlon qilgan va uni taraqqiyot yoʻliga olib chiqqan yetakchi ekanligi qayd etildi. Davlatimiz rahbari Mustaqilli

26 Jul 10:20
 
37
0
qalampir.uz

Qamchiq dovonida Equinox yonib ketdi

 “Vodiy-Toshkent” yo‘lida Equinox rusumli avtomobil yonib ketdi. Bu haqda “Qamchiqavtoyo‘l ixtisoslashtirilgan yo‘llardan foydalanish korxonasi” xabar berdi. Qayd etilishicha, voqea bugun, 24 iyul kuni soat 12:55 da A-373 “M-39 Guliston-Bo‘ka-Angren-Qo‘qon va Andijon orqali O‘sh” avtomobil yo‘lining 254.6-kilometri qismi “Vodiy-Toshkent” yo‘nalishida sodir bo‘lgan.  Harakatlanib kelayotgan Equinox rusumli avtotranspor

26 Jul 13:24
 
60
0
qalampir.uz

Prokuror suddan “Saidaziz medgorodok”ga 20 yil qamoq jazosi so‘radi

“Saidaziz medgorodok” nomi bilan tanilgan Saidaziz Saidaliyev ishida sud tergovi tugadi. Bu haqda QALAMPIR.UZ manbasi xabar berdi. Prokuror Saidaliyevga qo‘yilgan ayblovlar o‘z isbotini topganini aytib, unga 20 yil ozodlikdan mahrum etish jazosini tayinlashni so‘ragan. Saidaziz Saidaliyev O‘zbekiston Respublikasi Jinoyat kodeksining  quyidagi moddalari bilan ayblanmoqda:  242-modda (Jinoiy uyushma tashkil etish) 1-qismi;  243-modda (Jinoiy faoliya

20 Jul 13:04
 
58
0
qalampir.uz

Yil boshidan beri O‘zbekistonda 10 mingdan ortiq shaxs qamaldi

2024 yilning dastlabki 6 oyida 10 mingdan ortiq shaxs ozodlikdan mahrum etildi. Bu haqda O‘zbekiston Respublikasi Oliy sudi xabar berdi. Qayd etilishicha, joriy yilning birinchi yarmida jinoyat ishlari bo‘yicha sudlar tomonidan 37 179 nafar shaxsga nisbatan 29 086 ta jinoyat ishi ko‘rib chiqilgan. 465 nafar shaxs oqlanib, reabilitatsiya qilingan. Sudlangan shaxslar soni 29 382 nafarni tashkil etib, shundan 10 287 nafar shaxsga ozodlikdan mahrum qilish va 18 579 nafariga boshqa turdag