Qayd etilishicha, yanvar'iyun oylarida Oʻzbekiston aholisiga 6,88 trillion soʻm miqdorida ipoteka kreditlari ajratilgan. Bunda respublikada jami 23 ming 201 nafar fuqaro banklardan foizli qarz olgan boʻlib, ularning 16,9 nafari erkaklar (4 trillion 32 milliard soʻm), 9,2 ming nafari xotin'qizlar (2,4 trillion soʻm) hissasiga toʻgʻri kelgan.

Ipoteka kreditlarining 61 foizi birlamchi bozordagi uylarga, 39 foizi ikkilamchi bozordagi uylarga ajratilgan. Foizli qarzlarning 70 foizini 31'50 yoshlar oraligʻidagi insonlar, 20 foizini 18'30 yoshdagilar, 10 foizini 50 yoshdan yuqori boʻlganlar olgan.

Shu yilning olti oyi ichida banklarning oʻz mablagʻlari hisobidan ajratgan ipoteka kreditlari yillik 23,3'25,1 foizdan (foizlar har oy oʻzgarib turgan), 'Yangi tartib' doirasida yoʻnaltirilgan foizli qarzlar yillik 17,3'17,9 foizgacha berilgan.

Yanvar'iyun oylarida 'Yangi tartib' dasturi boʻyicha mamlakatning 13,7 ming fuqarosiga 3,2 trillion soʻm miqdorida ipoteka kreditlari ajratilgan.

Eng koʻp kreditlar Samarqand viloyati aholisiga berilgan ' 424 milliard soʻm. Keyingi oʻrinlarda Fargʻona viloyati (415,1 milliard soʻm), Toshkent shahri (340,9 milliard soʻm), Andijon (331,5 milliard soʻm) viloyatiga nisbatan koʻp miqdorda ipoteka kreditlari ajratilgan.

Markaziy bankning maʼlum qilishicha, respublikada 2019-yilda aholiga 7,9 trillion soʻmlik ipoteka kreditlari ajratilgandi. 2020-yilda bu miqdor 9,1 trillion soʻmga, 2021-yilda 9,8 trillion soʻmga, 2022-yilda 14,4 trillion soʻmga, 2023-yilda esa 16,9 trillion soʻmga yetgan.