G‘azodagi urushni tugatish to‘g‘risidagi kelishuvning birinchi bosqichidan 16 kun o‘tib, HAMAS AQSHning isroillik garovga olinganlarni, jumladan askar va erkaklarni ozod qilish bo‘yicha muzokaralarni boshlash taklifini qabul qildi. Bu haqda bugun, 6 iyul kuni G‘azodagi hukmron tashkilotdagi manbasiga tayanib, “Reuters” agentligiga ma’lum qildi.

Guruh Isroilning kelishuvni imzolashdan avval doimiy sulh tuzish majburiyatini olishi haqidagi talabini rad etdi. U muzokaralarni olti haftalik birinchi bosqichda kelishuvga erishishga imkon beradi.

Xalqaro vositachilik guruhiga yaqin falastinlik mulozimning aytishicha, taklif Isroil tomonidan qabul qilinsa, asosli kelishuvga olib kelishi mumkin. Isroil muzokaralar guruhidagi ismi sir qolishini istagan manbaning aytishicha, endi kelishuvga erishish uchun real imkoniyat bor. Bu Isroilning o‘tmishdagi HAMAS shartlarini qabul qilib bo‘lmaydi, degan bayonotlaridan keskin farq qiladi.

Binyamin Netanyaxu idorasi muzokaralar kelasi hafta davom etishini tasdiqladi, biroq tomonlar o‘rtasidagi kelishmovchiliklar hamon saqlanib qolganini ta’kidladi.

“Yangi taklif vositachilar kelishuvning ikkinchi bosqichini amalga oshirish bo‘yicha bilvosita muzokaralar chog‘ida vaqtinchalik o‘t ochishni to‘xtatish, yordam yetkazilishi va Isroil qo‘shinlarini olib chiqib ketilishini kafolatlashini nazarda tutadi”, dedi HAMASdagi manba.

Qay etilishicha, Vashington, Isroil va Qatar o‘rtasida o‘t ochishni to‘xtatish va G‘azoda garovga olinganlarni ozod qilish bo‘yicha sa’y-harakatlar so‘nggi kunlarda faollashgan, bu esa HAMASning surgundagi rahbariyati qo‘nim topgan Dohadan vositachilik harakatlariga yetakchilik qilmoqda.

Mintaqaviy manbaning aytishicha, AQSH ma’muriyati noyabr oyida bo‘lib o‘tadigan prezidentlik saylovlari oldidan kelishuvga erishish uchun barcha sa’y-harakatlarini amalga oshirmoqda.