Shofirkon tumani IIB JXX HPB profilaktika katta inspektori, kapitan Abbos G‘affo­rovni hamkasblari soha fidoyisi sifatida qadrlashadi. Bunday hurmatga samimiyligi, hech kimdan yordamini ayamasligi hamda ishiga sidqidildan yondashishi orqali erishgan. Shuningdek, u «ustoz-shogird» an’analarini davom ettirib, ishga yangi qabul qilingan yosh profilaktika inspektorlariga boy tajribalarini o‘rgatib kelmoqda.

– Ustozim bilan yelkama-yelka, yonma-yon turib xizmat qilayotganimdan faxrlanaman, – deydi leytenant Mirshod Nurillayev. 

– U kishidan fuqarolar tomonidan tushadigan ariza va shikoyatlarni o‘rganish, ma’muriy hujjatlarni yuritish, qisqasi, sohaviy bilimlarni puxta o‘zlashtirish hamda jinoyat va huquqbuzarliklarga qarshi kurashish sir-asrorlarini qunt bilan o‘rganmoqdaman. Shuningdek, Abbos aka o‘z hududlaridagi aho­lining tinchlik-xotirjamligini ta’minlashdan ortib, men singari boshqa profilaktika inspektorlariga ham yo‘l-yo‘riq ko‘rsatib kelyapti. 

O‘qish, o‘rganish va izlanish har qanday kasbda ham maho­ratni oshirishning bosh omilidir­. Tuman IIBda yaxshi yo‘lga qo‘yilgan an’ana yoshlarning kasb sirlarini mukammal o‘rga­nishlarida muhim ahamiyat kasb etyapti.

Mirzoqul AHADOV,

o‘z muxbirimiz.

Buxoro viloyati.