calendar 03 Jul 13:41
eye 65
comments 0
comments Manba: qalampir.uz

Olimpiada medallari uchun sportchilarga beriladigan mukofot pulining miqdori e’lon qilindi (foto+video)

image

Kecha, 2 iyul kuni Toshkent shahridagi Olimpiya va Paralimpiya shon-shuhrati muzeyida O‘zbekiston delegatsiyasini Parij-2024 yozgi Olimpiya o‘yinlariga tantanali kuzatish marosimi bo‘lib o‘tdi. 

Marosimda O‘zbekiston Respublikasi Oliy Majlisi Senati raisi, mamlakat velosiped sporti federatsiyasi rahbari Tanzila Norboyeva, O‘zbekiston Respublikasi Bosh vaziri Abdulla Aripov, O‘zbekiston Respublikasi Prezidenti Administratsiyasi departament rahbari Odil Abdurahmonov, Davlat Xavfsizlik xizmati raisi, O‘zbekiston futbol assotsiatsiyasi prezidenti Abdusalom Azizov, Osiyo Olimpiya kengashi vitse-prezidenti Otabek Umarov, Adham Ikramov boshchiligidagi Sport vazirligi hamda Milliy Olimpiya va Paralimpiya qo‘mitalari rahbarlari, sportchi hamda murabbiylar, OAV xodimlari ishtirok etdi.

Tadbir avvalida senat raisi Tanzilla Norboyeva va Bosh vazir Abdulla Aripov so‘zga chiqib, to‘rt yillikning eng yirik sport tadbirida O‘zbekiston vakillariga omad tiladi.

Abdulla Aripov Olimpiya o‘yinlari g‘olib va sovrindorlariga davlat tomonidan beriladigan mukofot pullari haqida ham aytib o‘tdi.

Unga ko‘ra, Parij-2024 Olimpiya o‘yinlarining oltin medal sohiblariga 200 ming, kumush medal egalariga 100 ming, bronza medal sovrindorlariga esa 50 ming AQSH dollar pul mukofoti taqdim etiladi. Sportchilarni murabbiylariga esa mos ravishda 50, 25, 12,5 ming AQSH dollari beriladi.

Shuningdek, tadbirda Olimpiada o‘yinlarida qaysi sportchi O‘zbekiston bayroqdori bo‘lishiga ham oydinlik kiritildi. Bunday sharafli vazifa boks bo‘yicha jahon chempioni Abdumalik Xalakov va  qilichbozlik bo‘yicha jahon chempioni Zaynab Dayibekovaga ishonib topshirildi.

Tadbir yakunida hukumat vakillari va sport federatsiyalari rahbarlari Olimpiadada O‘zbekiston sharafini himoya qiladigan atletlar bilan esdalikka fotosuratga tushdi. Endi birin-ketin O‘zbekiston sport terma jamoalari Parij shahriga jo‘nab ketadi. Olimpiya o‘yinlarining ochilish marosimi 26 iyul kuni bo‘lib o‘tadi. Bahslar 12 avgustga qadar davom etadi.


Doʻstlaringiz bilan ulashing

20 Mar 12:50
 
41
0
postda.uz

TAJRIBA VA MAHORAT USTUNLIGI

Yaqinda sportning mini futbol turi bo‘yicha “IIV Malaka oshirish instituti boshlig‘i kubogi” uchun musobaqa tashkil etildi. Unda Toshkent davlat texnika universiteti talabalari, Olmaliq shahridagi bir qator ta'lim muassasalari yoshlari hamda mazkur institut tinglovchilaridan iborat jamoalar ishtirok etishdi. Qiziqarli bahslarga boy tarzda o‘tgan bellashuvlarning yakuniy natijalariga ko‘ra, tajriba va mahorat bobida raqiblaridan ustun kelgan IIV Malaka oshirish institutining

04 Apr 16:20
 
49
0
xs.uz

“Man Siti” oʻz himoyachisini “Real Madrid”ga taklif qildi

'Manchester Siti' jamoasi yozgi transfer oynasi arafasida jamoani yangilash rejalari doirasida shveysariyalik himoyachi Manuel Akanjini 'Real Madrid'ga taklif qildi. Bu haqda '90min' nashri xabar bermoqda. Garchi Akanjining 'shaharliklar' bilan tuzgan amaldagi shartnomasi 2027-yilgacha moʻljallangan boʻlsa-da, klub uni transferga qoʻyishga tayyor ekanini bildirgan.Manbaga koʻra, 'Siti' vakillari Madrid klubi bilan bogʻlanib, futbolchini rasmiy tarzda taklif qilgan. Biroq 'Real Madrid' ushbu

21 Apr 08:34
 
44
0
xs.uz

Messi kelajagiga aniqlik kiritdi

Argentina terma jamoasi va AQSHning 'Inter Mayami' klubi hujumchisi Lionel Messi 2026-yilgi jahon chempionatida terma jamoa tarkibida oʻynashni xohlashini tan oldi.'Aytganimdek, bor eʼtiborimni hozirgi kunga qaratganman, lekin jahon chempionati haqida oʻylamaganman desam, yolgʻon gapirgan boʻlaman. Ha, men u haqida oʻylayman. Bu yil mening kelajagim haqida qaror qabul qilishda asosiy boʻladi. Men toʻgʻri ritmni, izchillikni topmoqchiman', ' deydi futbolchi.2026-yilgi jahon chempionati k

09 Mar 06:34
 
52
0
xs.uz

Oksana Chusovitina – jahon kubogida oltin medalni qoʻlga kiritdi (+video)

Ozarbayjonda oʻtayotgan sport gimnastikasi boʻyicha Jahon kubogi bahslarida hamyurtimiz, 49 yoshli Oksana Chusovitina oltin medalga sazovor boʻldi.Bugun, 8-mart kuni Boku shahrida oʻtkazilgan final bahslarida Oksana Chusovitina tayanib sakrash yoʻnalishida 13.516 ball toʻplab, hammadan yuqori natija qayd etgan holda birinchilikni egalladi.Undan keyingi oʻrinlarda sloveniyalik Teya Belak 13,366 ball bilan ikkinchi oʻrinni egallagan boʻlsa, 13,283 ball toʻplagan yana bir sloveniyalik gim