Rossiyaning Qozon shahrida bo‘lib o‘tgan BRICS o‘yinlarida O‘zbekiston delegatsiyasi 114 ta medalni qo‘lga kiritdi. Bu haqda O‘zbekiston Milliy Olimpiya qo‘mitasi xabar berdi.

Bugun, 24 iyun kuni o‘z poyoniga yetgan 6-BRICS o‘yinlarida o‘zbekistonlik sportchilar 17 ta oltin, 39 ta kumush va 58 ta bronza, jami 114 ta medal jamg‘arib, umumjamoa hisobida to‘rtinchi o‘rinni egalladi.

Ma’lumot uchun, 13-24 iyun kunlari 90 ta jamoa ishtirokida kechgan o‘yinlarda Rossiya birinchi, Belarus ikkinchi hamda Xitoy jamoalari uchinchi o‘rinni band etdi.

Eslatib o‘tamiz, avvalroq Bahodir Jalolov BRICS o‘yinlarida g‘olib bo‘lgandi.