Ispaniyaning “Marca” gazetasi Madridning “Real” klubi yangi futbolchisi fransiyalik Kilian Mbappega bag‘ishlangan hujjatli filmni taqdim etdi.
Film 20 daqiqadan sal ko‘proq davom etadi va “Bu kunni 7 yildan beri kutgan Mbappe” deb nomlanadi. Mini-filmda Mbappe va “Real Madrid” o‘rtasidagi muzokaralardagi muhim voqeliklar haqida so‘z ochilgan, shuningdek, o‘tgan yili “Real”ning Mbappe bilan muvaffaqiyatsiz yakunlangan kelishuvi tafsilotlari ochib berilgan.
Ma’lumot uchun, Mbappe 3 iyun kuni PSJni tark etib, “Real”ga erkin agent sifatida o‘tdi. O‘tgan mavsumda 25 yoshli hujumchi 48 uchrashuvda ishtirok etib, 44 gol urgan va 10 golga assistentlik qildi.
Eslatib o‘tamiz, avvalroq “Real” Mbappe transferidan qancha foyda qilishi xabar qilingandi.