Kecha, 5 iyun kuni Fransiya terma jamoasi o‘rtoqlik uchrashuvida Lyuksemburgni 3:0 hisobida mag‘lub etdi.

Fransiya termasining yulduzi Kilian Mbappe ushbu uchrashuvda 2 ta golli uzatma berdi va 1 ta golga mualliflik qildi.

Qayd etilishicha, Mbappe terma jamoadagi golli uzatmalari soni bo‘yicha Zinedin Zidan va Terri Anrini ortda qoldirdi. “Real” hujumchisi hozirda 27 ta golli uzatmaga ega, Zidan va Anri esa 26 tadan golli uzatma mavjud.

Bu ko‘rsatkich bo‘yicha birinchi o‘rinda 30 ta golli uzatmaga ega bo‘lgan Antuan Grizmann turibdi. 

Ma’lumot uchun, Fransiya-Lyuksemburg o‘yinida Mbappedan tashqari gollarga Kolo Muani va Jonatan Kloos mualliflik qildi. Fransiya terma jamoasi keyingi o‘yinini Kanadaga qarshi 10 iyun kuni o‘tkazadi.