“Real” hujumchisi Kilian Mbappe yangi jamoasida 9-raqam ostida to‘p tepadi. Bu haqda futbol jurnalisti Fabritsio Romano o‘z X sahifasida ma’lum qildi. 

Manbaga ko‘ra, futbolchi “Real” rahbariyatidan kelgusi mavsum uchun 10-raqamni taqdim etishni so‘ramagan. Kilian kelasi mavsum uchun shartnomasini uzaytirgan yarim himoyachi va klub afsonasi Luka Modrichni hurmat qiladi.

Qayd etilishicha, 25 yoshli Mbappe “Real” bilan shartnoma tuzgani uchun 5 yilga 100 million yevro bonus oladi. Uning “qirollik klubi”dagi yillik maoshi esa 15 million yevroni tashkil etadi. 

Eslatib o‘tamiz, avvalroq portugaliyalik futbolchi Krishtianu Ronaldu Mbappening yangi klubidagi faoliyatida omad tilagandi.