calendar 14 May 14:34
eye 38
comments 0
comments Manba: qalampir.uz

Xorazmda er xotinini bolta bilan chopib o‘ldirdi  

image

Xorazm viloyati Shovot tumanida yashovchi erkak xotinini sehr-jodu bilan shug‘ullanishda ayblab, bolta bilan urib o‘ldirdi. Unga nisbatan 10 yil muddatga ozodlikdan mahrum qilish jazosi tayinlandi.  Bu haqda QALAMPIR.UZ manbasi xabar berdi.

Unga ko‘ra, qotillik 2023 yilning 16 dekabrida sodir bo‘lgan. 1952 yilda tug‘ilgan er o‘z xotinini sehr-jodu qilganlikda ayblagan. Janjal vaqtida erkak xonada turgan bolta bilan ayolga 17 marotaba zarba bergan. Ayol voqea joyida vafot etgan.

Qotillik sodir etilganidan so‘ng, erkak uyiga qamalib, bir necha bor o‘z joniga qasd qilishga uringan. Biroq huquq-tartibot idoralari xodimlari uyga kirib, unga birinchi tibbiy yordam ko‘rsatishga muvaffaq bo‘lgan.

2024 yil 2 aprelida Jinoyat ishlari bo‘yicha Shovot tumani sudida turmush o‘rtog‘ini o‘ldirgan erkakka nisbatan sud hukmi o‘qildi.

Ma’lum bo‘lishicha, ayblanuvchi shifokorlikdan pensiyaga chiqqan. Uning turmush o‘rtog‘i ham tibbiyot sohasida faoliyat yuritgan. Er-xotinning 6 nafar farzandi bo‘lgan.

“Gumonlanuvchining ko‘rsatmasiga ko‘ra, 2023 yilning 16 dekabr kuni A.X. yarim tunda uyg‘onib ketgan va avvaliga turmush o‘rtog‘idan qon bosimini tushiruvchi dori so‘ragan. Ayol u so‘ragan dorilarni topib berib, ukol ham qilgan. Shunda A.X. sehr-jodu qilingani sabab kechalari uxlay olmayotganini aytib, janjal ko‘targan. So‘ngra jahl ustida isitish pechi yonida turgan boltani olib, xotinining bosh qismiga 17 bor zarba bergan. Buning oqibatida ayol og‘ir tan jarohatlari olib, voqea joyida vafot etgan”, deyiladi sud hujjatida.

Sud hukmiga ko‘ra, A.X. Jinoyat kodeksining 97-moddasi 1-qismida nazarda tutilgan (Qasddan odam o‘ldirish) jinoyatni sodir qilganlikda aybli deb topilgan. Unga nisbatan 10 yil muddatga ozodlikdan mahrum qilish jazosi tayinlangan.  Shuningdek, ayblanuvchi jazoni umumiy tartibdagi koloniyada o‘tashi belgilangan.

Eslatib o‘tamiz, avvalroq Jizzaxda erkak 25 yoshli xotinini urib o‘ldirgandi.

Rayhona Ulkanbayeva


Doʻstlaringiz bilan ulashing

18 Jul 12:30
 
60
0
xs.uz

Tadbirkor ayollar uchun keng imkoniyat

' Endilikda ushbu markaz orqali viloyat xotin-qizlariga tadbirkorlik faoliyatini bozor talablaridan kelib chiqib yoʻlga qoʻyish, sarmoyani toʻgʻri sarflash, ish faoliyatini kengaytirish kabi muhim nazariy va amaliy koʻnikmalar oʻrgatib boriladi, ' deydi viloyat hokimi oʻrinbosari Malika Mamadiyarova. ' Mashgʻulotlarga xalqaro hamkorlarimiz bevosita jalb etiladi.Markazning ochilish marosimida xalqaro hamkor tashkilot vakillari ham ishtirok etib, hududning investitsiyaviy jozibadorligi ham

18 Jul 11:58
 
61
0
qalampir.uz

Samarqandda avtobus piyodani urib yubordi

Samarqand viloyatida avtobus yo‘lning belgilanmagan qismidan o‘tayotgan piyodani urib yubordi va oqibatda piyoda halok bo‘ldi. Bu haqda viloyat IIB Yo‘l harakati xavfsizligi boshqarmasi xabar berdi.  Voqea 13 iyul kuni soat 13:00 larda Kattaqo‘rg‘on tumani M.Ulug‘bek mahallasi hududidan o‘tuvchi 4R-48 “Zarafshon Trakt” avtomobil yo‘lining 94-kilometrida sodir bo‘lgan. Haydovchi Midibus SAZ NP 21 rusumli avtomobilida “Payshanba-Kattaqo‘rg‘on shaha

15 Jul 12:03
 
64
0
xs.uz

Andijondagi Shahrixonsoyda kichkina qiz jonsiz holatda topildi

Maʼlum qilinishicha, seldan keyin Andijon, Shahrixonsoydan oqib ketgan qiz jonsiz holatda topilgan.Andijon viloyati hokimligi matbuot xizmatining xabar berishicha, mazkur hodisa viloyat hamda tuman hokimliklari, shuningdek, viloyat IIB tomonidan nazoratga olingan.Hozirda shaxsi nomaʼlum va IIB vakillari uning shaxsiga aniqlik kiritish boʻyicha ish olib bormoqda.Jalaquduq va Xoʻjaobod tumanlari hududidagi tezkor oʻrganishlar davomida ushbu hududlarda bu yoshdagi farzandini yoʻqotgan hech bi

24 May 14:41
 
79
0
qalampir.uz

Andijonda Damas kanalga tushib ketdi (video)

Ijtimoiy tarmoqlarda Andijon viloyatida Damas rusumli avtomobilni kran kanaldan chiqarib olayotgani aks etgan videotasvirlar tarqaldi. QALAMPIR.UZ ushbu voqeaga aniqlik kiritish maqsadida Andijon Favqulodda vaziyatlar boshqarmasi bilan bog‘landi. Bildirilishicha, voqea joriy yilning 21 may kuni tunda sodir bo‘lgan.  Harakatlanib ketayotgan Damas haydovchisi boshqaruvni yo‘qotgan va Ulug‘nor kanaliga tushib ketgan. Avtomobil ichida haydovchidan tashqari yana bir yo‘lovchi bo