calendar 10 May 13:32
eye 32
comments 0
comments Manba: qalampir.uz

Yana bir xususiy universitetning litsenziyasi bekor qilindi

image

O‘zbekistondagi yana bir nodavlat oliy ta’lim muassasasi – Toshkent Texnologiyalar universiteti litsenziyasi bekor qilindi. Bu haqda kecha, 8 may kuni bo‘lib o‘tgan matbuot anjumanida Oliy ta’lim, fan va innovatsiyalar vazirligi rahbariyati ma’lum qildi.

Tafsilotlarga ko‘ra, 2024 yilning 19 aprel kuni Toshkent Texnologiyalar universitetining litsenziyasini bekor qilish bo‘yicha sudning ajrimi e’lon qilingan. Kelasi o‘quv yilidan boshlab universitet o‘z faoliyatini davom ettirmaydi. Universitet talabalari esa boshqa oliygohlarga o‘qishga ko‘chiriladi.

Ta’lim muassasalari faoliyatini tashkil etish, litsenziyalash, ta’lim sifatini ta’minlash departamenti boshlig‘i Abduvali Xoliqov nodavlat OTM bilan vazirlik o‘rtasida olib borilgan sud ishlariga aniqlik kiritdi.

“Dastlabki bosqichdagi o‘rganishlar natijasi bo‘yicha 5 ta nodavlat OTM litsenziyasi bekor qilindi, sud qarori bo‘yicha va belgilangan tartibda. Bundan tashqari, bir nechtasi o‘rganish natijasi bo‘yicha sudga berildi va ular belgilangan muddatlarda kamchiliklarini bartaraf etganligi va sudda buni asoslab berganligi uchun sud jarayoni to‘xtatildi va OTM faoliyatini davom ettirishga ruxsat berildi. Tekshiruv o‘tkazilgan hammasi ham yopilgani yo‘q. Adashmasam, yaqinda bir manbadan ma’lumot chiqdiki, yirik nodavlat OTM yopilishi rejalashtirilgan, degan. Bunga o‘xshash hech qanday reja yo‘q”, deydi departament boshlig‘i.

Abduvali Xoliqov, shuningdek, nodavlat OTMlarda nima uchun reyd o‘tkazilayotganiga izoh berdi:

“Qachon nodavlat OTMga o‘rganishga boriladi? Qachonki o‘sha tashkilotdan norozilik sifatida murojaat bo‘lganida. “Risk analog” degan narsa bor, ya’ni qizil yonganda. O‘sha yerning talabalari vazirlikka murojaat qilishadi. O‘sha murojaat asosida biznes ombudsmanga gapiramiz. O‘z-o‘zidan vazirlik borib tekshirolmaydi, kirolmaydi ham... Ruxsat olgan holda qonun doirasida o‘rganiladi va inson – aynan talabalarga, professor o‘qituvchilarga salbiy ta’sir qiladigan omillar aniqlanganida ularning faoliyati bo‘yicha sudga murojaat qilinadi”, deydi u.

Eslatib o‘tamiz, bundan avval QALAMPIR.UZ’ning “O‘zbekistonda xususiy universitetlarga qarshi kurash boshlandimi?” nomli maqolasi e’lon qilingan edi. Unda intervyu bergan nodavlat OTM direktori vazirlikka aloqasi bo‘lmagan shaxslar undan pul talab qilgani, vazirlik xodimlari hech qanday ogohlantirishsiz kelib, dalolatnoma tuzib ketgani haqida gapirib bergan edi.


Doʻstlaringiz bilan ulashing

14 May 14:34
 
23
0
qalampir.uz

Dollarning rasmiy kursi tushdi

O‘zbekiston Respublikasi Markaziy banki xorijiy valyutalarning o‘zbek so‘miga nisbatan 14 may kuni amalda bo‘ladigan qiymatini belgiladi. Unga ko‘ra, dollarning rasmiy kursi 18,23 so‘mga tushdi va 12 699,85 so‘mni tashkil qildi. Yevro kursi esa 15,84 so‘mga pasayib, 13 694,25 so‘m etib belgilandi. Rossiya rubli 1,20 so‘mga oshib, 139,02 so‘mni tashkil etdi.

15 May 16:23
 
28
0
qalampir.uz

Qashqadaryoda erkak tanish ayolining yalang‘och rasmlarini tarqatmaslik uchun pul so‘radi   

Qashqadaryoda kirakash erkak sevgilisining yalang‘och rasm va videolarini tarqatib yubormaslik uchun 2 million 800 ming so‘m so‘radi. Bu haqda IIV Kiberxavfsizlik markazi xabar berdi. Ma’lumotlarga ko‘ra, Samarqand shahrida yashovchi 27 yoshli (ayol) G.S. murojaat qilib, noma’lum shaxs uning yalang‘och holdagi video va foto tasvirlarini ijtimoiy tarmoqlarda tarqatib yubormaslik evaziga 2,8 million so‘m talab qilayotganini aytgan. Tezkor-qidiruv xizmati Kiberxavfsizlik bo‘

11 Apr 13:59
 
60
0
qalampir.uz

Nukusda O‘zbekiston-Turkmaniston davlat chegarasini demarkatsiya qilish bo‘yicha muzokaralar bo‘ldi

Joriy yilning 1-7 aprel kunlari Nukus shahrida O‘zbekiston-Turkmaniston qo‘shma demarkatsiya komissiyasi ishchi guruhlarining navbatdagi yig‘ilishi bo‘lib o‘tdi. Bu haqda O‘zbekiston Tashqi ishlar vazirligi ma’lum qildi. Uchrashuvda O‘zbekiston-Turkmaniston Davlat chegarasini demarkatsiya qilish bo‘yicha ishlar davom ettirilgan, jumladan, O‘zbekiston va Turkmaniston o‘rtasidagi Davlat chegarasini demarkatsiya qilish bo‘yicha hukumatlararo komissiyaning qo‘shma majlis

11 Apr 20:33
 
97
0
qalampir.uz

3 oy ichida tez yordam xizmatiga eng ko‘p chaqiriq vodiy viloyatlaridan kelgan – SSV 

O‘zbekistonda 2024 yilning yanvar-mart oylarida tez yordam xizmatiga jami 3 million 111 ming 148 ta murojaat kelib tushgan. Bu haqda Sog‘liqni saqlash vazirligi ma’lum qildi. Qayd etilishicha, chaqiruvlarning aksariyatini, ya’ni 2 million 205 ming 296 tasini shoshilinch ko‘rsatma tashkil qilgan. Shuningdek, 812 ming 247 ta surunkali kasalliklar va 19 ming 114 ta tug‘uruq chaqiriqlari bo‘lgan. Eng ko‘p murojaatlar: Toshkent shahri – 330 919 ta; Farg‘ona viloy