Qashqadaryo viloyati 3-sektori rahbari, viloyat Ichki ishlar boshqarmasi boshlig‘i, polkovnik Abduvohid Ismoilov Qarshi shahridagi “Ishga marhamat” monomarkazida bo‘lib, bu yerda yaratilgan sharoitlar, kasbga tayyorlash, xorijiy tillar, raqamli texnologiyalar va tadbirkorlikni o‘rgatish o‘quv kurslari faoliyati bilan yaqindan tanishdi. 

Shuningdek, hunar o‘rganayotgan yoshlar bilan suhbatlashdi. Yoshlarga hunar o‘rganish davomida har bir dars mashg‘ulotini qunt bilan o‘rganib, kelajakda yurt taraqqiyotiga munosib hissa qo‘shadigan yetuk mutaxassis bo‘lish lozimligini uqtirdi. 

Polkovnik Abduvohid Ismoilov so‘ng Qarshi shahri “Oydin” mahallasi yettiligi bilan suhbatlashdi. Mahalladagi iqtisodiy-ijtimoiy holat, uyushmagan yoshlar, ishlash yoki boshqa maqsadlarda xorijiy davlatlarga uzoq muddatga chiqib ketgan va qaytib kelgan fuqarolar bandligini ta'minlash, huquqbuzarlik va jinoyatchilikning oldini olish bo‘yicha mas'ullarga o‘z taklif va tavsiyalarini berdi. 

 Sodiq RAHIMOV,

o‘z muxbirimiz.

Qashqadaryo viloyati.