Umidjon Soliyev uzoq yillar Andijon viloyati ichki ishlar organlari navbatchilik qismlarida xizmat qilib, viloyat IIB Situatsion markazi navbatchilik qismi boshlig‘i lavozimidan podpolkovnik unvoni bilan pensiyaga chiqdi. Uning ukasi Ulug‘bek tergov xizmatida faoliyat olib borgan. U ham podpolkovnik unvonigacha xizmat qilgan. So‘nggi paytlarda Paxtaobod tumani IIB huzuridagi Tergov bo‘linmasi boshlig‘i lavozimida ishlagan. Nodirbek katta akalari izidan bordi. Hozirda u Andijon viloyati IIB Probatsiya boshqarmasi inspektori, mayor.

Kamoliddin Soliyev 2020-yildan oilaviy an’analarni davom ettirib, amakilari izidan borishga qaror qildi. Dastlab tergov izolyatorida nazoratchi sifatida xizmat olib bordi, 2022-yildan esa Andijon viloyati IIB Tashkiliy boshqarmasi Tezkor boshqaruv markazi 

«102» xizmati kichik mutaxassisi lavozimida faoliyat yuritmoqda. Unga ustozi – podpolkovnik Umidjon Soliyev o‘zining hayot va xizmat tajribasini beminnat o‘rgatdi. Bugungi kunda safdor Kamoliddin Soliyev shogirdlari – safdorlar Shuhrat Mutalipov va Gulshona Abdukarimovalarga ustozlik qilmoqda. 

– Faoliyatimiz mashaqqatli va mas’uliyatli, – deydi safdor K. Soliyev. – Har smenada fuqarolardan 180 tadan 200 tagacha qo‘ng‘iroq kelib tushadi. Har bir murojaatni ro‘yxatga olish va mas’ul navbatchi ofitserga yetkazish zarur, u esa osoyishtalik posbonlarini manzil bo‘yicha yo‘naltiradi.

Kamoliddinning orzusi IIV Akademiyasining sirtqi bo‘limiga o‘qishga kirib, kelgusida ofitser bo‘lish.

Boris KLЕYMAN,

o‘z muxbirimiz.

Andijon viloyati.