Sharof Rashidovning asarlari o‘zbek san’atining noyob durdonalarida yashaydi. Masalan, «Yor-yor» filmida «Dugonalar» qo‘shig‘i, «Chinor ostidagi duel» kinoasarida esa «Sado» guruhining «Yor kelur» qo‘shig‘i beriladi. Sharof 

Ra­shidov she’rlariga bastalangan ushbu qo‘shiqlar haqiqiy san’at darajasida kuylangan. Mazmunan boyligi, ko‘tarinkiligi bilan o‘z-o‘zidan dilbar qo‘shiqlarga jo bo‘lgan satrlar bugun ham xalq tilidan tushmaydi.

Taniqli bastakor Sulaymon Yudakov tomonidan adibning «Kashmir qo‘shig‘i» qissasidagi «Dugonalar» she’riga bastalagan qo‘shiqni O‘zbekiston xalq artisti Saodat Qobulova maromiga yetkazib ijro etgan, bugungi kunda opa-singillarimiz uchun mehr ramziga aylangan. Vokal-musiqa janri uslubida yaratilgan qo‘shiq hamon o‘z badiiy qimmatini yo‘qotmay, ijrochilar tomonidan kuylanib kelinmoqda.

Dugonalar bormisiz, omonmisiz?

Jam bo‘lishib, ochilib gulzormisiz, jon,

Ochilib gulzormisiz, jon-ey.

Jam bo‘lishib, ochilib gulzormisiz, jon,

Ochilib gulzormisiz, jon-ey, 

bormisiz, yor-ey, jon?

Hech qanday kuch bizni xazon etolmas,

Bo‘ron, Horud murodiga yetolmas.

Jam bo‘lishib, ochilib gulzormisiz, jon,

Ochilib gulzormisiz, jon-ey, 

bormisiz, yor-ey, jon?

Obod bo‘lur bahorimiz, bog‘imiz, 

Jam bo‘lishib, ochilib gulzormisiz, jon,

Ochilib gulzormisiz, jon-ey.

Jam bo‘lishib, ochilib gulzormisiz, jon,

Ochilib gulzormisiz, jon-ey, 

bormisiz, yor-ey, jon?

Qora kuchlar gulistondan quvilsin,

Gullar bargi shabnam bilan yuvilsin.

Jam bo‘lishib, ochilib gulzormisiz, jon,

Ochilib gulzormisiz, jon-ey, 

bormisiz, yor-ey, jon?