Qadimiy va ko‘hna Buxoro o‘zining boy tarixi hamda jozibadorligi bilan yurtimizda o‘z o‘rniga ega. Shu bois ham mahalliy va xorijiy sayyohlarning hamisha diqqat markazida. 

Tashrif buyurgan mahalliy hamda xorijiy sayyohlarning xavfsizligini ta'minlash, ularga amaliy yordam ko‘rsatish, xavfsiz sayyohlik muhitini yaratish qolaversa, jinoyatchilik va huquqbuzarliklarning oldini olish maqsadida viloyat IIB Xavfsiz turizmni ta'minlash boshqarmasi xodimlari tomonidan tizimli ishlar tashkil qilingan. 

Buxoro shahrining tarixiy qismiga sayohat qilish maqsadida tashrif buyurgan samarqandlik N.Mardiyevaning hamyoni va pullarini ehtiyotsizligi oqibatida yo‘qotganligi to‘g‘risidagi murojaati qisqa fursatlarda boshqarma xodimlari tomonidan ijobiy hal etildi. Shuningdek, Kanada fuqarosi S.Zouyevning ehtiyotsizligi oqibatida shaxsiy buyumlarini yo‘qotib qo‘yganligi to‘g‘risidagi murojaati ham boshqarma xodimlari tomonidan ijobiy hal etildi. Xorijiy sayyoh shaxsiy buyumlari topilganidan xursand bo‘lib, minnatdorlik bildirdi. 

M.RAShIDOVA,

katta leytenant.

Buxoro viloyati.