FAO Oʻzbekistonda oʻrmonlarni muhofaza qilish sohasida zamonaviy bilim va koʻnikmalarni rivojlantirishga koʻmaklashmoqda
![image image](https://xs.uz/upload/post/2024/07/09/1471378aaf350b3ca9b6b6faaf95f2f20709.jpg)
Global ekologik jamgʻarma (GEF) tomonidan moliyalashtirilayotgan va Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi huzuridagi Oʻrmon xoʻjaligi agentligi bilan birgalikda amalga oshirilayotgan ushbu loyiha doirasida shu kungacha Kitob, Dehqonobod, Pop tumanlarida bir qancha dala mashgʻulotlari olib borildi. Ushbu seminarlarda asosiy eʼtibor oʻrmon ekotizimlarini doimiy monitoring va inventarizatsiya qilishning zamonaviy usullarini ishlab chiqish va joriy etish, oʻrmonlarni tashkil qilish texnologiyalarini takomillashtirish va Oʻzbekistonda oʻrmon xoʻjaligining umumiy axborot tizimini rivojlantirishga qaratilgan.
Kuni kecha Sirdaryo davlat oʻrmon xoʻjaligida oʻrmonlar va yaylovlarni inventarizatsiya qilishning zamonaviy usullarini joriy etish va qoʻllash boʻyicha navbatdagi oʻquv mashgʻuloti oʻtkazildi. Treningda davlat tashkilotlari, FAO va mahalliy oʻrmon xoʻjaligi vakillari ishtirok etdi. Ishtirokchilar oʻsimliklarni tahlil qilish, daraxtlarning taksatsion oʻlchamlari va shox-shabbalari koʻrsatkichlari toʻgʻrisidagi maʼlumotlarni tavsiflash, fitosanitariyani baholash va landshaft xaritalarini yaratish boʻyicha ilgʻor texnologiyalardan foydalangan holda amaliy tajribaga ega boʻldilar.
Mazkur tashabbusning pirovard maqsadi Sirdaryo davlat oʻrmon xoʻjaligiga qarashli barcha oʻrmon ekotizimlarini xatlovdan oʻtkazishning zamonaviy usullarini joriy qilish asosida oʻrmon xoʻjaligining kompleks rejasini ishlab chiqishdan iborat. Bu Oʻzbekiston oʻrmonlari va ekotizimlarining barqaror boshqaruvini taʼminlash uchun asos boʻlib xizmat qiladi.
FAOning 'Oʻzbekiston togʻ va vodiy hududlarida oʻrmonlarni barqaror boshqarish' loyihasining shu paytgacha olib borgan faoliyati davomida 20 nafar markaziy va 80 nafar mahalliy mutaxassislar zamonaviy GIS texnologiyalaridan foydalangan holda innovatsion usullar asosida oʻrmon va yaylov hududlarini inventarizatsiya qilish boʻyicha tayyorlandi. Olingan tajriba va bilimlar 12 mln. gektar maydonni oʻz ichiga olgan 96 ta oʻrmon xoʻjaligi korxonalarini doimiy monitoring qilishda asos boʻlib xizmat qiladi.
'Ushbu texnologiyalardan nafaqat Oʻzbekiston oʻrmon xoʻjaliklarida foydalanish, balki, vazirlik va idoralar tomonidan shahar bogʻlari va xiyobonlaridagi, shu bilan birga yashil maydonlardagi daraxt va butalarni inventarizatsiya qilishda foydalanish dolzarb ahamiyatga ega. Ushbu texnologiya koʻchatlarning turi, yoshi va holati boʻyicha tasniflangan elektron hisobotni yuritish imkonini beradi. Operatsion maʼlumotlar shahar va aholi punktlarida yashil maydonlarni saqlash borasida oʻz vaqtida javob choralarini koʻrish va qarorlar qabul qilish imkonini beradi', loyihaning texnik muvofiqlashtiruvchisi Olimjon Qahhorov .
Isroil elchisi Oʻzbekistondagi missiyasini yakunladi
'Elchi xonimning faol hamkorligi va davlatlarimiz oʻrtasidagi munosabatlarni rivojlantirishga qoʻshgan salmoqli hissasini, ilgʻor tashabbuslarini yuksak baholaymiz hamda kelgusi faoliyatida muvaffaqiyatlar tilaymiz', deydi Mirziyoyeva.
Oʻzbekistonning rasmiy oltin-valyuta zaxira aktivlari qariyb 294 million dollarga kamaydi
Markaziy bank Oʻzbekistonning rasmiy zaxira aktivlari 1-iyul holatiga koʻra 294 million dollarga kamayib, 36,34 milliard AQSH dollarni tashkil etayotganini maʼlum qildi. Qayd etilishicha, Oʻzbekistonning oltin zaxiralari iyun oyida 500 million dollardan (27,31 milliard dollargacha) oshgan. Oltinning fizik hajmi 11,4 million troya unsiyadan 11,7 million troya unsiyagacha (31,1034768 grammga teng massa birligi) koʻpaygan. Xorijiy valyuta zaxiralari qiymati 9,23 milliard dollardan 8,43 mill
ОДАМ САВДОСИГА ҚАРШИМИЗ!
Урганч шаҳридаги “Феруз Хоразм” масъулияти чекланган жамиятда “30 кун ҳамкорликда одам савдосига қарши курашиш ойлиги” доирасида тадбир бўлиб ўтди. Хоразм вилояти ИИБ ҳамда Республика "Istiqbolli avlod" ижтимоий-ахборот маркази вилоят бўлими вакиллари ҳамкорлигида ўтк
Xorijiy valyutalarning soʻmga nisbatan qiymati eʼlon qilindi
Unga koʻra, dollarning rasmiy kursi 8,96 soʻmga koʻtarildi va 12 634,00 soʻmni tashkil qildi.Yevro kursi 23,61 soʻmga oshib, 13 710,42 soʻm etib belgilandi.Rossiya rubli 2, 51 soʻmga koʻtarilib, 148,62 soʻmni tashkil qildi.