Sherzodbek Ishanxanov ichki ishlar organlaridagi xizmat faoliyatini 2005-yilda Andijon shahar IIB Navbatchilik qismi haydovchisi lavozimida boshlagan. Orada Andijon davlat universitetini sirtdan tamomla­gan. Undagi xizmat qilish istagi viloyat «Dinamo» JTSJda qo‘l jangi turi bilan shug‘ullanish asnosida paydo bo‘lgan.Podpolkovnik Sh. Ishanxanov o‘tgan yillar davomida Andijon shahar va viloyat IIBlarida turli lavozimlarda samarali xiz­mat qildi. 2023-yildan hozirga qadar viloyat IIB Tashkiliy boshqarmasining o‘ta muhim ishlar bo‘yicha inspektori lavozimida faoliyat olib bormoqda.Lavhamiz qahramoni iste’fodagi polkovnik G‘ulomjon Rahimov, podpolkovniklar Valijon Bo‘tayev, Sodiqjon Nishonov, Abdulla Ziaidovni o‘z ustoz­lari deb biladi. Shu bilan bir qatorda, o‘zi ham mayorlar Faryoz Rahmonov, Muhiddin Zaynobiddinov, Shamshiddin Oripov kabi shogirdlariga yo‘l-yo‘riq ko‘rsatib kelmoqda.Rafiqasi Dildoraxon bilan to‘rt farzandni voyaga yetkazayotgan Sherzodbek Ishanxanovning katta o‘g‘li Muhammadislom o‘z yo‘lini otasiga qarab tanladi va u kabi bo‘lishni orzu qilib o‘sdi. O‘g‘li­ning oilaviy sulolani davom ettirish istagini eshitgan ota juda xursand bo‘ldi. Hozir u IIV Andijon akademik litseyining 2-bosqichida tahsil olmoqda. – Men otam kabi osoyishtalik posboni bo‘lishni xohlayman, – deydi Muhammadislom. – Litseyni tamomlagach, IIV Aka­demiyasiga o‘qishga kirmoq­chiman. Ichki ishlar organlarida xizmat qilish oson emasligini, mashaqqatlarga to‘la ekanini yaxshi bilaman. Lekin xalqimiz himoyachisi bo‘lishni, xavfsizlikni ta’minlashga o‘z hissamni qo‘shishni xohlayman.Onasi Muhammadislomni fikridan qaytarmoqchi bo‘lib, maktabni tugatgan zahoti o‘zi istagan oliy­gohga hujjat topshirishi mumkinligini aytdi, lekin u o‘z so‘zida qattiq turib oldi va osoyishtalik posboni bo‘lishga qat’iy qaror qildi. Bu yil u litseyni tamomlaydi, hozirda IIV Akademiyasiga o‘qishga kirish uchun qizg‘in tayyorgarlik ko‘rmoqda, sport bilan shug‘ullanmoqda.Insonning maqsad va orzulari oiladan boshlanadi. Sherzodbek ham o‘z o‘g‘li uchun munosib o‘rnak bo‘ldi. O‘g‘il ota izidan ketishdek sharafli yo‘lni tanladi.

Boris KLEYMAN,

o‘z muxbirimiz.

Suratda: podpolkovnik Sherzodbek Ishanxanov o‘g‘li Muhammadislom bilan.

Andijon viloyati.