Unda lavanda oʻsimligining Xatirchi tumanidagi boʻsh turgan yer maydonlarini oʻzlashtirgan holda innovatsion usulda yetishtirish va qayta ishlash boʻyicha loyihalar muhokama qilindi. Shuningdek, ishtirokchilarga tuman iqlim sharoitiga mos boʻlgan anjir, naʼmatak kabi dorivor oʻsimliklarni yetishtirish va undan yuqori daromad olish boʻyicha maʼlumot berildi.

' Lavanda parfyumeriya sanoati uchun qimmatli xom ashyo sanalib, tarkibi 1,2 ' 2,3 foizga qadar efir moyiga ega boʻlgan butasimon oʻsimlik, ' deydi soha faxriysi Ahmadjon Islomov. ' Shu bilan birga ushbu oʻsimlikning Xatirchi iqlimi uchun xos bir qator xususiyatlari mavjud. Eng avvalo, u suvsizlikka chidamli boʻlib, yil davomida sugʻorish shart emas. Oʻsimlik qurgʻoqchilikka chidamliligi bilan birga 30 darajagacha sovuqqa ham dosh bera oladi. Shuningdek, bir marta ekilgan koʻchatlardan 30-yilgacha hosil olish mumkin. Undan olinadigan bir litr yogʻ esa dunyo bozorida 20 -100 dollar miqdorida baholanadi.

Lavandaning xushboʻy hidi tushkunlikdan xalos boʻlishda samarali vosita. Uning guli va bargidan ham xushboʻy va shifobaxsh choy tayyorlash mumkin.

Seminarda mazkur loyihalarni kelgusida amalga oshirish boʻyicha qiziqish bildirgan tadbirkorlar va fermer xoʻjaliklari tomonidan hamkorlikdagi rejalar belgilab olindi.