calendar 07 Mar 20:11
eye 30
comments 0
comments Manba: qalampir.uz

Farg‘onadagi “Yoshlar ko‘li” hududi turarjoy qurish uchun berib yuborildi

image

Farg‘ona shahri markazidagi “Yoshlar ko‘li” hududi mehmonxona, restoran, savdo majmuasi va turarjoy qurish uchun, ochilganiga hali bir oy to‘lmagan firmaga berib yuborildi. Bu haqda O‘zA ma’lum qildi.

Aytilishicha, maydoni 2,2 gektar bo‘lgan sun’iy ko‘l, 2020 yilda ta’mirlangan, obodonlashtirilgan, toza suv bilan ta’minlab turish uchun quduqlar chiqarilgan. 2021 yildan keyingi uch yil davomida u suv bilan to‘ldirilmagan, yozda ham faoliyat ko‘rsatmagan.

“Farg‘ona shahridagi bu ko‘l kelajakda iqtidorli yosh sportchilarni tanlashda eng asosiy o‘ringa ega degandim. Mana endi hozirga kelib, havzada suv yo‘q, uni to‘ldirish imkoniyati bo‘lmadi. Tik quduq orqali olinayotgan suv uchun sarflangan elektr quvvatiga pul topilmadi. Shuning uchun asta-sekinlik bilan barcha mashg‘ulotlarimiz to‘xtab qoldi. Ko‘l ko‘p xizmat qilishi kerak edi bu sport turi uchun”, degan Farg‘ona viloyati Kanoe federatsiyasi ijrochi direktori Nasriddin Xoliqov “Farg‘ona haqiqati” gazetasi muxbiriga.

Kuni kecha Farg‘ona markazidagi “Yoshlar ko‘li”da buzish ishlari boshlangan. Ma’lum bo‘lishicha, u Farg‘ona viloyati hokimining 2024 yil 29 yanvardagi qaroriga ko‘ra, ro‘yxatdan o‘tganiga hali bir oy ham to‘lmagan “Unays building” MCHJga mehmonxona, restoran, savdo majmuasi va turarjoy qurish sharti bilan doimiy muddatga berilgan.

Amaldagi qonunchilik va me’yoriy hujjatlarda yer maydoni emas, balki bo‘sh turgan binolargina tadbirkorlik faoliyatini olib borish uchun foydalanib turishga biriktirilishi mumkinligi belgilangan.

Davlat aktivlarini boshqarish agentligi Farg‘ona viloyati hududiy boshqarmasi boshlig‘ining o‘rinbosari Dilshod To‘lqinovning bildirishicha, oldi-sotdi shartnomasi rasmiylashtirilmagan, sababi ob’ekt sotilmagan, tadbirkorga foydalanish uchun topshirilgan.

Ma’lumot uchun, prezident farmoni bilan 2021 yil 1 avgustdan boshlab hokimliklarning yerni to‘g‘ridan to‘g‘ri ajratish, foydalanishga berish, zaxiralash, biriktirish, obodonlashtirish uchun berish yoki yerlarni boshqacha yo‘l bilan tasarruf qilishga oid vakolatlari bekor qilingan.

Farg‘ona viloyati hokimligi bu borada hozircha rasmiy munosabat bildirmadi.

Sarvar Xurramov


Doʻstlaringiz bilan ulashing

11 Apr 13:59
 
30
0
qalampir.uz

O‘zbekistonda gaz balloni o‘rnatilgan 300 dan ortiq avtobus texnik sinovdan o‘tkazilmagan

O‘zbekistonda gaz balloni o‘rnatilgan avtobuslar 2018 yildan beri texnik sinovdan o‘tkazilmasdan odam tashib yurgani ma’lum bo‘ldi. Senatning Mudofaa va xavfsizlik masalalari qo‘mitasi raisi Qutbitdin Burxonov mazkur holat yuzasidan tushuntirish talab qilib, Bosh vazir o‘rinbosari Ochilboy Ramatovga senator so‘rovini yubordi. https://senat.uz/controlactivity/post-1943  Qayd etilishicha, JV MAN Auto-Uzbekistan MCHJ qo‘shma korxonasida ishlab chiqarilgan MAN A 22 CNG rusu

14 Mar 07:22
 
30
0
xs.uz

Oliy Majlis Senati Vyetnam Sotsialistik Respublikasi vitse-prezidenti bilan uchrashuv oʻtkazdi

Oliy Majlis Senati Raisi Tanzila Narbayeva Nyu-York shahrida BMT Ayollar holati boʻyicha komissiyasining 68-sessiyasi maydonida Vyetnam Sotsialistik Respublikasi vitse-prezidenti Vo Txi An Suan bilan uchrashuv oʻtkazdi.Ikki mamlakat oʻrtasidagi oʻzaro manfaatli hamkorlikning amaliy jihatlari muhokama qilindi.Vo Txi An Suan Ostona shahrida boʻlib oʻtgan Osiyoda hamkorlik va ishonch choralari boʻyicha kengashning navbatdagi sammiti doirasida Oʻzbekiston Prezidenti Shavkat Mirziyoyev bilan

07 Mar 20:12
 
46
0
xs.uz

Boks boʻyicha Bahodir Jalolov maktabi ochildi

Olimpiada va Osiyo oʻyinlari gʻolibi, ikki karra jahon va uch karra Osiyo chempioni Bahodir Jalolov Oʻzbekiston sportining bayroqdori hisoblanadi. U keyingi yillarda professional boksda ham muvaffaqiyatli qatnashib kelmoqda.Yurtimizda bunday chempionlar faoliyatini targʻib qilish, ularning namunasida yosh sportchilarni tarbiyalashga alohida ahamiyat qaratilmoqda. Davlatimiz rahbarining 2022-yil 14-martdagi qaroriga muvofiq, shunday yana bir maskan ' Boks boʻyicha Bahodir Jalolov sport mahor

07 Mar 20:11
 
40
0
qalampir.uz

Buxorodagi tug‘uruqxonada fohishaxona tashkil etgan ayol ushlandi 

Buxoro viloyatining Shofirkon tumanida tug‘uruqxonada fohishaxona tashkil etgan ayol ushlandi. Bu haqda viloyat Ichki ishlar boshqarmasi ma’lum qildi. Joriy yilning 27 fevral kuni soat taxminan 19:00 atrofida Shofirkon tuman IIB xodimlari tomonidan o‘tkazilgan tezkor tadbir davomida tumanning Savrak mahallasida yashovchi 1983 yilda tug‘ilgan ayol o‘zi ishlaydigan Qalmanoq mahallasida joylashgan tibbiyot birlashmasi tug‘uruq bo‘limining xonalaridan birida bir erkak va ayolning ji