– Asosan muammolari bor oilalarni o‘rganib, ular bilan suhbat olib borgach, mavjud vaziyat haqida ijtimoiy profilaktika bo‘yicha tashkil etilgan maxsus platformaga o‘z xulosalarimni yozib yuboraman, – deydi katta leytenant Qahramon Mo‘minov. – Xulosalar asosida esa tegishli mas’ullar, mahalla faollari, hokim yordamchisi muammolarni bartaraf qilishga yaqindan ko‘maklashishmoqda. 

Mahallada aholi gavjum joylarga 20 dan ortiq kuzatuv kameralari o‘rnatilgan. Ular tuman IIBga to‘g‘ridan-to‘g‘ri integratsiya qilingan. Buning natijasi o‘laroq, mahallada xotin-qizlar, voyaga yetmaganlar, muqaddam sudlanganlar tomonidan jinoyat sodir etilmadi.

Mahalla fuqarolarini jipslashti­rish oson emas. Lekin maqsadlar mushtarak bo‘lsa, buni uddalash mumkin. Qahramon Mo‘minov mahalla raisi va faollari bilan birgalikda aholini bir maqsad yo‘lida kura­shishga undashga harakat qilmoqda. O‘tgan yili mahalla hududidagi barcha ichki ko‘chalar asfalt qilindi. 

Yaqinda IIV JXD Huquqbuzarliklar profilaktikasi boshlig‘i, polkovnik B.Berdialiyev boshchiligidagi ishchi guruh tomonidan viloyatdagi ijtimoiy profilaktika holatini o‘rganildi. Bunda «Yo‘lchi» mahallasidagi jinoyatchilikka qarshi kurashish, huquqbuzarliklarning oldini olishga qaratilgan ishlar tahlili ko‘rib chiqildi. Mahallada uyma-uy yurish tartibi, yoshlarning mas’ullarga biriktirilishi, umuman, ijtimoiy profilaktika ishlari to‘g‘ri yo‘lga qo‘yilgani alohida e’tirof etildi. 

Muhimi, mahallada osoyishtalik hukmron. Odamlarda profilaktika inspektoriga nisbatan munosabat ijobiy. Chunki uning katta-yu kichikka birdek yordami tegyapti.

Feruza RAHMONQULOVA,

o‘z muxbirimiz.

Surxondaryo viloyati.