calendar 03 Feb 17:32
eye 60
comments 0
comments Manba: qalampir.uz

Rossiyada tug‘ilish darajasi keskin kamaydi

image

Rossiya o‘zining yaqin tarixidagi yeng katta demografik inqirozga yuz tutmoqda, tug‘ilishning keskin kamayishi ko‘plab rossiyaliklarning noaniq iqtisodiy va siyosiy vaziyatda oila qurishdan qo‘rqishini aks ettiradi. Bu haqda bir qator tahlilchilarga tayanib, "Amerika ovozi" ma’lum qildi.

O‘n yil oldin Rossiyada har yili ikki million bola tug‘ilgan. Rasmiy ma’lumotlarga ko‘ra, 2023 yilda bor-yo‘g‘i bir million ikki yuz ming bola tug‘ilgan, bu 1991 yilda Sovet Ittifoqi parchalanganidan beri eng past ko‘rsatkichdir.

"Umuman olganda, Rossiyada iqtisodiy ahvol yomonlashdi, odamlar yomon yashay boshladi, bolalarni tarbiyalash uchun esa kelajakka bo‘lgan ishonch kerak", deydi sotsiolog Anton Orex’.

Qayd etilishicha, rossiyaliklarning kelajakka nisbatan pessimistlashib borishi, Moskvaning Ukrainaga keng ko‘lamli bostirib kirishi bilan bog‘lanmoqda. 

“Kreml Rossiyadagi demografik inqiroz haqidagi xabarlarni tarqatishni istamaydi. Ammo mustaqil muxbirlar va tahlilchilar Ukrainaning ishg‘ol qilinishini muhim omil sifatida ko‘rsatmoqda”, deyiladi nashr xabarida.

Farmatsevtika bozori tahlilchilari esa urush boshlanganidan keyin 2022 yildan boshlab Rossiyada abort tabletkalariga talab 60 foizga oshishini aytmoqda.

Xalqaro tadqiqotchi jurnalistlar konsorsiumi a’zosi va tashqi siyosat sharhlovchisi Galina Sidorovaga ko‘ra, eng katta sabab – bu urush. 

“Bu aslida eng muhim sabab va katta ehtimol bilan janob Putinning Rossiyaga, bu davlatga va uning xalqiga qarshi qilgan katta jinoyatidir", degan u.

Ta’kidlanishicha, tug‘ilish darajasining pasayishi rasmiylarni oilalarga yordam berish rejalarini ishlab chiqishga undadi. Shu bilan birga, Rossiyaning bir qancha mintaqalarida xususiy klinikalarda abort qilish ham taqiqlangan.

Kreml ham o‘z navbatida katta oilalarni rag‘batlantirish strategiyasini boshlab yuborgan. Misol uchun, Vladimir Putin Butunjahon rus xalqi kengashining yalpi majlisida videokonferensiya orqali qilgan ma’ruzasida shunday degan edi:

"Bir paytlar rus oilalari qanday bo‘lganini eslang. Bobo-buvilarimiz yetti-sakkiz, hatto undan ham ko‘proq farzand ko‘rishgan. Kelinglar, qaytib yana o‘sha buyuk an’analarni targ‘ib qilaylik".

Ba’zi kuzatuvchilarga ko‘ra, Rossiya urushda ekan, bu konservativ shiorlar tug‘ilish darajasini oshirishga hech qanday yordam bermaydi.

Statistik ma’lumotlarga ko‘ra, 2024 yil Rossiyada XIX asr boshidan beri tug‘ilish bo‘yicha eng yomon yil bo‘lyapti.

Ayni paytda, G‘arb razvedkasi ma’lumotlariga ko‘ra, Ukraina frontida 40 mingdan ortiq rus askari halok bo‘lgan. Tahlilchilarning fikricha, bu raqam Rossiyaning aholi sonini ko‘paytirish borasidagi sa’y-harakatlari uchun yaxshi natija bermaydi.

Eslatib o‘tamiz, 2020 yilda ham Vladimir Putin Rossiyada tug‘ilish ko‘rsatkichi tushib ketganini tanqid qilgan edi.


Doʻstlaringiz bilan ulashing

04 Jul 14:35
 
39
0
qalampir.uz

Isroil zarbasi oqibatida “Hizbulloh”ning yana bir qo‘mondoni halok bo‘ldi (video)

Kecha, 3 iyul kuni Isroilning Livanga zarbasi oqibatida “Hizbulloh”ning yana bir yuqori martabali dala qo‘mondoni Abu Ali Nosir halok bo‘ldi. Bu haqda “The Times of Israel” xabar berdi.   Livan janubidagi Tir shahrida halok bo‘lgan Abu Ali Nosir uchta mintaqaviy bo‘linmadan biri bo‘lmish “Aziz” bo‘linmasining rahbari hisoblangan. Bu birlik Isroil-Livan chegarasidagi sharqiy tuman uchun javobgardir. “Hizbulloh” bayonotida o‘

15 Jul 18:32
 
124
0
qalampir.uz

HAMAS G‘azo bo‘yicha sulh rejasiga 29 ta o‘zgartirish kiritishga harakat qildi

Falastinning HAMAS radikal harakati G‘azo sektoridagi vaziyatni tartibga solish uchun AQSH prezidenti Jo Bayden tomonidan qo‘llab-quvvatlangan kelishuv rejasiga 29 ta o‘zgartirish kiritishni so‘ragan, Isroil Bosh vaziri Binyamin Netanyaxu ularning barchasini rad etgan. Bu haqda Isroil hukumati rahbari devonining maslahatchisi Dmitriy Gendelman ma’lum qildi. “HAMAS Bayden taqdim etgan rejaga 29 ta o‘zgartirish kiritishga urindi, Netanyaxu bu o‘zgarishlarni rad etdi”

25 May 17:35
 
48
0
qalampir.uz

Xalqaro sud qaroridan so‘ng falastinliklar quruq gapni emas, balki harakatni istamoqda 

Isroilning G‘azo bo‘ylab yetti oydan beri davom etib kelayotgan hujumi tufayli o‘z uyini tark etishga majbur bo‘lgan Salva al-Masri BMT Xalqaro sudining Isroilga Rafahdagi hujumini to‘xtatishni buyurgan qarori bilan uning ahvoli yengillashishiga umid qilmayapti. Bu haqda u “Reuters” bilan suhbatda so‘z ochdi. “Qirg‘in tobora kuchayib bormoqda. Ular bunday demasliklari kerak, zero ularning harakati boshqacha. Biz bu qarorlar joylarda hayotga tatbiq etilishini

29 May 15:03
 
26
0
qalampir.uz

Niderlandiyada razvedka xizmatining sobiq rahbari Bosh vazir bo‘ldi

Shu paytgacha Niderlandiya Adliya va xavfsizlik vazirligi bosh kotibi lavozimini egallab kelgan va bundan avval qirollikdagi AIVD razvedka xizmatini boshqargan Dik Sxof mamlakatning yangi Bosh vaziri bo‘ldi. Bu haqda NOS telekanali xabar berdi. May oyi o‘rtalarida Niderlandiyada to‘rtta o‘ng qanot partiyasi hukmron koalitsiya tuzishga muvaffaq bo‘lgandi. Endi bu siyosiy kuchlar Sxofga Vazirlar Mahkamasini tuzishni topshirdi. Kecha, 28 may kuni bo‘lib o‘tgan matbuot anjum