calendar 31 Jan 19:07
eye 58
comments 0
comments Manba: qalampir.uz

AQSH Qizil dengizda yana husiylarning raketasini urib tushirdi

image

Bugun, 31 yanvar kuni Yamandagi husiylar Qizil dengizdagi AQSH harbiy kemasini bir nechta raketa bilan o‘qqa tutganini e’lon qildi. Bu haqda harakat vakili Yahyo Sariya ijtimoiy tarmoqdagi sahifasida ma’lum qildi.

Uning aytishicha, husiylar AQSH va Britaniya kemalariga hujumlarini davom ettirishni rejalashtirgan. 

AQSH Markaziy qo‘mondonligi (CENTCOM) kemaga qilingan hujumni tasdiqlamadi, biroq husiylar tomonidan 31 yanvar kuni Qizil dengiz yo‘nalishida uchirilgan raketa Amerikaning USS Gravely kemasi tomonidan urib tushirganini ma’lum qildi.

Qayd etish joizki, G‘azo sektorida mojaro avj olganidan so‘ng, husiylar Isroil hududiga hujumlar uyushtirish va urush tugagunga qadar ular bilan bog‘liq kemalarning Qizil dengiz va Bob al-Mandeb bo‘g‘ozi suvlari orqali o‘tishiga yo‘l qo‘ymasliklarini aytgan. So‘nggi ma’lumotlarga ko‘ra, husiylar o‘tgan yilning noyabr oyi o‘rtalaridan beri Qizil dengiz va Adan ko‘rfazida 30 dan ortiq fuqarolik kemalariga hujum qilgan.

Bunga javoban AQSH, Bahrayn, Buyuk Britaniya, Ispaniya, Italiya, Kanada, Niderlandiya, Norvegiya, Seyshel orollari va Fransiya kabi davlatlar husiylarga qarshi Prosperity Guardian operatsiyasini e’lon qildi. AQSH va Buyuk Britaniya ikki marta qo‘shma operatsiya o‘tkazib, Yaman hududidagi nishonlarga zarba berdi. Bundan tashqari AQSH bir necha bor husiylarga hujum qildi.

Eslatib o‘tamiz, oldinroq amerikalik rasmiylarga tayanib, “Financial Times” nashri AQSH Xitoydan Eronni husiylarga ta’sir o‘tkazishga undashni so‘ragani, ammo Pekindan arzirli javob bo‘lmaganini xabar qilgandi. Keyinchalik, “Reuters” agentligi Erondagi manbalariga tayanib, Xitoy Erondan Yamandagi husiylarning Qizil dengizdagi kemalarga hujumlarini to‘xtatishda yordam so‘raganini yozdi. Yamandagi husiylar vakili esa harakat Qizil dengizdagi Rossiya, Xitoy yoki Germaniya kemalariga hujum qilish niyatida emasligini aytgan.


Doʻstlaringiz bilan ulashing

09 Mar 01:21
 
37
0
xs.uz

Zelenskiy bilan uchrashuvdan soʻng Erdogʻan Ukrainani qoʻllab-quvvatlashini maʼlum qildi

Turkiya prezidenti Rejep Tayyip Erdogʻan Ukraina prezidenti Vladimir Zelenskiy bilan uchrashuvdan soʻng Anqara Kiyevni qoʻllab-quvvatlashda davom etish niyatida ekanini aytdi. Uning qoʻshimcha qilishicha, tomonlar 'don kelishuvi' va Qora dengizdagi xavfsizlikni muhokama qilgan.'Men strategik hamkorimiz Ukrainaning hududiy yaxlitligi va mustaqilligini taʼkidladim. Mojaroning mintaqaviy va global oqibatlari kuchayib bormoqda', dedi Erdogʻan matbuot anjumanida.Turkiya prezidentining qoʻshimc

14 Mar 07:23
 
31
0
xs.uz

Makron, Shols va Tusk 15-mart kuni Berlinda Ukraina boʻyicha uchrashuv oʻtkazadi

Fransiya prezidenti Emmanuel Makron va Polsha bosh vaziri Donald Tusk 15-mart kuni Berlinda Germaniya kansleri Olaf Shols bilan uchrashib, Ukrainadagi vaziyatni muhokama qiladi. Bu haqda 'Politico' gazetasi oʻz manbalarga tayanib xabar berdi.Nashr qayd etishicha, kunning ikkinchi yarmida fransuz va nemis siyosatchilari ikki tomonlama uchrashuv oʻtkazadi, soʻngra ularga Polsha bosh vaziri ham qoʻshiladi. 'Politico' bu 'Veymar uchburchagi'ning 2023-yil dekabrida Tusk hukumat rahbari lavozimini

07 Mar 21:15
 
43
0
postda.uz

ЭҲ, ҚАНИЙДИ...

Бир киши кун бўйи ишлаб, уйига қайтарди. У гумбазлари ярқиллаб турган шоҳ саройи ёнидан ўтаркан, ўзича ўйлади: “Эҳ, қанийди, мен ҳам қирол оиласида туғилганимда эди, ҳаётим анча енгил кечарди...”Сўнгра бир маромдаги болға зарби ва бақир-чақир овозлар эшитилаётган шаҳар мар

11 Apr 13:56
 
36
0
qalampir.uz

Germaniya Ukrainaga Marder jangovar mashinalarining yangi partiyasini yuboradi

Germaniyaning Rheinmetall mudofaa konserni federal hukumatdan Ukrainaga yana 20 ta Marder piyoda jangovar mashinasini yetkazib berish bo‘yicha buyruq oldi. Bu haqda bugun, 9 aprel kuni e’lon qilingan kompaniya press-relizida so‘z boradi. Qayd etilishicha, o‘rta darajadagi ikki raqamli millionlik buyurtma mart oyida berilgan va joriy yil davomida Kiyevga qo‘shimcha piyoda jangovar mashinalar yetkazib beriladi. Rheinmetall allaqachon uch xonali miqdordagi Marder’ni to‘g‘r