Xon Yunis oxirgi kunlarda qonga botirilmoqda. Isroil askarlari aholini hududni tark etishga chaqirganidan koʻp oʻtmay oʻqqa tutgan. Odamlar oziq-ovqat va suvsiz qolmoqda. Ularni evakuatsiya qiladigan hech kim yoʻq. Xon Yunisda faqat bitta Nosir shifoxonasi ishlayapti. Hududning tez tibbiy yordam xodimlari yetib bora olmaydigan joylari ham bor.
Hududdan bir kunning oʻzida 150 mingdan ortiq odam qochishga majbur boʻlgan. Soʻnggi kunlardagi zarbalardan toʻqson nafar odam vafot etgani maʼlum. Bir nafar bola isroillik snayperchi tomonidan oʻldirilgan.
AQSHda yahudiy faollari Kapitoliy tepaligida yaqinida Netanyahuning asirlarni ozod qilish boʻyicha kelishuvni imzolashga chaqirmoqda. Tahlilchilarga koʻra, ommaviy harakatlar urushni toʻxtatuvchi harakatlar juda muhimdir. Chunki AQSH maʼmuriyatining urush, genotsid va qirgʻin qilishdagi Isroil pozitsiyasida muhim rol oʻynaydi.
'Tinchlik uchun yahudiy ovozi' tashkiloti aʼzolari Netanyahuning Kongressda chiqishiga qarshi norozilik bildirdi. Kapitoliy politsiyasining maʼlum qilishicha, kamida 200 kishi hibsga olingan.
'Bizga qurol embargosi kerak. AQSH moliyalashtirishni, Isroil armiyasiga qurol yuborish, oʻt ochishni toʻxtatishi kerak va bunga erishishning yagona yoʻli doimiy qurol embargosidir', degan tashkilot rahbari.
Juma kuni Donald Tramp Gʻazodagi urushni toʻxtatish boʻyicha Netanyahu bilan uchrashuv oʻtkazadi. Respublikachilar partiyasidan prezidentlikka nomzod Isroil rahbarini Florida shtatidagi Palm-Bichdagi kurortida kutib olishini aytgan. Shuningdek, Tramp ijtimoiy tarmoqqa joylashtirgan postida Falastin maʼmuriyati rahbari Mahmud Abbosning maktub ilovasi keltirilgan ammo u haqida ogʻiz ochmagan. Maktubda Abbos Trampga qarshi suiqasd uyushtirilganidan jiddiy xavotir bildirgan.
Tramp va Abbos oʻrtasidagi munosabatlar Trampning prezidentlik davrida Quddusni Isroil poytaxti sifatida tan olib, Falastin rahbari 'sharmandalik' deya taʼriflagan 'Yaqin Sharq rejasi'ni ilgari surgach yomonlashgan.
Demokratlar partiyasidan prezidentlikka nomzod Kamala Harris esa boshqa tadbirlar tufayli Yahudiy davlatining rahbari bilan kurasha olmaydi. U kecha urushni tugatish haqida gaplashmoqchi ekanligini aytgan edi.
70 foiz isroillik Netanyahu asirlarni ozod qilish uchun yetarli harakat qilmayapti, deb hisoblaydi. Oʻtkazilgan soʻrov natijalariga koʻra, respondentlarning beshdan bir qismi bosh vazir kelishuvga erishish uchun yetarli harakat qilganiga ishongan. Toʻqqiz oy davom etgan urushdan keyin kelishuvning yoʻqligi uchun qaysi tomon koʻproq javobgar ekani soʻralganda, HAMAS guruhi va Netanyahu koʻrsatilgan.
Tahlilchilarga koʻra, Isroilning soʻnggi haftalarda tinch aholini oʻldirish va koʻchirishni bosim sifatida ishlatib, siyosiy shantaj bilan shugʻullanmoqda. Xon Yunisga qilingan hujum chogʻida butun oilalar fuqarolik daftaridan olib tashlangan.
Harris va Trampning dahanaki jangi
AQSH vitse-prezidenti Kamala Harris Viskonsin shtatida saylov kampaniyasida debyut qildi. Qoʻshma Shtatlar prezidentlik saylovlarida Oq uyga intilayotgan Harris Donald Trampga qarshi chiqishga tayyorligini bildirgan.
'Saylovga qadar 105 kun qoldi va shu vaqt ichida qiladigan bir qancha ishlarimiz bor. Ammo biz ogʻir mehnatdan qoʻrqmaymiz. Bu saylovda gʻalaba qozonamiz', degan Harris.
Harrisning kelishi Bayden va Tramp oʻrtasidagi bahs, Amerika tashqi siyosati, iqtisodiyoti va boshqa masalalardan hafsalasi pir boʻlgan koʻplab saylovchilarni jalb qila olmagan AQSH saylov kampaniyasini jonlantirdi. Yakshanba kunidan buyon u nufuzli demokratlar, jumladan, Vakillar palatasining sobiq spikeri Nensi Pelosi va Michigan gubernatorlarining qoʻlloviga erishdi.
Harrisning kampaniyasi, shuningdek, yakshanba kuni tushdan dushanba oqshomiga qadar 100 million dollardan koʻproq mablagʻ toʻplangani, barcha xayriyalarning 62 foizi yangi donorlardan kelgani maʼlum qilingan.
Harrisning jamoasi AQSHning toʻrtta asosiy shtatlari Nevada, Arizona, Jorjiya va Pensilvaniyada saylovchilar bilan uchrashadi.
Tramp va uning vitse-prezidentlikka nomzodi Vens Harrisni tanqid qildi. 'Yolgʻonchi Kamala Harris hamma narsani yoʻq qiladi', degan respublikachilar.
Sobiq prezident jamoasi Bayden davrida AQSH'Meksika chegarasini kesib oʻtgan muhojir va boshpana izlovchilarning koʻpligi uchun Kamalani ayblashga harakat qilishgan. Ammo ekspertlar bu tanqidni notoʻgʻri deb tan olishdi va Harris AQSHning chegara siyosatiga masʼul emasligini qoʻshimcha qilgan.
Oʻz navbatida, Harris Trampga javob qaytardi va u saylovoldi tashviqotini olib borishni rejalashtirayotgan baʼzi muhim masalalarni, xususan, reproduktiv salomatlik, iqtisodiy imkoniyatlar va demokratik institutlarni himoya qilish imkoniyatlarini taʼkidlagan.
'Biz odamlar tomonidan boshqariladigan kampaniyamiz, shuning uchun biz xalqqa asoslangan prezident boʻlamiz', degan demokrat.
Kamala Harrisga koʻra, saylovchilar ikkita tanlov oldida turibdi. Biri kelajakka eʼtibor qaratgan, yaʼni demokratlar, ikkinchisi oʻtmishga eʼtibor qaratganlardir. Demokratlar vakili oʻrta sinfni shakllantirish uning asosiy vazifasi boʻlishligini taʼkidlagan.
'Men gapirganimda menga quloq soling, Donald Trampning qandayligini bilaman va bu kampaniyada haftaning istalgan kunida rekordimni yangilashga vaʼda beraman', degan Harris.
Bayden saylov poygasidan chiqqanidan soʻng birinchi marta nutq soʻzladi
Oq uy rahbari oʻz nutqida ovoz berishga bir necha oy qolganida nega qayta saylanishdan voz kechganiga atroflicha izoh bermagan.'Soʻnggi haftalarda men oʻz partiyamni birlashtirishim kerakligi ayon boʻldi. Mashʼalani yangi avlodga topshirish vaqti keldi. Demokratiyamizni saqlab qolish yoʻlida hech narsa toʻsqinlik qila olmaydi. Hatto shaxsiy ambitsiyalar ham', dedi Bayden oʻz chiqishida.Ommaviy axborot vositalariga koʻra, janob Baydenning nutqi oʻz vitse-prezidentiga qilingan tanqidlarn
Toshkentdan Kuala-Lumpurga uchgan samolyotda oʻgʻrilar ushlandi
Qayd etilishicha, joriy yilning 15-avgust Toshkent-Kuala-Lumpur yoʻnalishi boʻyicha amalga oshirilgan aviaqatnovda yoʻlovchilarning qimmatbaho buyumlari oʻgʻirlangan. Samolyot Malayziyaga yetib kelgach, politsiya chaqirilgan.Ekipaj huquqni muhofaza qilish organlari vakillari bilan birgalikda havo kemasini koʻzdan kechirish boʻyicha tegishli protseduralarni amalga oshirgan va jarayonda barcha buyumlar topilgan. Gumon qilingan chet el fuqarolari esa shu joyning oʻzida ushlanib, politsiya x
Nigeriyada maktab binosi qulashi oqibatida 22 bola halok bo‘ldi
Kecha, 12 iyul kuni Nigeriyada Busa Buji jamoasiga tegishli, Saint akademiyasi qaramog‘idagi ikki qavatli maktab binosi qulashi oqibatida 22 bola halok bo‘ldi. Vayronalar ostida esa bino ichida bo‘lgan jami 154 kishi qolib ketgan. Bu haqda “The Hindu” xabar berdi. Halokat Plato shtatida ro‘y bergan. Eski va yaroqsiz holatga kelib qolgan maktab binosi devorlari darz ketib yorilishi oqibatida qulab tushgan. Baxtsiz hodisaning yuz berishiga inshootning juda uzoq muddat xizmat
Isroilning Gʻazodagi maktabga qilgan hujumi oqibatida 29 kishi halok boʻldi
Isroil havo kuchlarining Gʻazo janubidagi maktab yaqinidagi qochqinlar lageriga uyushtirgan hujumi oqibatida kamida 29 falastinlik halok boʻldi. Oʻnlab odamlar yaralangan.Xabarlarga koʻra, Xon Yunisning sharqiy qishloqlaridan koʻchirilgan odamlar yashaydigan Al-Avda maktabi hududiga zarba yoʻllangan.Voqea guvohlarining soʻzlariga koʻra, hujum keng koʻlamli vayronagarchilik, ayollar va bolalarning oʻlimiga olib kelgan. Oʻsha paytda bozor va turar-joy binolari joylashgan hudud atrofida