Bugun, 25 dekabr kuni Yaman shimolidagi hukmron husiylar harakati Amerika harbiy kemalariga muvaffaqiyatli zarba berganini ma’lum qildi. 

Qayd etilishicha, to‘qnashuv Adan ko‘rfazi va Bob al-Mandeb bo‘g‘ozidagi Amerika esminetslari va tijorat kemalari suzib ketayotgan vaqtida sodir bo‘lgan. Harbiy kemalar Amerikaning ikkita tijorat kemasini himoya qilib borayotgan bo‘lgan. Harbiy zobitning qo‘shimcha qilishicha, to‘qnashuv ikki soatdan ko‘proq vaqt davom etgan. Yaman qurolli kuchlari bir qancha ballistik raketalardan foydalangan.

"Operatsiya davomida Amerika harbiy kemasini aniq nishonga olishga muvaffaq bo‘ldik. Natijada Amerikaning ikkita savdo kemasi harakatini to‘xtatishga majbur bo‘ldi", deya xulosa qilgan harakat vakili.

Ma’lumot uchun, Yaman husiylari SAXAL va HAMAS o‘rtasidagi urush fonida Qizil dengizdagi Isroilga aloqador kemalarga hujumga o‘tdi. Ushbu jarayonda harakat kemalarni dron va raketalar bilan nishonga olyapti.

Ulkanbayeva Rayhona