25 Jan 11:47

Manba: qalampir.uz

Germaniya Kiyevga zamonaviy vertolyotlar yuboradi

Germaniya Ukrainaga oltita “Sea King” (Dengiz Qiroli) ko‘p tarmoqli vertolyotlarini yetkazib berishga va’da berdi. Bu haqda Germaniya Mudofaa vazirligining rasmiy “X” akkauntida ma’lum qilindi.

Germaniya Mudofaa vaziri Boris Pistorius Ukrainaga yetkazilib berishi mo‘ljallanayotgan “Sea King” vertolyotlari zamonaviy va ishonchli ekanini aytib o‘tdi.

“Vertolyot ukrainaliklarga Qora dengizni razvedka qilishdan tortib, askarlarni tashishgacha bo‘lgan muhim amaliyotlarda yordam beradi”, degan u.

Uning so‘zlariga ko‘ra, mamlakat havo xavfsizligini ta’minlash ustuvor vazifa bo‘lib qolmoqda. Shunga qaramay, harbiy vertolyotlarning yetkazilib berish vaqti ochiqlanmagan.

Qo‘shimcha manbalarning ta’kidlashicha, 2022 yil fevralidan beri Ukrainaga Germaniyadan ko‘rsatilgan gumanitar, moliyaviy va harbiy yordamning umumiy qiymati 27 mlrd yevrodan oshgan. Germaniya hukumati 2024 yilda ko‘makni 4 mlrddan 8 mlrd yevrogacha – 2023 yilga nisbatan ikki barobarga oshirishi kutilmoqda.

Eslatib o‘tamiz, 2023 yilning dekabr oyi oxirlarida Berlin Kiyevga yangi harbiy yordam paketini, jumladan, harbiy texnika va o‘q-dorilarni yuborgan edi.

Doʻstlaringiz bilan ulashing

Jahon yangiliklari

14 Jun 14:56

qalampir.uz

Bayden o‘g‘lini afv etmaslikka va’da berdi

AQSH yetakchisi Jo Bayden prezidentlik vakolatlaridan foydalanib, o‘g‘li Xanter Baydenni afv etish niyatida emasligini aytdi. Bu haqda u kecha, 13 iyun kuni G7 sammitidagi matbuot anjumanida ma’lum qildi. “Men o‘g‘lim bilan juda faxrlanaman. U giyohvandlikni yengdi. U men biladigan eng yorqin va sharafli odamlardan biri. Men hakamlar hay’ati qaroriga bo‘ysunaman va uni afv etish niyatida emasman", deydi Bayden. Ma’lumot uchun, 11 iyun kuni hakamlar hay’ati

Jahon yangiliklari

02 Jul 18:27

qalampir.uz

Yaponiya kosmosga sun’iy yo‘ldosh uchirdi

Yaponiya o‘zining yangi H3 raketasida ALOS-4 sun’iy yo‘ldoshini muvaffaqiyatli uchirdi. Bu haqda Yaponiya aerokosmik tadqiqotlar agentligi (JAXA) ma’lum qildi. Uchirish kecha, 1 iyul kuni Yaponiyaning janubi-g‘arbiy qismidagi Tanegasima kosmodromida amalga oshirildi. ALOS-4 ofatlarga javob berish va xaritalash uchun foydalaniladigan ma’lumotlarini yig‘ish uchun ishlatiladi. Sun’iy yo‘ldosh Yaponiya Mudofaa vazirligi tomonidan ishlab chiqilgan infraqizil datchik bilan jiho

Jahon yangiliklari

07 Jul 12:19

qalampir.uz

AQSHning Rossiyadan uran sotib olishi yillik maksimal darajaga yetdi

2024 yilning may oyida AQSH Rossiyadan 209,5 million yevroga teng uran sotib oldi va bu yillik maksimal darajaga yetdi. Bu haqda Amerika statistika byurosi ma’lumotlariga tayanib, RIA Novosti xabar berdi. Rasmiy Moskva aprel oyidagi tanaffusdan so‘ng, Qo‘shma Shtatlarga uran yetkazib berishni qayta tikladi. Bir oy davomida eksport hajmi 91,1 tonnani, ya’ni 209,5 million dollarni tashkil etdi. Bu 245,9 million dollarlik boyitilgan uran yetkazib berilgan 2023 yil martidan beri eng ko‘

Jahon yangiliklari

26 Jul 10:19

qalampir.uz

Yevrokomissiya Slovakiyani “xorijiy agentlar” qonuni oqibatlaridan ogohlantirdi

Yevropa Komissiyasi, agar Slovakiya xorijdan mablag‘ oluvchi nodavlat notijorat tashkilotlari (NNT) uchun xorijiy agent maqomi to‘g‘risidagi mahalliy qonunni qabul qilishda davom etsa, unga qarshi rasmiy chora ko‘radi. Bu haqda Yevropa komissari Vera Yourova Bryusseldagi matbuot anjumanida ma’lum qildi. “Agar Slovakiya nodavlat notijorat tashkilotlari to‘g‘risidagi qonunni qabul qilish borasida Vengriya yo‘lidan borsa, biz zudlik bilan qoidabuzarlikni bartaraf etish ta