calendar 23 Jan 17:49
eye 52
comments 0
comments Manba: qalampir.uz

Rus tarixchisi o‘zbek millatini Lenin o‘ylab topganini iddao qildi (video)

image

21 yanvar kuni Vladimir Ilich Lenin vafot etganiga 100 yil to‘lishi munosabati bilan “Uchrashuv joyi” tok-shousida rus shovinist tarixchisi Mixail Smolin "inqilobdan oldin ozarbayjon, o‘zbek va qozoqlar hech qachon bo‘lmagan", degan da’vo bilan chiqdi.

“Qozog‘iston qanday paydo bo‘ldi? Darhaqiqat, dastlab RSFSR tarkibida Qozog‘iston SSR deb atalgan, ungacha qozoqlar umuman yo‘q edi. Millatlarning shakllanishiga oid qarorlar shu qadar ixtiyoriy qabul qilingan. O‘zbeklar, masalan, inqilobgacha hech qachon bo‘lmagan, bunday nom yo‘q edi. Markaziy Osiyoning bir qancha xalqlaridan o‘zbeklarni olib, yaratdilar”,  deydi u.

Tarixchi o‘zining "yangicha yondashuv"larini davom ettirarkan, ozarbayjonlarning ham kelib chiqishiga to‘xtaldi.

 “Ozarbayjonlar kimlar? Bunday millat yo‘q. Inqilobdan oldin bunday xalq bo‘lmagan”, degan Smolin.

Unga ko‘ra, kommunistik partiyaning asosiy vazifasi Rossiya imperiyasining ulkan hududini milliy kvartiralarga bo‘lish edi. Bu esa Rossiyani vayron qiluvchi ulkan muammolarni keltirib chiqargan va "Leninni Rossiya tarixidagi eng katta jinoyatchiga aylantirgan".

Smolinning da’vosiga  O‘zbekiston Respublikasi Tabiat resurslari vazirligida vazir maslahatchisi bo‘lib faoliyat yuritayotgan, sobiq deputat Rasul Kusherboyev o‘z munosabatini bildirdi:

“Ko‘rinib turibdiki, katta ehtimol bilan Kreml buyurtmasi asosida rus ziyolilari sekin-asta Markaziy Osiyo mamlakatlarini bosib olishga o‘z jamiyatini ruhan tayyorlamoqda”, deydi Kusherboyev. 

Uning fikricha, bu kabi ssenariylar Ukraina bosqinidan oldin ham qo‘llanilgan.

O‘zbekiston xalq shoiri Xurshid Davron esa buni anchadan buyon davom etayotgan provokatsiya deb baholaydi.

"Bularning bari provokatsiya va yolg‘on. Eskidan bo‘lib kelgan pastkashlik. Yolg‘on esa elektr quvvatini o‘tkazmaydigan moddadek, insonlar va xalqlar o‘rtasidagi aloqalarning kuchayishiga chek qo‘yuvchi vositadir. Tarixdagi har bir ijtimoiy yuksalish jamiyatning o‘z merosiga, o‘z o‘tmishiga bo‘lgan munosabatini isloh qilishdan boshlangan. Faqat shundagina haqiqiy ma’noda inqilobiy o‘zgarishlar ro‘y berishi mumkin", deydi bir qator tarixiy va badiiy asarlar muallifi.

Eslatib o‘tamiz, avvalroq rus siyosatchisi va yozuvchisi Zaxar Prilepin sobiq SSSR hududlarini Rossiya Federatsiyasi tarkibiga qo‘shib, ularning aholisiga rus tilini o‘rgatish taklifini ilgari surgandi. Bu O‘zbekistonda norozilik va keng munozaralarga sabab bo‘ldi. O‘zbekistonlik faollar va deputatlar bu borada o‘z munosabatlarini e’lon qildi. Xususan, Oliy Majlis Qonunchilik palatasi deputati Inomjon Qudratov Prilepinning bayonotiga munosabat bildirayotib, “Aqlsiz do‘st aqlli dushmandan yomonroqdir”, naqlini eslatdi. Tabiat resurslari vazirining maslahatchisi, jamoatchilik faoli Rasul Kusherboyev esa O‘zbekiston Tashqi ishlar vazirligi ham mazkur vaziyatdan norozilik bildirib, Rossiyaga rasmiy nota yuborishi kerakligini ta’kidladi. “Milliy tiklanish” demokratik partiyasi Markaziy kengashi raisi o‘rinbosari Mirodil Abdurahmonov ham bu bo‘yicha munosabat berib, Kiyevni egallash Rossiya uchun orzuligicha qolishini aytdi. “Yuksalish” umummilliy harakati raisi, Oliy Majlis deputati Bobur Bekmurodov esa Prilepinning bunday harakati na O‘zbekiston, na Rossiya qonunchiligiga to‘g‘ri kelmasligini eslatdi. Yana bir  deputat Umida Rahmonova esa bir davlatning suverenitet huquqini boshqa davlatlarga nisbatan buzishni g‘irt ikkiyuzlamachilik deb atadi. Senat raisi Tanzila Norboyeva esa O‘zbekiston hech qachon hech kimga mustamlaka bo‘lmasligini aytdi.

Joriy yilning 18 yanvarida esa Rossiyalik teleboshlovchi “ruscha” nomlardan voz kechayotgan qozog‘istonliklarni “manqurt”ga o‘xshatdi va unga Qozog‘istonga kirish taqiqlab qo‘yildi.


Doʻstlaringiz bilan ulashing

11 Apr 14:01
 
23
0
xs.uz

Orskdagi suv toshqiniga qarshi kurashishga harbiylar ham jalb etildi

Rossiyaning Orenburg viloyati gubernatori Denis Paslerning iltimosiga koʻra, harbiylar Orskdagi suv toshqiniga qarshi kurashda yordamga jalb qilindi.'Yasnenskiy raketa konstruksiyasining harbiy muhandislari suv toshqinlariga qarshi kurashda yordam berish uchun Orsk shahriga yetib kelishdi. Harbiy xizmatchilar Orsk shahri yaqinidagi shikastlangan toʻgʻonga ichimlik suvi va tuproq tashiydi, shuningdek, mahalliy aholini xavfsiz joyga evakuatsiya qilishda ishtirok etadi', ' deyiladi xabarda.Favqu

07 Mar 20:07
 
43
0
postda.uz

Кемадаги қул

Ибратли ҳикоятларБир куни подшоҳ денгиз саёҳатига чиқди. Унинг ҳали денгизга чиқиб кўрмаган ва йўл азобини тортмаган бир қули ҳам бор эди. Кема сувга туширилиб, тўлқинлар ичра ҳаракатлана бошлаганида, қулни ваҳима ва қўрқув қамраб олди. Ўз-ўзидан қалтираб, йиғлай бошлади.

11 Apr 14:01
 
30
0
xs.uz

AQSHda beparvo ota-onalar kamida 10 yilga qamaldi

Jeyms va Jennifer Krambli AQSHda noadekvat ruhiy holatda boʻlgan oʻgʻlini toʻxtatmagani uchun sud qilingan birinchi ota-ona boʻldi. Ular oʻgʻlining ruhiy salomatligi yomonlashganining aniq belgilariga eʼtibor bermagan va hatto unga maktabdagi otishmada ishlatgan yarim avtomatik toʻpponchani ham sotib olishgan.Hatto otishma kuni ham Itanning ota-onasi oʻgʻlining juda xavotirli rasmi tufayli maktabga chaqirilgan. Biroq ular ishga borishlari kerakligini aytib, suhbatni toʻxtatgan va oʻ

23 Apr 03:36
 
11
0
xs.uz

Saraton metastazlarida yashovchi bakteriyalarning batafsil katalogi tuzildi

Ushbu tadqiqot bakteriyalarning saraton kasalligiga (yoki terapiyasiga) qanday yordam berishi yoki toʻsqinlik qilishi va bundan bemorlar uchun qanday foydali tomonlari boʻlishi mumkinligini yaxshiroq tushunishga koʻmaklashadi.Inson organizmida milliardlab mikroorganizmlar yashaydi: bakteriyalar, viruslar va drojalar ' bizning mikrobiomimiz. Biz ularga, ular esa bizga kerak. Masalan, bakteriyalar yegan ovqatimizni hazm qilishimizda yordam beradi va patogenlarga qarshi kurashish uchun immunitet