calendar 19 Jan 15:40
eye 95
comments 0
comments Manba: qalampir.uz

Senat a’zolari soni qisqartirilmoqda

image

Senat a’zolari soni 100 nafardan 65 nafarga, Qonunchilik palatasi spikeri o‘rinbosarlari esa 7 nafardan 2 nafarga qisqartirilmoqda. Bu haqdagi yangi o‘zgarishlar Senatning 49-yalpi majlisida muhokama qilindi. 

Majlisda “Yangi tahrirdagi O‘zbekiston Respublikasi Konstitutsiyasi qabul qilinganligi munosabati bilan O‘zbekiston Respublikasining ayrim qonun hujjatlariga O‘zbekiston Respublikasi Oliy Majlisining faoliyatini takomillashtirishga qaratilgan o‘zgartirish va qo‘shimchalar kiritish to‘g‘risida”gi qonun ham ko‘rib chiqildi. 

Qayd etilishicha, Oliy Majlis palatalari tomonidan o‘z faoliyatlarini tartibga soluvchi qonunlar yangi tahrirdagi Konstitutsiyaga muvofiqlashtirilmoqda. 

Xususan, parlament palatalarining faoliyatidagi parallellikni va bir-birini takrorlovchi vakolatlari aniqlashtirilyapti, Senat a’zolari jami 100 nafardan 65 nafarga qisqartirilmoqda. Bunda, har bir ma’muriy-hududiy birlikdan 4 nafardan senator saylanishi, 9 nafari Prezident tomonidan tayinlanishi belgilanmoqda.

Qonunchilik palatasi spikeri o‘rinbosarlari soni 7 tadan 2 taga qisqartirildi. Bunda Spikerning o‘rinbosarlari fraksiya a’zosi bo‘lishi mumkin emasligi hamda lavozimda bo‘lish davrida siyosiy partiyadagi a’zolikni to‘xtatib turishi belgilandi.  Bundan tashqari Qonunchilik palatasi va Senatning o‘zini o‘zi tarqatib yuborish vakolati kiritildi. Bunday holatda Qonunchilik palatasiga yangi saylov 2 oy mobaynida o‘tkazilishi, Senatning yangi tarkibi esa, 1 oy mobaynida shakllantirilishi nazarda tutilyapti.

Senat a’zolari soni va qo‘mitalar nomlari, Qonunchilik palatasi spikerining o‘rinbosarlari soni va maqomini belgilovchi mazkur qoidalar 2024 yilning navbatdagi chaqiriqdagi Oliy Majlis palatalari ishi boshlanganidan amalga kiritilishi belgilandi. 

Muhokama yakunida ushbu qonun senatorlar tomonidan ma’qullandi.


Doʻstlaringiz bilan ulashing

16 Jul 15:16
 
32
0
qalampir.uz

Nukusda oliygoh direktori o‘rinbosari pora bilan qo‘lga tushdi

O‘zbekiston davlat jismoniy tarbiya va sport universitetiga o‘qishga kiritib qo‘yishni va’da qilgan direktor o‘rinbosari ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.   Qayd etilishicha, DXX va IIV xodimlari hamkorligida o‘tkazilgan tezkor tadbirda fuqaro T.Ye. fuqaro S.S.ning ishonchiga kirib, uni tanishlari yordamida O‘zbekiston davlat jismoniy tarbiya va sport universitetining Nukus filialiga o‘qishga k

15 Jul 12:03
 
81
0
qalampir.uz

Mirziyoyev Qozog‘istonga boradi

O‘zbekiston Prezidenti Shavkat Mirziyoyev Qozog‘istonga boradi. Bu haqda Qozog‘iston hukumatining Telegram-kanalida xabar berildi. Qayd etilishicha, kecha, 12 iyul kuni Olmaota shahrida Qozog‘iston va O‘zbekiston Bosh vazirlari Oljas Bektenov va Abdulla Aripov raisligida ikki tomonlama hamkorlik bo‘yicha hukumatlararo qo‘shma komissiyaning 21-majlisi bo‘lib o‘tgan. Unda O‘zbekiston Prezidenti Shavkat Mirziyoyevning Qozog‘istonga rasmiy tashrifi arafasida tomonlar

18 Jul 18:56
 
54
0
xs.uz

Oʻzbekiston va Qirgʻiziston Prezidentlari samarali muzokaralar yakunlarini yuqori baholadilar

Oʻzbekiston rahbari Qirgʻiziston Prezidentining davlat tashrifi tarixiy voqea boʻlgani va mamlakatlarimiz koʻp qirrali hamkorligida yangi davrni boshlab berganini taʼkidladi.Bu galgi sammitga birgalikda jiddiy tayyorgarlik ishlari olib borilgani qayd etildi. Hukumatlararo komissiyaning navbatdagi yigʻilishi, biznes forumi, Rektorlar forumi, Avlodlar muloqoti samarali oʻtdi. Shu kunlarda mamlakatimiz hududlarida Qirgʻiziston madaniyati kunlari oʻtkazilmoqda.Har doimgidek ochiq, konstrukt

19 Jul 12:42
 
46
0
xs.uz

Sof quyma oltin boʻlagini 11 ming dollarga sotayotgan shaxslar ushlandi

Buxoro viloyatining Shofirkon tumanida 11 ming AQSH dollariga sof quyma oltin boʻlagini sotayotgan shaxslar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.Maʼlum qilinishicha, departamentning Shofirkon tuman boʻlimi va DXX xodimlari hamkorligida oʻtkazilgan tezkor tadbirda fuqarolar I.I. va S.A. noqonuniy daromad orttirish maqsadida fuqarolar N.B. va U.M.ga ogʻirligi 154,3 gramm boʻlgan 1 dona sof quyma oltin boʻlagini 11 mi