calendar 18 Jan 12:05
eye 65
comments 0
comments Manba: qalampir.uz

Investitsiya vazirligining ikki mansabdori ishdan olindi. Xo‘jayev esa ogohlantirildi

image

Investitsiyalar, sanoat va savdo vaziri o‘rinbosari Badriddin Abidov va Texnik tartibga solish agentligi rahbari Dilshod Sattorov lavozimidan ozod qilindi. Bu haqda Prezident Shavkat Mirziyoyev raisligida eksport, investitsiya va mahalliy sanoatda 2024 yilda turgan vazifalar bo‘yicha yig‘ilishda ma’lum qilindi. 

Davlati rahbari ushbu yig‘ilishda tizimdagi muammolarni sanab o‘tgan.

Kompleks rahbariyati so‘nggi olti yilda chetdan qariyb 50 milliard dollar investitsiya kirgani haqida ma’lumot berayotgani, lekin ushbu investitsiyalarning yalpi ichki mahsulotga, qo‘shilgan qiymatga, eksportga ta’siri qanday bo‘lgani bo‘yicha tahlillar yetarli emasligi qayd etilgan.

Masalan, o‘tgan yili yalpi ichki mahsulot ham, sanoat ham 6 foizga o‘sgan, biroq tovarlar eksportida kutilganidek o‘sish bo‘lmagani aytilgan.

Hududlarda esa moliyalashtirish to‘liq yakunlangan 8 trillion so‘mlik 1 mingta loyiha haligacha ishga tushmagan.

O‘zbekiston sertifikatlarini tan olish bo‘yicha haligacha birorta davlat bilan kelishuvga erishilmagan. 

Xalqaro moliya tashkilotlari bilan qiymati 480 million dollarlik 5 ta loyiha bo‘yicha kelishuv imzolanganiga 1-2 yil bo‘lgan bo‘lsa-da, o‘zlashtirish boshlanmagan. Yoki ikki yil oldin tashkil qilingan To‘g‘ridan-to‘g‘ri investitsiyalar jamg‘armasiga 1 milliard dollar xorijiy investitsiya olib kelish bo‘yicha rejalar to‘liq amalga oshirilishi shartligi ko‘rsatib o‘tilgan.

Shu munosabat bilan kompleks uchun mas’ul Bosh vazir o‘rinbosari Jamshid Xo‘jayev chorak yakunigacha o‘zgarish qilmasa, lavozimiga loyiqligi ko‘rib chiqilishi to‘g‘risida ogohlantirildi.

O‘z tizimidagi kamchiliklar va sustkashlik uchun Investitsiyalar, sanoat va savdo vaziri o‘rinbosari Badriddin Abidov va Texnik tartibga solish agentligi rahbari Dilshod Sattorov lavozimidan ozod qilindi.

Investitsiya kompleksiga kiruvchi vazir va hokimlarning rejalari va natijalari sust bo‘lgan o‘rinbosarlari ishdan bo‘shatilib, ularga aniq KPI belgilanishi va shundan keyin bir yil muddatga shartnoma asosida ishga olinishi belgilandi. Natijaga qarab shartnoma uzaytiriladi yoki bekor qilinadi.


Doʻstlaringiz bilan ulashing

07 Mar 20:11
 
46
0
qalampir.uz

Toshkent metrosining yangi ikkita bekati ishga tushadi

Toshkent metrosining yangi ikkita bekati – “Turon” va “Qipchoq” yo‘lovchilar uchun xizmat ko‘rsatishni boshlaydi. Bu haqda “Toshkent metropoliteni” DUK axborot xizmati xabar berdi.  Qayd etilishicha, Toshkent metrosining Yerusti halqa yo‘lining II bosqichi doirasidagi Quruvchilar dahasidan Sergeli mavzesiga qadar qurilayotgan ikkita yangi metro bekatlarida (“Turon” va “Qipchoq”) qurilish ishlari o‘z yakuniga yetkaz

07 Mar 20:12
 
66
0
xs.uz

“Talabalar bahori” festivali: “Har bir yoshga — bir nihol” aksiyasida yoshlar katta ishtiyoq bilan qatnashmoqda

Farhod Esonov/'Xalq soʻzi'. 'Talabalar bahori' yoshlar festivali doirasida Termiz tumanidagi Afgʻoniston fuqarolarini oʻqitish markazida 'Hashar ' biz yoshlarga yarashar' shiori ostida 'Har bir yoshga ' bir nihol' aksiyasi oʻtkazilmoqda.Tadbir avvalida davlatimiz rahbari tashabbusi bilan bugungi kunda Oʻzbekiston va Afgʻoniston oʻrtasida turli yoʻnalishlarda, shu jumladan taʼlim sohasida ham hamkorlik mustahkamlanib borayotgani alohida taʼkidlandi. Sohada ilk hamkorlikning debochasi si

07 Mar 20:11
 
30
0
qalampir.uz

Farg‘onadagi “Yoshlar ko‘li” hududi turarjoy qurish uchun berib yuborildi

Farg‘ona shahri markazidagi “Yoshlar ko‘li” hududi mehmonxona, restoran, savdo majmuasi va turarjoy qurish uchun, ochilganiga hali bir oy to‘lmagan firmaga berib yuborildi. Bu haqda O‘zA ma’lum qildi. Aytilishicha, maydoni 2,2 gektar bo‘lgan sun’iy ko‘l, 2020 yilda ta’mirlangan, obodonlashtirilgan, toza suv bilan ta’minlab turish uchun quduqlar chiqarilgan. 2021 yildan keyingi uch yil davomida u suv bilan to‘ldirilmagan, yozda ham faoliyat ko‘rsatmagan.

07 Mar 20:11
 
31
0
qalampir.uz

Qashqadaryoda blogerlar qamoqqa olindi

Qashqadaryoda 3 ta bloger tovlamachilikda ayblanib qamoqqa olindi. Bu haqda viloyat sudlarining rasmiy kanali ma’lum qildi. Qayd etilishicha, jinoyat ishlari bo‘yicha Qarshi shahar sudida Qashqadaryo viloyat prokurori o‘rinbosarining Jinoyat kodeksining 165-moddasi (tovlamachilik) 3-qismi “v” bandida nazarda tutilgan jinoyatlarni sodir etganlikda ayblanuvchi va Jinoyat-protsessual kodeksining 221-moddasi (ushlab turish asoslari) tartibida ushlangan Sh. P. (erkak, 1977 yilda