calendar 17 Jan 15:30
eye 87
comments 0
comments Manba: qalampir.uz

“Paxtakor” sotuvga qo‘yildi

image

“Paxtakor futbol klubi” mas’uliyati cheklangan jamiyatining 100 foiz davlat ulushi savdoga chiqarildi. Bu haqda Davlat aktivlarini boshqarish agentligi ma’lum qildi. 

Klubni sotib oluvchi xaridor keyinchalik quyidagi talablarga rioya qilishi kerak bo‘ladi:

  • futbol klubining faoliyatini saqlab qolish, rivojlantirish va xalqaro darajaga olib chiqish;
  • futbol klubi balansidagi barcha sport ob’ektlaridan, shu jumladan, futbol maydonidan faqatgina sport faoliyati yo‘nalishlarida foydalanish;
  • “Paxtakor” futbol klubi akademiyasi faoliyatini saqlab qolish va rivojlantirish.

Aktivni sotish ikki bosqichda o‘tkaziladi:

Birinchi bosqichda talabgorlar oldindan malakalanadi (saralanadi), jumladan, savdolarda qatnashish uchun talab qilingan hujjatlarning to‘liqligi, zakalat puli kelib tushgani, davlat aktividan kelgusida foydalanish yo‘nalishlariga qo‘yilgan talabga nisbatan talabgor tomonidan taklif etilgan biznes konsepsiyasi loyihasining maqbul yoki maqbul emasligi, talabgor va ular bilan bog‘liq bo‘lgan shaxslardan hech biri Yevropa Ittifoqi va AQSHning, shuningdek, yirik xalqaro moliya institutlarining sanksiyalari ro‘yxatiga kiritilmagani, shuningdek, kelajakda bunday ro‘yxatlarga kirish ehtimolining pastligi ko‘rib chiqiladi.

Ikkinchi bosqichda talabgorning tijorat takliflari (sotib olish narxi va to‘lovni amalga oshirish muddati), zakalat puli miqdori (narx taklifining kamida 5 foizini tashkil etishi) hamda to‘lov qobiliyati baholanadi.

Aktiv haqida ma’lumot

“Paxtakor” O‘zbekistonda 1956 yildan buyon faoliyat yuritib kelayotgan professional futbol klubi hisoblanadi. Jamiyatning yuridik manzili: Toshkent shahri Islom Karimov ko‘chasi 98A-uy. Aktiv egallagan maydon 24,1 gektarni tashkil etadi. Qurilish osti maydoni: 83 ming 332,73 metr kvadrat (8,3 gektar), foydali maydoni esa 24 ming 262,57 metr kvadrat (2,4 gektar). Aktiv hozirda “Munitsipal aktivlarni boshqarish markazi” davlat unitar korxonasi balansida hisoblanadi.

Alohida shartlar

Klubni xususiylashtirish uchun futbol klubi faoliyatini rivojlantirish va xalqaro amaliyotni joriy etish yuzasidan eng maqbul strategiya loyihasi tanlab olinadi. Aktiv bo‘lib-bo‘lib to‘lash sharti bilan sotilganda dastlabki to‘lov summasi 35 foizdan kam bo‘lgan hollarda qolgan summaga Markaziy bankning asosiy stavkasi miqdorida yillik foizlar hisoblanadi.

Aktivni sotib olish bo‘yicha birinchi bosqichda bitta taklif kelib tushgan hollarda, savdolar o‘tkazilmagan deb e’tirof etiladi. Talabgor davlat aktivini sotib olish to‘lovini bir oydan ko‘p muddatlarda amalga oshirishni taklif etganda, uning narx taklifi ushbu muddatlarni inobatga olgan holda, belgilangan tartibda joriy qiymatga keltirib baholanadi.

Savdo yakunlari bo‘yicha savdo g‘olibi bilan Davaktiv agentligi tomonidan xabarnoma yuborilgandan keyin belgilangan tartibda oldi-sotdi shartnomasi rasmiylashtiriladi (fors-major holatlari bundan mustasno) va savdolarga qatnashish uchun to‘langan zakalat puli davlat aktivi xarid to‘lovining bir qismi sifatida qabul qilinadi.

Aktiv savdolari yakunlari bo‘yicha g‘olib tomonidan to‘lanadigan xarid qiymatiga chegirma qo‘llanmaydi. Savdolar yakunlari bo‘yicha savdo g‘olibi tomonidan oldi-sotdi shartnomasini tuzish rad etilsa yoki undan voz kechilsa, u tomonidan to‘langan zakalat puli miqdori qaytarilmaydi.

Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasi yoki ishchi organ o‘z xohishiga ko‘ra hech qanday majburiyatni o‘z zimmasiga olmagan holda, har qanday vaqtda savdoni to‘xtatishi hamda savdo jarayonida talabgorlardan qo‘shimcha va/yoki aniqlashtiruvchi ma’lumotlar so‘rashi mumkin.

Klublarning xususiylashtirilishi

Klub xususiylashtirilishi prezidentning 2023 yil 24 martdagi qaroriga asosan yuz bermoqda. Mazkur qarorda, shuningdek, “Buxoro”, “Nasaf”, “Mash’al”, “Lokomotiv”, “Olmaliq”, “Metallurg”, “Bunyodkor”, “Sho‘rtan”, “Navbahor lochinlari”, “Dinamo plyus” futbol klublari ham xususiylashtirilishi belgilangan.

Shuningdek, Davaktiv Osiyo Futbol Konfederatsiyasi tomonidan futbol klublarining bir davlat tashkiloti tasarrufida bo‘lishi sog‘lom raqobat muhitini yaratishga to‘sqinlik qilishi bildirilganini qayd etgan. Bugungi kunda futbol klublari davlat tashkilotlari va davlat ishtirokidagi korxonalar tasarrufida qolib, umumiy benefitsiar davlat bo‘lib qolmoqda. Bu holat xalqaro prinsiplarga muvofiq hisoblanmaydi. Shunga ko‘ra, dastlab jozibadorligi yuqori bo‘lgan futbol klublarini xususiylashtirgan holda xususiy sektorning ulushini bosqichma-bosqich oshirish rejalashtirilgan.


Doʻstlaringiz bilan ulashing

03 Jul 09:32
 
31
0
qalampir.uz

Xitoylik badmintonchi turnir vaqtida yuragi to‘xtab vafot etdi (video)

Xitoylik 17 yoshli badmintonchi Chjan Chjitsze Jakartada bo‘lib o‘tayotgan o‘smirlar o‘rtasidagi Osiyo chempionatida o‘yin vaqtida vafot etdi. Bu haqda Indoneziya badminton assotsiatsiyasi (PBSI) matbuot xizmati xabar berdi. Chjan Chjitsze 30 iyun kungi guruh bosqichida Yaponiyaga qarshi o‘yinda yiqilib tushdi. Tez yordam mashinasi badmintonchini shifoxonaga olib borgan va uning yuragi urishdan to‘xtab, vafot etgan. Turnir tashkilotchilari va Indoneziya Milliy Olimpiya qo‘m

20 Jun 16:53
 
23
0
qalampir.uz

“Real” Karvaxalga ikki nafar o‘rinbosar topdi

Madridning “Real” klubi va Ispaniya terma jamoasi himoyachisi Daniel Karvaxal 2024/2025 yilgi mavsum oxirida “qirollik klubi”ni tark etishi mumkin. Bu haqda AS xabar berdi. Manbaga ko‘ra, klub haligacha himoyachi bilan kelasi yilning yozida tugaydigan shartnomani uzaytirgani yo‘q, shuning uchun Karvaxal bilan kelishuvga erishilmasa, ehtimoliy variantlar ko‘rib chiqiladi. Qayd etilishicha, rahbariyat marokashlik futbolchi, PSJ a’zosi Ashraf Hak

20 Jul 11:55
 
20
0
qalampir.uz

Shohasan Mirzamatov raqibini “uxlatib qo‘ydi”

Kecha, 19 iyul kuni o‘zbekistonlik MMA jangchisi Shohasan Mirzamatov navbatdagi jangida qozog‘istonlik Mohir Mamedovga qarshi oktagonga chiqib, g‘alaba qozondi. Olmaota shahrida o‘tkazilgan Octagon 60 turnirida Mirzamatov 2-raundning 3-daqiqasini yakunlayotgan paytda mezbon sportchining qorniga tizza bilan zarba berib, raqibini oktagonga qulatdi.  Shunday qilib, 33 yoshli Mirzamatov faoliyatidagi 13-g‘alabasini tantana qildi.  Ma’lumot uchun, Mirzamatov navbatdagi

19 Jun 09:55
 
62
0
qalampir.uz

Messi Ali Daiga yetib oldi

Argentina terma jamoasi hujumchisi Lionel Messi terma jamoalar miqyosida eng ko‘p gol urish bo‘yicha 2-o‘ringa ko‘tarildi.  Bugun, 15 iyun tongida Argentina-Gvatemala o‘rtoqlik o‘yinida Messi dubl qayd etdi va terma jamoadagi gollari sonini 108 taga yetkazib, bu ko‘rsatkich bo‘yicha eronlik afsonaviy futbolchi Ali Daiga yetib oldi. Bu borada rekord Portugaliya terma jamoasi safida 130 ta gol urgan Krishtianu Ronalduga tegishli. 36 yoshli Messi 2006 yildan buyon 5 ta