calendar 17 Jan 13:45
eye 58
comments 0
comments Manba: qalampir.uz

Toshkentda jurnalistga nisbatan qo‘zg‘atilgan ma’muriy ish tugatildi

image

Avvalroq, Toshkent shahrida reportaj tayyorlashga borgan jurnalist ichki ishlar xodimlari tomonidan asossiz olib ketilib, bir necha soat davomida idorada ushlab turilgani va unga nisbatan Ma’muriy javobgarlik to‘g‘risidagi kodeksning 194-moddasi (Ichki ishlar organlari xodimining qonuniy talablarini bajarmaslik) bo‘yicha javobgarlik belgilangani haqida xabar qilgandik. Endilikda jurnalistga nisbatan qo‘zg‘atilgan ma’muriy ish tugatildi. Bu haqda Oliy sud matbuot kotibi Aziz Obidov ma’lum qildi.

“Jinoyat ishlari bo‘yicha Uchtepa tuman sudining 2024 yil 16 yanvardagi qaroriga muvofiq Mixail Dovlatovning harakatida ma’muriy huquqbuzarlik alomati yo‘qligi sababli, unga nisbatan Ma’muriy javobgarlik to‘g‘risidagi kodeksning 183-moddasi (mayda bezorilik) va 194-moddasi (ichki ishlar organlari xodimining qonuniy talablarini bajarmaslik) 1-qismi bilan yuritilgan ma’muriy huquqbuzarlik to‘g‘risidagi ish MJtKning 271-moddasi (ma’muriy huquqbuzarlik to‘g‘risidagi ishlarni yuritishni istisno etuvchi holatlar) 1-bandiga asosan tugatildi”, deydi Obidov.

Ma’lumot uchun, jurnalist Mixail Dovlatov bilan bog‘liq holat 14 yanvar kuni Toshkent shahrining Uchtepa tumanida sodir bo‘lgan. U 11-dahada istiqomat qiluvchi aholi bilan uchrashishi kerak bo‘lgan. O‘z navbatida, fuqarolar 150 ga yaqin garaj hamda 98 ta daraxt o‘rniga bolalar bog‘chasi qurilayotgani to‘g‘risida ma’lumot berishi rejalashtirilgan. Dovlatov aholi bilan soat 13:00 da voqea joyida uchrashishga kelishgan. Shuningdek, u yerda Uchtepa tumani hokimligi vakillari, ekolog va boshqa ekspertlar taklif etilgan.

Biroq jurnalist avtoturargohga kirishdan 50 metr narida bir guruh erkaklarga ko‘zi tushgan. 

“Ularning ayrimlari huquq-tartibot organlarining formasida edi, shuningdek, Isuzu avtozaki ham turardi. Ular yonidan o‘tar ekanman, menga murojaat qilishayotganini eshitib qoldim, o‘girilganimda fuqarolik kiyimidagi bittasi yana meni chaqirdi. Yoniga borib, gap nimada ekanini bilmoqchi bo‘ldim. U esa bu yerda chekish taqiqlanishini aytdi. Men atrofda tamaki chekishni taqiqlaydigan biror belgi yo‘qligini bildirdim. U bo‘lsa, bu yer jamoat joyi hisoblanishi va bu yerda chekish umuman mumkin emasligini ta’kidladi…”, deydi jurnalist.

Shundan so‘ng, xodimlar jurnalistni tumanning 2-sonli ichki ishlar idorasiga olib borgan hamda telefon va texnikalarini olib qo‘ygan. Idorada undan nima uchun miting tashkillashtirmoqchi ekani so‘ralgan. Dovlatov bir necha soat IIO FMBda ushlab turilgach, jurnalistga nisbatan Ma’muriy javobgarlik to‘g‘risidagi kodeksning 194-moddasi (Ichki ishlar organlari xodimining qonuniy talablarini bajarmaslik) bo‘yicha javobgarlik belgilangan.

Eslatib o‘tamiz, voqeadan xabar topgan Axborot va ommaviy kommunikatsiyalar agentligi Bosh prokuraturaga so‘rov xati yuborgandi.


Doʻstlaringiz bilan ulashing

18 Jun 10:13
 
43
0
qalampir.uz

Samarqandda Nexia 3 va yuk mashinasi ishtirokida YTH sodir bo‘ldi. Qurbonlar bor

Bugun, 15 iyun kuni Samarqand viloyatida sodir bo‘lgan Nexia 3 va yuk mashinasi ishtirokidagi YTH oqibatida ikki fuqaro vafot etdi. Bu haqda viloyat Yo‘l harakati xavfsizligi boshqarmasi xabar berdi. Qayd etilishicha, voqea soat 12:10 larda Ishtixon tumani “Qirqyigit” mahallasi hududidan o‘tuvchi M-37 “Samarqand-Buxoro-Turkmanboshi" avtomobil yo‘lining 61 kilometrida sodir bo‘lgan. Unda Nexia 3 rusumli avtomobil haydovchisi “Samarqand-Buxoro”

24 Jun 18:59
 
92
0
qalampir.uz

Toshkentda Spark suvga tushib ketdi (video)

Bugun, 24 iyun kuni Toshkent viloyatida Spark avtomobili suvga tushib ketdi. Bu haqda viloyat Ichki ishlar bosh boshqarmasi matbuot kotibi Bobur To‘laganov xabar berdi. Qayd etilishicha, Chirchiq shahrining “Iqbol” mahallasi hududida 1971 yilda tug‘ilgan D.M. ismli haydovchi Spark mashinasida orqaga harakatlanayotgan vaqtida boshqaruvni yo‘qotib, suvga tushib ketgan.   Shundan so‘ng, avtomashina suvdan olib chiqilgan. Hodisa oqibatida tan jarohati olganlar mav

15 Jul 12:03
 
56
0
qalampir.uz

Mirziyoyev Trampga hujumni qoraladi

Prezident Shavkat Mirziyoyev AQSH prezidentligiga nomzod Respublikachi Donald Trampga uyushtirilgan suiqasdga munosabat bildirdi. Bu haqda Prezident matbuot kotibi Sherzod Asadov xabar berdi. “Prezident Shavkat Mirziyoyev Amerika Qo‘shma Shtatlarining sobiq Prezidenti Donald Tramp Pensilvaniya shtatida saylovoldi uchrashuvda nutq so‘zlayotgan chog‘ida uning hayotiga suiqasd uyushtirilgani haqidagi xabarni chuqur xavotir bilan qabul qildi. Davlatimiz rahbari ushbu zo‘ravonlik h

18 Jul 14:46
 
29
0
qalampir.uz

Qirg‘iziston Prezidenti O‘zbekistonga yetib keldi

Bugun, 18 iyul kuni Qirg‘iziston Prezidenti Sadir Japarov va uning rafiqasi davlat tashrifi bilan O‘zbekistonga yetib keldi. Bu haqda O‘zbekiston Respublikasi Prezidenti Shavkat Mirziyoyevning matbuot xizmati xabar berdi. Bildirilishicha, Toshkent  xalqaro aeroportida ularni O‘zbekiston Prezidenti Shavkat Mirziyoyev va rafiqasi kutib oldi. Tashrif dasturiga muvofiq, oliy darajada muzokaralar o‘tkaziladi, ularda O‘zbekiston-Qirg‘iziston keng qamrovli strategik sheriklik m