Vengriya bilan tibbiyot sohasida hamkorlik aloqalari yanada kengayadi
![image image](https://xs.uz/upload/thumb/medium/6093f89b952a08cf2d29dd28208e62631206.jpg)
![](https://xs.uz/upload/post/2023/12/06/6093f89b952a08cf2d29dd28208e62631206.jpg)
Sogʻliqni saqlash vaziri Amrillo Inoyatov Vengriyaning Oʻzbekistondagi Favqulodda va muxtor elchisi Yojef Roja bilan uchrashuv oʻtkazdi.
Unda qayd etilganidek, Oʻzbekiston sogʻliqni saqlash tizimi transformatsiyasi jarayonida Vengriya bilan oʻzaro hamkorlikni yanada rivojlantirishdan manfaatdor.
Bugungi kunda ushbu mamlakat bilan sheriklik aloqalarini kengaytirish boʻyicha aniq rejalar va istiqbolli yoʻnalishlar belgilab olingan. Xususan, joriy yil iyul oyida yurtimiz sogʻliqni saqlash tizimi masʼullaridan iborat guruhning hukumatimiz delegatsiyasi tarkibida Vengriyaga tashrifi doirasida ham tibbiyot sohasida oʻzaro hamkorlikni yanada mustahkamlashga qaratilgan qator muhim kelishuvlar imzolangan edi.
Jumladan, hozir ushbu mamlakatning bir qancha nufuzli farmatsevtika korxonalari bilan Vengriya dori vositalarining yurtimizda ishlab chiqarilishini mahalliylashtirish, sifat nazorati, shuningdek, farmatsevtika xodimlarining malakasini oshirish kabi yoʻnalishlarda qoʻshma loyihalar amalga oshirilmoqda.
Uchrashuvda ana shu loyihalar ijrosini jadallashtirish muhimligi taʼkidlandi.
Muloqot chogʻida tibbiy taʼlim sohasidagi hamkorlikni faollashtirish masalasi ham muhokamalar markazida boʻldi.
Jumladan, Vengriyaning Zemmelvays, Debretsen kabi nufuzli universitetlari bilan birgalikda tibbiyot sohasida kadrlar tayyorlash, akademik almashinuv va qoʻshma taʼlim dasturlarini yoʻlga qoʻyish masalalari koʻrib chiqildi.
Maʼlumot oʻrnida aytish lozimki, Vengriya hukumati tomonidan “Stipendium Hungaricum” dasturi doirasida Oʻzbekiston fuqarolariga ushbu xorijiy mamlakat oliy taʼlim muassasalarida bakalavriat, magistratura va doktorantura bosqichlarida oʻqish uchun yiliga jami 170 tadan taʼlim grantlari ajratib kelinmoqda.
Taʼkidlanganidek, ushbu dastur ham tibbiy taʼlim sohasidagi hamkorligimizni rivojlantirish, shu jumladan oʻzbekistonlik yoshlarning Vengriyaning tibbiyot oliygohlarida Yevropa standartlari asosida oʻqishi uchun yaxshi imkoniyatdir.
Muzokaralar davomida Vengriyaning yetakchi universitetlari oʻqituvchi va professorlarini yurtimizdagi tibbiy oliygohlar hamda tibbiyot markazlarida maʼruzalar oʻqish, amaliy mashgʻulotlar va mahorat darslarini oʻtishga jalb qilish masalalari yuzasidan ham fikr almashildi.
Buxorodagi bog‘chada 150 bolaning ovqatiga 300 gramm go‘sht solingani aniqlandi
Ijtimoiy tarmoqda Buxoro viloyatidagi bog‘chalarning birida tuman hokimi 150 nafar bolaning ovqatidan 300 gramm go‘sht topgani haqida videotasvirlar tarqaldi. QALAMPIR.UZ holatga aniqlik kiritish maqsadida Maktabgacha va maktab ta’limi vazirligi matbuot kotibi Dilfuza Sobirova bilan bog‘landi. Ma’lum bo‘lishicha, Peshku tumani hokimi Vahob Qahhorov tumandagi 14-MTTni o‘rganish uchun borgan. Videoda hokim bog‘cha oshxonasiga kirib, pishirilayotgan ovqatlar ichidagi go‘s
O‘zbekistonda ichimlik suvi uchun ijtimoiy norma joriy etiladimi?
O‘zbekistonda ichimlik suvi uchun ijtimoiy norma belgilash rejasi yo‘q. Bu haqda “O‘zsuvta’minot” AJ boshqaruvi raisi o‘rinbosari Xurshid Rahmatullayev AOKAda o‘tkazilgan matbuot anjumanida ma’lum qildi. Uning so‘zlariga ko‘ra, suv bu — hayotiy ehtiyoj, uni cheklashga yoki qandaydir limit qo‘yishga hozircha hech qanday ehtiyoj mavjud emas. “Bu mening mas’ul shaxs sifatidagi fikrim. Qozog‘istonda bo‘layotgan jarayonlarni biz ham kuzatib tu
Toshkentning ayrim ko‘chalarida suv toshdi
Toshkent shahrining Uchtepa tumanida suv quvurlari yorilishi oqibatida ko‘chalarga suv toshdi. Bu haqda tuman hokimligi xabar berdi. Uchtepa tuman hokimining uy-joy kommunal xizmat ko‘rsatish va obodonlashtirish masalalari bo‘yicha o‘rinbosari Aziz Naimovga ko‘ra, voqea Shirin chorrahasida sodir bo‘lgan. Suv toshqiniga Shirin chorrahasidagi issiq suv quvurlarida yuzaga kelgan muammo sabab bo‘lgan. “Ayni damda esa ushbu muammo to‘la bartaraf etildi”,
Toshkentda erkak 7 tup 35 mln soʻmlik qoraqaragʻayni oʻgʻirlab ketdi
Maʼlum qilinishicha, Yunusobod tumani IIO FMB navbatchilik qismiga joriy yilning 6-iyul kuni nomaʼlum kimsa 51-yoshli E.V.ga tegishli fermer xoʻjaligi hududiga kirib, 7 tup 35 mln soʻmlik qoraqaragʻayni oʻgʻirlab ketgani haqida xabar kelib tushgan.Koʻrilgan tergov-tezkor tadbirlari natijasida jinoyatni sodir etishda gumonlangan 35 yoshli T.D. (erkak) ushlangan. Ayni paytda tergov harakatlari olib borilmoqda. Mazkur holat boʻyicha Jinoyat kodeksining 169-moddasi (Oʻgʻirlik) bilan jinoy