calendar 06 Dec 11:23
eye 39
comments 0
comments Manba: xs

Kadrlar bilan ishlashda yangi gʻoyalar va tendensiyalar muhokama qilindi

image

Soʻnggi yillarda yurtimiz turli yirik anjumanlar, yaqin sherikchilik va hamkorlik, gʻoyalar hamda innovatsiyalar almashinuvi uchun muhim, qulay maydonga aylanmoqda.

Poytaxtimizda Prezident huzuridagi Davlat xizmatini rivojlantirish agentligi, Germaniya xalqaro hamkorlik jamiyati, Latviya Respublikasi Moliya va shartnomalar markaziy agentligi hamkorligida “Davlat xizmatida isteʼdodli shaxslarni qoʻllab-quvvatlash masalalari” mavzusida tashkil etilgan xalqaro davra suhbati ham bunga yaqqol misoldir.

Davra suhbatida vazirlik va idoralarning rahbar kadrlari, inson resurslarini boshqarish boʻlinmalari xodimlari, olimlar, chet el mutaxassislari, diplomatik korpus vakillari hamda Angliya, Germaniya, Latviya, Fransiya, BAA, Koreya, Singapur, Turkiya, Ozarbayjon kabi mamlakatlardan soha ekspertlari, davlat xizmatchilari ishtirok etdi.

Tadbir davlat xizmatini rivojlantirishda salohiyatli kadrlar zaxirasini shakllantirish muammolari, isteʼdodli shaxslarni davlat xizmatiga jalb qilishning zamonaviy hamda samarali mexanizmlarini muhokama qilish maqsadida tashkil etildi.

Xalqaro davra suhbatining ochilish marosimida Prezident huzuridagi Davlat xizmatini rivojlantirish agentligi direktorining birinchi oʻrinbosari Otabek Hasanov Oʻzbekistonda davlat xizmati sohasini isloh qilish boʻyicha tizimli ishlar amalga oshirilayotgani haqida gapirdi.

— Bugun Oʻzbekiston Prezidenti boshchiligida yurtimizda barcha sohalarda keng miqyosdagi oʻzgarishlar amalga oshirilmoqda. Barcha sohalar qatori taʼlim va insonning rivojlanishi uchun ham shart-sharoitlar yaratilmoqda, — dedi O. Hasanov. — Xususan, davlatimiz rahbarining “davlat xizmatchisi, avvalo, xalq xizmatchisi boʻlishi shart”, degan siyosiy irodasini roʻyobga chiqarish boʻyicha tashkiliy-huquqiy va kompleks amaliy chora-tadbirlar olib borilmoqda. Shuningdek, bugun Oʻzbekistonda natijador, ixcham va professional davlat boshqaruvi tizimini yaratish strategik chora-tadbirlar amalga oshirilmoqda.

Ochilish marosimidan soʻng, davra suhbati panellarda ishini davom ettirdi.

Birinchi panelda noaniqlik sharoitida ishchi kuchini rejalashtirish: turli modellar va instrumentlar, ikkinchisida yuqori boʻgʻin davlat xizmati: liderlik uchun kompetensiyalar, rekrutment va karyera mobilligi masalalari muhokama qilindi. Uchinchi panelda ham davlat fuqarolik xizmati sohasidagi muhim masalalar muhokamasi boʻldi. Unda isteʼdodli shaxslar salohiyatidan toʻgʻri foydalanish, eʼtirof qilish, ish va shaxsiy hayot oʻrtasida muvozanatni taʼminlashga qaratilgan amaliyotlar yuzasidan tajriba almashildi.

— Tashkilotimiz dunyodagi eng ilgʻor amaliyotlarni oʻzida mujassamlashtirgan, — deydi BMT Xalqaro davlat xizmati komissiyasi raisi Larbi Djakta. — Biz Oʻzbekistonda Prezident tomonidan belgilab berilgan strategiyani amalga oshirishda Davlat xizmatini rivojlantirish agentligi bilan hamkorlik qilishga tayyormiz.

Prezident huzuridagi Davlat xizmatini rivojlantirish agentligi departament mudiri Alisher Eranovning aytishicha, har bir davlat kadrlar bilan ishlash sohasidagi faoliyatini zamonaviy standartlar asosida yangilab borishi kerak. Bu borada davlatlar oʻzaro tajriba almashib turishi juda muhim. Turli modellar va instrumentlarni qoʻllash, kompetensiyalarni rivojlantirishda sinovdan oʻtgan amaliyotlar qoʻl keladi.

Taʼkidlash joizki, xalqaro muloqot davomida kadrlar siyosati va davlat xizmatidagi zamonaviy trendlar, yangi gʻoyalar va yondashuvlar muhokama qilindi, isteʼdodli shaxslar, xususan, yoshlarni davlat xizmatiga keng jalb qilish boʻyicha oʻzaro tajriba almashildi.

Davra suhbati soʻnggida ekspertlar, soha mutaxassislari, olimlar hamda jamoatchilik vakillari fikr-mulohazalari, takliflari yuzasidan xulosalar eʼlon qilindi.

Gulchehra Ashurova, jurnalist.


Doʻstlaringiz bilan ulashing

04 Jan 15:40
 
28
0
xs.uz

Adliya sohasida amalga oshirilgan ishlar haqida maʼlumot berildi

Taʼkidlanganidek, 2022 ' 2026-yillarga moʻljallangan Yangi Oʻzbekistonning taraqqiyot strategiyasini 'Inson qadrini ulugʻlash va faol mahalla yili'da amalga oshirishga oid davlat dasturida vazirlikka 69 ta bandda tegishli vazifa va tadbirlarni bajarish yuklatilgan. Shundan, 30 ta band boʻyicha vazirlik asosiy ijrochi etib belgilangan.Vazirlik asosiy ijrosi sifatida belgilangan 21 ta tegishli normativ-huquqiy hujjatlar loyihalarini ishlab chiqish va 9 ta bandda amaliy chora-tadbirlar va huqu

03 Feb 12:10
 
31
0
qalampir.uz

Toshkent viloyatida sudya sud hukmi xato yozilgani uchun jarimaga tortildi

Toshkent viloyati Oqqo‘rg‘on tuman sudi raisi Sanjar Isaqulov e’tiborsizlik bilan chiqargan qarori sabab jarimaga tortildi. Bu haqda Sudyalar oliy kengashi xabar berdi.  Bildirilishicha, R.B. va boshqalarga nisbatan chiqarilgan sud hukmi yozilishida jiddiy e’tiborsizliklarga yo‘l qo‘yilgan, xususan, sudyaning beparvoligi oqibatida uning (hukmning) loyiha varianti "E-XSUD" elektron bazasiga kiritilgan.  Shu sababli, ushbu holat yuzasidan Toshkent viloyat sudl

08 Jan 16:45
 
35
0
qalampir.uz

O‘zbekistonda Umra ziyorati narxlari arzonlashdi

O‘zbekistonda Umra ziyorati uchun narxlar arzonlashdi. Bu haqda O‘zbekiston musulmonlari idorasi xabar berdi. O‘zbekiston delegatsiyasi Saudiya Arabistonida haj va umra xizmatlari sifatini yanada yaxshilash, narxlarini arzonlashtirish, ziyoratchilar uchun bir qator qulayliklar yaratish maqsadida, podshohlikdagi bir qator mutasaddi idoralar rahbarlari bilan muzokaralar olib bormoqda. Shu kabi muloqotlar natijasida umra xizmatlari narxini yanada arzonlashtirishga erishilgan. 2024 yil 1

18 Jan 19:45
 
24
0
xs.uz

Oʻzbekistonning ayrim hududlarida 19-yanvar kuni yogʻingarchilik boʻlishi kutilmoqda

Toshkent shahrida havo biroz bulutli boʻladi, biroz yogʻingarchilik (yomgʻir, qor) boʻlishi mumkin. Kechasi va ertalab tuman tushishi mumkin. Shamol sharqdan 3-8 metr/sekund tezlikda esadi. Harorat kechasi 0-2 daraja iliq, kunduzi 4-6 daraja iliq boʻladi.Qoraqalpogʻiston Respublikasi va Xorazm viloyatida havo biroz bulutli boʻladi, yogʻingarchilik kutilmaydi. Baʼzi joylarga tuman tushishi mumkin. Shamol sharqdan 7-12 metr/sekund tezlikda esadi. Harorat kechasi 5-10 daraja sovuq, kunduzi