calendar 05 Dec 13:23
eye 44
comments 0
comments Manba: xs

Yoz neʼmatlari — qish dasturxoniga

image

Foto: J. Boymurodov

Qashqadaryo viloyatida har yili pishiqchilik mavsumida 170 ming tonnaga yaqin meva, 100 ming tonnadan ortiq uzum, 180 ming tonna atrofida kartoshka hamda 520 ming tonna atrofida turli sabzavot mahsulotlari yetishtiriladi.

Albatta, yoz va kuz oylarida saranjomlab olingan ushbu neʼmatlarning bir qismini uzoq vaqt davomida sifatli saqlash qish va bahor fasllarida bozorlarimizda oziq-ovqat mahsulotlarining serobligini taʼminlash, qolaversa, ichki isteʼmoldan ortgan mahsulotni eksportga yoʻnaltirish qamrovini oshirishda ustuvor ahamiyat kasb etadi.

Kitob tumanida faoliyat yuritayotgan “Tagob mevalari nur” masʼuliyati cheklangan jamiyati taʼsischilari ham 2018-yilda 1300 tonna sigʻimga ega yirik sovitkichli sigʻimni ishga tushirgan edi. Bugungi kunda bu jamiyat tasarrufidagi bogʻlarda yetishtirilgan mevalarini sifatli saqlab, qish va bahor oylari davomida bozorga chiqarish imkonini bermoqda.

— Korxonamizning asosiy faoliyati bogʻdorchilikka ixtisoslashgan, — deydi jamiyat ish boshqaruvchisi Abdukarim Muhammadiyev. — Bugungi kunda 26 gektar bogʻimiz bor. Shuning 10 gektarida mahalliy, 16 gektari intensiv usulidagi yarim pakana olma va nok daraxtlarini parvarishlayapmiz. Bogʻimiz toʻliq hosilga kirgan. Yetishtirilgan mahsulotning bir qismini pishiqchilik mavsumining oʻzida bozorga chiqarsak, qolganini saralab, qish va bahor oylari davomida sotamiz. Bunda bizga oʻz vaqtida mazkur sovutkichli sigʻimni ishga tushirganimiz qoʻl kelyapti.

Abdukarim Muhammadiyevning qoʻshimcha qilishicha, xoʻjalikda hosilni uzoq vaqt davomida sifatli saqlab, peshma-pesh ravishda bozorga chiqarish olinadigan daromadni bir necha marotaba oshirish imkonini bermoqda.

Jahongir BOYMURODOV, “Xalq soʻzi”.


Doʻstlaringiz bilan ulashing

02 Feb 16:30
 
28
0
xs.uz

Andijonda suv tanqisligi sharoitida undan oqilona foydalanish choralari belgilanmoqda

' Oʻz oqimi bilan suv yetib bormaydigan 'Chek yor' mahalla fuqarolar yigʻini hududidagi fermer xoʻjaliklari ekinlarini sugʻorishda bir talay muammolar mavjud. Ayniqsa, ayni suv kerak paytda elektr oʻchishi yoki nasoslarning ishlamay qolishi qiyinchiliklar tugʻdirmoqda. ' deydi tuman suv yetkazib berish xizmati davlat muassasasi rahbari Abdulatif Yusupov. ' Sayyor qabul davomida fermer xoʻjaliklar rahbarlarining bu boradagi murojaatlari tinglandi va joyida oʻrganilib, zudlik bilan zarur c

02 Jan 11:40
 
43
0
qalampir.uz

O‘zbekistonda AI-80 markali benzinini aksiz solig‘idan ozod etish muddati tugadi

2023 yilning 31 dekabr kuni import qilinadigan, mahalliy korxonalar tomonidan ishlab chiqariladigan va tadbirkorlar tomonidan sotiladigan AI-80 markali benziniga nisbatan aksiz solig‘ini "nol" stavkada qo‘llash muddati tugadi. Bu haqda "O‘zbekneftgaz" axborot xizmati xabar berdi. Prezident qarori bilan 2022 yilning 13 dekabridan mamlakatda AI-80 markali benzinni olib kirish, ishlab chiqarish va sotish uchun aksiz solig‘i nolga tenglashtirilgandi. Mazkur tartib maml