calendar 01 Dec 11:23
eye 54
comments 0
comments Manba: xs

Narpaydagi 17-umumtaʼlim maktabi bitiruvchilarining hammasi talaba boʻldi

image

Narpay tumanidagi 17-umumiy oʻrta taʼlim maktabida bugungi kunda 1130 nafar oʻquvchi tahsil olmoqda. Ularga 74 nafar oʻqituvchi dars beradi. Muallimlarning 15 nafari oliy toifaga ega. 2022-2023 oʻquv yilida maktabni 17 nafar bitiruvchi tamomlagan boʻlib, ularning barchasi oliy oʻquv yurtlariga oʻqishga kirdi va bu borada 100 foizlik natijaga erishildi. Ahamiyatlisi, bitiruvchilarning 5 nafari xalqaro va milliy sertifikatlarga ega boʻlib, davlat granti asosida nufuzli oliy taʼlim muassasalariga oʻqishga kirdi. Qolgan 12 nafari toʻlov shartnoma asosida talaba boʻldi.

Albatta, bunday natijaga erishish oson emas. Bu, avvalo, ota-onalarning farzandlariga bergan tarbiyasi, oʻquvchilarning qiziqishlari, intilishlari va ustozlarning mehnatlari samarasidir.

— Avvalo, biz maktabdagi darslarning sifatiga alohida eʼtibor beryapmiz, — deydi maktab direktori Marhabo Jabborova. — Ammo oʻquvchini qoʻshimcha toʻgaraklarga jalb etmasak yaxshi natija koʻrsatish qiyin. Shuning uchun maktabimizda 39 ta fan va sport toʻgaraklari tashkil etilgan. Ularning barchasi bepul xizmat koʻrsatadi. Maktabda oʻqituvchilarning har bir erishgan natijasi monitoring qilib boriladi. Samarali mehnat qilayotgan ustozlar munosib ragʻbatlantiriladi. Shuningdek, pullik xizmat koʻrsatuvchi 2 ta oʻquv markazning filiali uchun ham maktabdan joy ajratilgan. Oʻquvchilar pullik toʻgaraklarda qoʻshimcha taʼlim olish istagida boʻlsa ham maktab hovlisidan tashqariga chiqmaydi.

Tumanda bugungi kunda 70 ta maktab boʻlib, 2022-2023 oʻquv yilida bu taʼlim muassasalarini 2295 nafar oʻquvchi tamomlagan. Ularning 191 nafari grant asosida, 495 nafari esa kontrakt asosida oliy oʻquv yurtlariga oʻqishga qabul qilingan. Hammasi boʻlib, 686 nafar bitiruvchi talaba boʻlish sharafga muyassar boʻldi. Shu tariqa Narpay tumani oʻquvchilarning oʻqishga kirishi boʻyicha viloyatda uchinchi oʻrinni egalladi.

Kelgusida bundanda yaxshiroq natijalarni qoʻlga kiritish maqsad qilingan.

Abdulaziz Yoʻldoshev, “Xalq soʻzi”.


Doʻstlaringiz bilan ulashing

04 Jan 16:00
 
39
0
xs.uz

Qishloq aholisiga zamonaviy tibbiy xizmat koʻrsatilmoqda

Andijon tumanida ikkita poliklinika zamonaviy binolarda faoliyat koʻrsata boshladi.'Sharq yulduzi' mahalla fuqarolar yigʻinidagi 3-oilaviy poliklinika binosi 1974-yilda qurilgan boʻlib, muqaddam jamoa xoʻjaligi idorasi vazifasini oʻtagan. Bino tibbiy xizmat koʻrsatishga moslashmaganligi bois xizmat koʻrsatish sifati past va bu aholining eʼtirozlariga sabab boʻlayotgan edi.1 milliard 200 million soʻm mablagʻ sarflanib, amalga oshirilgan taʼmirlash ishlaridan soʻng bino zamonaviy koʻ

17 Jan 12:56
 
32
0
xs.uz

Kuchli taʼsir qiluvchi dori vositalarini sotayotgan dorixonalar aniqlandi

Shu kabi, Departamentning Yangixayot tuman boʻlimi tomonidan oʻtkazilgan tezkor tadbirda 'Ph.I.' MCHJga qarashli dorixonada 456 dona 'Zardeks' va 500 dona 'Gabapentin' nomli kuchli taʼsir qiluvchi dori vositalari mavjudligi aniqlanib, ashyoviy dalil sifatida olingan.Mazkur holatlar yuzasidan Jinoyat kodeksining 251-1-moddasi (kuchli taʼsir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishlari qoʻzgʻatilib, tergov harakatlari oʻtkazilmoqda.

12 Feb 17:12
 
20
0
xs.uz

Oʻzbekiston Respublikasining tabiiy suv havzalarida baliq ovlash qoidalari tasdiqlandi

Qoidalar Oʻzbekiston hududidagi barcha tabiiy suv havzalarida faoliyat olib boruvchi yuridik va jismoniy shaxslar uchun majburiydir.Qoidalar sunʼiy suv havzalari hamda tabiiy suv havzasi hisoblanmaydigan irrigatsiya tarmoqlaridagi qafas (sadok) moslamalarida intensiv baliq yetishtirish texnologiyasi va akvakulturaga nisbatan tatbiq etilmaydi.Tabiiy suv havzalarida quyidagi baliq ovlash qurollari va vositalaridan foydalanish taqiqlanadi:' yoyma toʻrlar (nakidka);' ikki tomonlama mahkamlanadiga