calendar 30 Nov 11:53
eye 50
comments 0
comments Manba: zarnews

Dunyo voqealari qisqa satrlarda: "Netanyaxu davri" tugashi bashorat qilindi. Janubiy Koreyaning mashhur musiqachilari armiyaga otlandi. Belarusda boylik solig'i joriy etildi

image

🔻 HAMAS qo'shinlarini shay holatga keltirdi. Uzaytirilgan sulh bugun ertalab soat 7:00 da tugadi. Tomonlar yangi uzaytirish bo'yicha kelisha olgani haqida xabar bo'lmadi. Navbatdagi garovga olinganlarni ozod qilish bo'yicha muzokaralar davom etar ekan, harbiy harakatlardagi operativ pauza davom etishi aytilmoqda.

🔻 Noqulay ob-havo tufayli Vnukovo, Domodedovo va Sheremetevoda kamida reyslar kechiktirilgan va 6 tasi bekor qilingan.

🔻 Qozog'iston parlamentining quyi palatasi maktab o'quvchilariga dars vaqtida telefondan foydalanishni taqiqlovchi qonunni qabul qildi. Shunga o'xshash qonun loyihasi hozir Rossiyada ko'rib chiqilmoqda.

🔻 Qatarga rasmiy tashrif bilan kelgan Germaniya prezidenti Frank-Valter Shtaynmayer "Hamad" aeroportida kutib olinmadi. Diplomatlar uni olib ketishlari uchun prezident taxminan 30 daqiqa kutishiga to'g'ri kelgan.

🔻 Bayden Si Tszinpinni taniqli xitoylik siyosatchi Deng Syaopin bilan chalkashtirib yubordi. Avvalroq Bayden AQShning sobiq prezidenti Donald Trampni adashib kongressmen deb atagan edi.

🔻 AQShning sobiq davlat kotibi Genri Kissinjyer 100 yoshida vafot etdi. Amerikaning buyuk davlat arboblaridan biri - doktor Kissinjyer aqlli va ayyor, munosabatlar o'rnatishga usta bo'lgan diplomatiyaning haqiqiy afsonasi edi. G.Kissinjyer Nizomiy Ganjaviy nomidagi xalqaro markazning faxriy aʻzosi bo'lgan va Markazning maxsus oltin medali bilan taqdirlangan.

🔻 Germaniya politsiyasi kelib chiqishi afg'on bo'lgan 15 yoshli o'smir va 16 yoshli Rossiya fuqarosini Kyolnda terakt tayyorlaganlikda gumon qilib, hibsga oldi.

🔻 Frantsiya mehnat, to'liq bandlik va integratsiya vaziri Olivye Dyuso qarindosh-urug'chilik holati bo'yicha, tender korruptsiyasida ayblanmoqda, u 10 oylik shartli qamoq va 15 ming yevro miqdorida jarimaga tortilishi mumkin.

🔻 Ukraina aholisining prezident Vladimir Zelenskiyga ishonchi pasaygan. So'rovlarga ko'ra, noyabr oyi o'rtalarida prezident Zelenskiyga bo'lgan ishonch 32 foizga tushib ketgan, bu Zalujniyning (70 foiz) yarmini tashkil etadi. Ukraina razvedkasi rahbari Kirill Budanovning reytingi ham prezidentdan yuqori (45 foiz).

🔻 Rossiya Kimyoviy qurollarni taqiqlash tashkilotiga aʻzo davlatlarning 28-konferentsiyasida bo'lib o'tgan ovoz berish natijalariga ko'ra, Rossiya Kimyoviy Qurollarni taqiqlash tashkiloti kengashidagi o'rnini yo'qotgan. Litva, Polsha va Ukraina Sharqiy Evropa guruhidan tashkilot Ijroiya kengashidagi o'rinlarni olgan.

🔻 Belarusda progressiv soliqqa tortish tizimi joriy etildi. Endi "boylik solig'i" taxminan 8-9 ming kishiga taʻsir qiladi. Shuningdek, yiliga 25 million rubldan ortiq foyda olishda daromad solig'i stavkalarini 25 foizga oshirish niyatida. Hozirda bu soliq 20 foizni tashkil etadi.

🔻 Bosh vazir Benyamin Netanyaxu boshchiligidagi hozirgi Isroil hukumati Yaqin Sharqdagi mojaro tugaganidan keyin o'z ahamiyatini yo'qotadi. Bu fikrni Isroil tashqi ishlar vazirligining sobiq rahbari Tsipi Livni bildirdi. Hozirgi hukumat Isroilga xavfsizlikni taʻminlamagan, faqat "shiorlar va bo'linish" bilan shug'ullangan. "7 oktyabrdagi dahshatli voqealar barchamiz bir qayiqda ekanligimizni ko'rsatdi: yahudiylar, druzlar, badaviylar, isroillik arablar. Bu kelajakda mustaqil Isroil davlati uchun yangi umumiy asos topish imkoniyatini berishi mumkin. Buning uchun biz falastinliklar bilan ikki davlat yechimi shaklida sulh tuzishimiz kerak", deya qo'shimcha qildi Livni.

🔻 Rossiya Federatsiyasi Tashqi ishlar vaziri Sergey Lavrov Evropada Xavfsizlik va Hamkorlik Tashkiloti (EXHT) Tashqi ishlar vazirlarining Makedoniya poytaxti Skopedagi yig'ilishiga keldi. AQSh Davlat kotibi Entoni Blinken yig'ilishni Lavrov kelishidan oldin tark etgan.

🔻 Millionlab qizlarning sevimli musiqachilari armiyaga otlanmoqda. BTS key-pop guruhining qolgan to'rt nafar aʻzosi yil oxirigacha Janubiy Koreya armiyasida xizmat qila boshlaydi. Jamoaning yana uch nafar aʻzosi allaqachon harbiy xizmatni o'tamoqda.

G.Xoldorova tayyorladi.


Doʻstlaringiz bilan ulashing

30 Jan 22:13
 
45
0
qalampir.uz

YeI Vengriyaga qarshi mafkuraviy urush olib bormoqda – Orban 

north_east Orban YeI kengashida ovoz berish huquqidan mahrum bo‘lishi mumkin Vengriya Bosh vaziri Viktor Orban Yevropa Ittifoqi so‘nggi yillarda Budapeshtga qarshi mafkuraviy urush olib borayotganini aytdi. Bu haqda u Fransiyaning “Le Poin” jurnaliga bergan intervyusida so‘z ochdi. "Yevropa Ittifoqi so‘nggi yillarda Vengriyaga qarshi mafkuraviy urush olib bordi va bizni doimiy ravishda shantaj qilishga haraka

25 Jan 18:55
 
33
0
xs.uz

Germaniya Rossiyani “jilovlash” rejasini ishlab chiqmoqda

Germaniya Sovuq urush tugaganidan beri birinchi marta mudofaa rejasini ishlab chiqmoqda va uning asosiy maqsadi Rossiya Federatsiyasini 'jilovlash' va infratuzilma obyektlarida qoʻporuvchilik harakatlariga qarshi turishdir. Bu haqda MDR teleradiokompaniyasi mamlakat Mudofaa vazirligiga tayanib xabar bermoqda.Manbaga koʻra, Germaniya Ukrainadagi voqealarga reaksiya sifatida sovuq urushdan beri birinchi marta keng qamrovli mudofaa rejasini ishlab chiqmoqda. Unda asosiy eʼtibor Rossiyani 'jilovl

15 Jan 22:20
 
39
0
qalampir.uz

Eronda bir kunda 10 dan ortiq mahbus qatl etildi

Eronning Karaj shahri markaziy qamoqxonasida bir sutkada 11 mahbus dorga osildi. Bu haqda Eron inson huquqlari tashkiloti xabar berdi. Qayd etilishicha, qatl etilgan mahbuslardan besh nafari noqonuniy giyohvand moddalar savdosida ayblangan, qolganlarining aybi hozircha noma’lum. Bu yil boshidan beri ilk qatl hisoblanadi. Ayni vaqtda Xurramobod viloyatining Parsilun qamoqxonasida yana bir mahbus qatl etilgan. Ma’lumot uchun, 2023 yilda Eron qamoqxonalarida 870 kishi, jumladan, 25 naf

08 Feb 05:00
 
34
0
xs.uz

AQSH Fan va xalqaro xavfsizlik institutining yangi hisobotiga koʻra, Eron yetarli darajadagi boyitilgan uranga ega

Tadqiqot mualliflariga koʻra, Tehronning Gʻarb bilan munosabatlari yomon boʻlgan bir paytda yadroviy qurol salohiyatga egaligi har qachongidan ham xavfli hisoblanadi.