![](https://xs.uz/upload/post/2023/11/29/88a45919ac23d7530064e94306faa9401129.jpg)
Mamlakatimizda yetishtiriladigan paxta tolasining salmoqli qismi Qashqadaryo viloyati hissasiga toʻgʻri keladi. Bu esa hududning yengil sanoatni jadal rivojlantirish va mazkur sohada koʻplab ish oʻrinlari yaratish borasida katta salohiyatga ega ekanligini anglatadi.
Ammo koʻp yillar mobaynida ana shu imkoniyatlar deyarli ishga solinmay, yetishtirilgan tola asosan xomashyo sifatida boshqa hududlar va xorijiy mamlakatlarga joʻnatilar edi.
Soʻnggi yillarda yetishtirilgan xomashyoni viloyatning oʻzida qayta ishlashni tashkil etish boʻyicha keng koʻlamli islohotlar amalga oshirildi. Natijada yengil sanoat viloyat iqtisodiyotining strategik muhim va jadal rivojlanayotgan tarmoqlaridan biriga aylanib bormoqda. Bu esa minglab yangi ish oʻrinlarini yaratish, faoliyatdan bir necha barobar koʻproq daromad olish imkonini berayotir.
Kitob tumanida faoliyat yuritayotgan “Kitob ip yigiruv” AJ faoliyati bunga yaqqol misoldir. Bundan 10 yil avval ushbu korxona iqtisodiy nochor ahvolga tushib qolgan, deyarli faoliyat koʻrsatmayotgan edi. Bu sohaga qaratilgan eʼtibor, tatbiq etilgan imtiyoz va imkoniyatlar jamiyat taʼsischilarini ham yangi tashabbuslarga ilhomlantirdi.
Shu tariqa korxona faoliyatida yangi davr boshlandi. Korxona Germaniya texnologiyasi asosida toʻliq qayta jihozlanib, zamonaviy sifat va andozalar asosida yiliga 7200 tonnagacha kalava ip ishlab chiqarish imkoniyati yaratildi.
— Ayni paytda korxonada kalava ip ishlab chiqarishning barcha bosqichlarini qamrab olingan, — deydi “Kitob ip yigiruv” AJ sex boshligʻi Rauf Maxmarizayev. — Masalan, klaster usulida paxtani oʻzimiz yetishtiramiz. Xomashyo paxta tozalash zavodida dastlabki qayta ishlanib, chigiti ajratilgach, bu yerga olib kelinadi. Bu yerda esa u yana bir marotaba maxsus texnologiyalar yordamida tozalanib, saralangach, yigiruv sexiga oʻtkaziladi. Undan keyingi bosqichda esa tayyor ip maxsus oʻlchamlar asosida oʻralib, qadoqlanadi va sotuvga tayyor holatga keltiriladi.
Korxonada ishlab chiqarilayotgan mahsulot xalqaro bozor talablariga mos. Shu bois ham bu yerda yigirilgan ip-kalavaning atigi 30 foizi ichki bozorga yoʻnaltirilayotgan boʻlsa, 70 foizi Turkiya, Xitoy kabi davlatlarga eksport qilinmoqda.
Eʼtiborli tomoni, ushbu faoliyat ortidan 330 nafar kishining doimiy ish bilan bandligi taʼminlangan. Korxona jamoasi esa faoliyatdan kelayotgan daromadni yana yangi-yangi loyihalarga yoʻnaltirmoqda. Xususan, joriy yil boshida korxona tomonidan Qarshi shahridagi “Buyuk Turon” kichik sanoat zonasida umumiy qiymati 3 million dollarlik, yiliga 5 million dona tayyor tikuv-trikotaj mahsulotlari ishlab chiqarish quvvatiga ega tekstil korxonasi foydalanishga topshirilgan edi. Ayni paytda korxonada 300 nafardan ziyod mahalliy aholi vakillari mehnat qilmoqda.
Jahongir BOYMURODOV, “Xalq soʻzi”.
Farg‘onadagi YTHda 74 yoshli haydovchi vafot etdi
Kecha, 26 iyun kuni Farg‘ona viloyatida “Vaz-2106” rusumli avtomobil haydovchisi Cobalt’ga urilishi oqibatida vafot etdi. Bu haqda viloyat IIB JXX Yo‘l harakati xavfsizligi xabar berdi. Qayd etilishicha, soat 14:30 larda 1950 yilda tug‘ilgan haydovchi N.E. “Vaz-2106” rusumli avtomobilida 4R-112 “Farg‘ona halqasi” avtomobil yo‘lining 228-kilometrida qayrilib olish joyida o‘z yo‘nalishida harakatlanib kelayotgan 1987 yilda tug‘ilgan hayd
Toshkentda ayrim koʻchalar yopildi
Qoʻyidagi yoʻllarda qurilish taʼmirlash ishlari olib borilishi sababli transport vositalarining harakati cheklanadi:'
Yil boshidan beri o‘tkazilgan tender savdolarining yarmidan ko‘pida raqobatga zid harakatlar aniqlandi
2024 yilning yanvar-iyun oylari davomida davlat buyurtmachilari tomonidan tovar, ish, xizmat va qurilish sohalarida o‘tkazilgan boshlang‘ich qiymati 6,065 trln so‘mlik bo‘lgan 9 322 ta tanlov (tender) savdolari yuzasidan olib borgan tahlillar natijasida 5 153 ta (55,2 %) savdo jarayonida 6 611 ta raqobatga zid harakatlar aniqlandi. Bu haqda Raqobatni rivojlantirish va iste’molchilar huquqlarini himoya qilish qo‘mitasi ma’lum qildi. B
Oʻzbekistonda sholi yetishtiruvchilarga imtiyozli kreditlar ajratiladi
Oʻzbekistonda 2024-yil 1-sentyabrdan fermer, dehqon xoʻjaliklari hamda boshqa mahsulot yetishtiruvchilarga sholi yetishtirish va xarid qilish xarajatlarini moliyalashtirish uchun prezident qarorida belgilangan shartlarda imtiyozli kreditlar ajratiladi. Bu haqda 'Sholi yetishtiruvchilar faoliyatini qoʻllab-quvvatlashning qoʻshimcha chora-tadbirlari toʻgʻrisida'gi prezident qarorida belgilandi.Qarorga koʻra, 2025'2026-yillarda sholi ekish uchun xarid qilingan va ishlab chiqarilganiga bir yi