calendar 28 Nov 11:27
eye 55
comments 0
comments Manba: xs

Xalq qabulxonalari fuqarolarning eng ishonchli manziliga aylandi

image

Foto: Xalq soʻzi

Mamlakatimizda davlatimiz rahbarining tashabbusi bilan xalq bilan muloqot tizimiga yangicha asos solinishi hamyurtlarimizning uzoq yillardan buyon hal boʻlmay kelayotgan muammolarining ijobiy yechimini taʼminlash va xalq turmush sharoitining tubdan yaxshilanishiga sabab boʻldi. Ayniqsa,   Prezident virtual hamda Xalq qabulxonalari fuqarolarning eng ishonchli manziliga aylandi. Oʻzbekiston Respublikasi Prezidenti nomiga Izboskan tuman Xalq qabulxonasi orqali tumanda istiqomat qiluvchi jismoniy va yuridik shaxslar tomonidan joriy yilning 11 oyi mobaynida 1116 ta masalalardagi murojaatlar kelib tushganligi ham bunga misoldir. Soʻrovlarning 90 foizi ijobiy hal etilib, qolgan qismi yuzasidan huquqiy munosabat bildirilganligi esa murojaatlarga boʻlgan eʼtiborning yorqin ifodasidir.

Tan olish kerak, avvallari, hamyurtlarimiz shaxsiy murojaatlari bilan yuzlanib, oʻzlarining ijtimoiy-iqtisodiy muammolarini yechishda amaliy yordam soʻrardilar. Hududlarda infratuzilma va aholi turmush sharoitini yaxshilash borasidagi ishlar natijasida bugun ularning soʻrovlari koʻlami ham kengayib, endilikda koʻproq jamoatchilik fikrini aks ettirmoqda. Yaʼni endi ular oʻzlarining emas, oʻzgalarning tashvishlarini aritish istagidalar. Misol uchun, “Oʻrta qishloq” MFYda istiqomat qiluvchi Husanboy ota Orifjonovni olaylik.

— “Anorzor” mahallasi hududidan oqib oʻtuvchi “Tentaksoy” daryosi ustidagi koʻprik 1968-yilda katta sel kelishi tufayli yuvilib ketgandi, — deydi otaxon murojaat chogʻida. — Natijada undan foydalanish ayanchli ahvolga kelib qoldi. Ikki qishloqni bir-biriga bogʻlab turuvchi bu koʻprikdan shu tariqa uzoq yillar davomida foydalanilmadi. Bu borada yordam soʻrab bormagan idoramiz qolmagan. Afsuski, natija boʻlmadi. Vaholanki, u har ikki qishloqda yashovchi 500 mingdan ziyod aholiga qulaylik yaratib turgandi.

Nihoyat, soʻnggi yillardagi islohotlar samarasi tufayli amaliy ishlarga kirishildi. Qisqa muddat ichida uzunligi 73 metr va eni 10 metr boʻlgan yangi koʻprik barpo etildi. Buning uchun 6 mlrd. 734 mln. soʻmlik loyiha ishlari bajarildi. Endi u bir qancha kilometrlab masofalarni yaqinlashtiribgina qolmay, nafaqat, aholi uchun, balki transport vositalariga ham xizmat qila boshladi.

Davlatimiz rahbarining fuqarolar davlat idoralariga emas, davlat idoralari fuqarolarga xizmat qilishi kerak, tamoyili asosidagi topshiriqlaridan tegishli xulosa chiqargan qabulxonamiz vakillari endilikda hududlarda boʻlib, sayyor qabullarni tashkil etishni kundalik vazifasiga aylantirdi. Bu esa hamyurtlarimiz uchun koʻplab imkoniyatlarni yaratdi. Zero, idoralarga borib, muammosini aytishga hamma ham botinolmaydi. Shu bois biz tashkil etgan sayyor qabullar yuzlab mahalladoshlarning soʻrovlariga ijobiy yechim topdi. Bugina emas, qabulxona tomonidan har bir xonadonda boʻlib, aholi bilan yuzma-yuz uchrashuvlar oʻtkaza oʻtkazayotganimiz nihoyatda katta samara bermoqda. Natijada hatto tilga olinmagan murojaatlar yuzasidan ham ijobiy natijalarga erishyapmiz.

Tahlillarga nazar tashlaydigan boʻlsak, Oʻzbekiston Respublikasi Prezidenti nomiga Izboskan tumanida yashovchi jismoniy va yuridik shaxslar tomonidan yoʻllangan murojaatlarning aksariyat qismini mehnat munosabatlari, ish bilan taʼminlash, soliq tizimi, kadastr sohasiga oid muammolar tashkil etmoqda. Xulosa qilish mumkinki, hududda ushbu yoʻnalishlarda bajarilishi muhim boʻlgan vazifalar mavjud. Bu esa kelgusi faoliyatimizni tashkil etishda asosiy yoʻnalish etib belgilanadi.

Oybek MELIBOYEV,

Oʻzbekiston Respublikasi Prezidentining
Andijon viloyati Izboskan tumanidagi
Xalq qabulxonasi mudiri.


Doʻstlaringiz bilan ulashing

04 Feb 15:15
 
40
0
xs.uz

Oʻzbekistonda mobil aloqadan aholining qancha qismi foydalanadi?

Shundan, 28,8 mln. nafari aholida qayd etilgan.Aholining mobil aloqa bilan taʼminlanganligi har 100 kishi hisobiga 79 birlikni tashkil etdi.Yillar kesimida har 100 doimiy aholiga toʻgʻri keladigan abonentlar soni (1-yanvar holatiga):' 2020-yil ' 69 ta;' 2021-yil ' 71 ta;' 2022-yil ' 73 ta;' 2023-yil ' 76 ta;' 2024-yil ' 79 ta.

12 Feb 17:12
 
11
0
xs.uz

Goʻsht, sut va tuxum ishlab chiqarishni kengaytirish maqsadida 315 milllion dollar resurs yoʻnaltiriladi

Yigʻilishda xuddi qurilish sohasidagi kabi qishloq xoʻjaligida ham ish oʻrinlari va tovar aylanmasini 'soyadan' chiqarish zarurligi taʼkidlandi.Endilikda qoʻshilgan qiymat soligʻini qaytarib berish boʻyicha imtiyoz milliy valyutada eksport qilgan tadbirkorlarga ham tatbiq qilinishi maʼlum qilindi.Goʻsht, sut va tuxum ishlab chiqarishni kengaytirish maqsadida 315 milllion dollar resurs yoʻnaltirilishi belgilandi.Bu mablagʻ chorva kompleksini tashkil qilish, qoramol olish, omuxta-yem ch

18 Jan 18:22
 
24
0
qalampir.uz

Toshkentda bir oilaning uch a’zosi vafot etdi

Toshkent shahri Uchtepa tumanida bir oilaning besh a’zosi xonadonidan hushsiz holda topildi. Bu haqda  Bosh prokuratura matbuot kotibi Hayot Shamsutdinov QALAMPIR.UZ'ga ma’lum qildi. Unga ko‘ra, 16 yanvar kuni soat 17:00 larda ichki ishlar organlariga tumanning 1-Tong ko‘chasida yashovchi oilaning 5 nafar a’zosi hushsiz holda topilgani to‘g‘risida xabar kelib tushgan. Voqea joyi va murdalar tezkor-tergov guruhi tomonidan ko‘zdan kechirilganda 36 yoshli ayol M.N. va

05 Feb 11:28
 
23
0
qalampir.uz

Dang‘aradagi "zapravka"da chiqqan janjal o‘lim bilan tugadi

Farg‘ona viloyatining Dang‘ara tumanidagi gaz “zapravka”da sodir bo‘lgan janjal oqibatida 23 yashar yigit vafot etdi. Bu haqda O‘zbekiston Respublikasi Bosh prokuraturasi matbuot kotibi Hayot Shamsutdinov xabar berdi.  Qayd etilishicha, joriy yilning 3 fevral kuni Dang‘ara tumanida joylashgan avtomobillarga gaz to‘ldirish shoxobchasida uch nafar shaxs o‘zaro janjallashgan. Shu paytda bezorilikni oldini olish maqsadida, ularni ajratish uchun kelgan boshqa shax