Foto: Yunus Bo‘riyev / “Xalq so‘zi”

Bugun Oʻzbekiston Milliy matbuot markazida “Yil «Ishonch”i» kitobi hamda “Ishonch” va “Ishonch-Доверие” gazetalari kutubxonasi» ruknida chop etilayotgan kitoblar haqida taqdimot boʻlib oʻtdi.

Taqdimotda Oʻzbekiston Qahramoni Ibrohimov Gʻafurov, Oliy Majlis deputati, yozuvchi va adabiyotshunos, publitsist Xurshid Doʻstmuhammad, “Jahon adabiyoti” jurnali bosh muharriri, Oʻzbekistonda xizmat koʻrsatgan jurnalist Ahmadjon Meliboyev, OʻzA bosh direktori, Oʻzbekistonda xizmat koʻrsatgan yoshlar murabbiysi Abdusaid Koʻchimov “Ishonch” va “Ishonch-Доверие” gazetalari bosh muharriri, “Doʻstlik” ordeni sohibi Husan Ermatov ishtirok etdilar.

Tahririyat 2018-yildan buyon gazetalar sahifalarida chop etilayotgan davr ruhi va islohotlar samarasi etgan, dolzarb mavzudagi maqolalarni toʻplab kitob holida nashr etishni anʼanaga aylantirgan. Xususan,

2018-yilda “Bir yilga bir nazar”,

2019-yilda “Ishonch” aytadiki…»,

2020-yilda “2020 – millatni ulgʻaytirgan yil”,

2021-yilda “2021 fakt va dalillar, mulohaza va munozara, tanqid va tahlil, talqin va xulosalar…”,

2022-yilda “2022 Nigoh” kitoblari chop etilgan.

Bu yilgi kitob “Yil «Ishonch”i» deb nomlangan.

 Foto: Yunus Bo‘riyev / “Xalq so‘zi”