calendar 27 Oct 07:27
eye 30
comments 0
comments Manba: xs

Fuqarolarning huquq va erkinliklarini sud orqali ishonchli himoya qilish tizimi mustahkamlanmoqda

image

Foto: Xasan Paydoyev / «Xalq so‘zi»

Keyingi yillarda mamlakatimizda qonun ustuvorligini taʼminlash, fuqarolarning konstitutsiyaviy huquqlarini roʻyobga chiqarish va jamiyatda adolatni qaror toptirish maqsadida sud-huquq sohasini tubdan isloh etishga doir keng koʻlamli islohotlar amalga oshirilmoqda.

Senatning qirq oltinchi yalpi majlisida sud qarorlarining qonuniyligi va asosliligini tekshirish tartibi takomillashtirilishi munosabati Fuqarolik protsessual, Iqtisodiy protsessual kodekslarga, Maʼmuriy sud ishlarini yuritish va Maʼmuriy javobgarlik toʻgʻrisidagi kodekslarga oʻzgartirish va qoʻshimchalar kiritish haqidagi toʻrtta qonun muhokama qilindi.

Kiritilayotgan oʻzgartish va qoʻshimchalarga koʻra qonuniy kuchga kirmagan sud qarorlari shikoyat (protest) asosida apellyatsiya tartibida, qonuniy kuchga kirgan sud qarorlari, agar ular apellyatsiya tartibida koʻrilmagan boʻlsa, kassatsiya tartibida, apellyatsiya yoki kassatsiya tartibida koʻrilgan sud qarorlarini taftish tartibida koʻrish belgilanmoqda. Qonuniy kuchga kirgan sud qarorlarini kassatsiya tartibida koʻrib chiqish vakolati viloyat sudi va unga tenglashtirilgan sudlar vakolatiga oʻtkazilmoqda.

Sud qarorlarini qayta koʻrish bosqichlariga taftish instansiyasi kiritilishi munosabati bilan Fuqarolik protsessual, Iqtisodiy protsessual kodekslarga, Maʼmuriy sud ishlarini yuritish va Maʼmuriy javobgarlik toʻgʻrisidagi kodekslarda taftish instansiyasida ish yuritish tartibi batafsil yoritilmoqda.

Jumladan, Qonun bilan Fuqarolik protsessual kodeksiga sud ishlarini koʻrishning oʻta markazlashtirilishiga barham berilishini, ishlarni viloyat sudlarida va ularga tenglashtirilgan sudlarda apellyatsiya yoki kassatsiya va taftish tartibida koʻrish bosqichlari joriy etilishini, ishlar Oliy sudda taftish tartibida hamda Oliy sudning Rayosatida qayta koʻrilishini, yuqori turuvchi sudlar tomonidan quyi sudlarning bekor qilingan qarorlarini yangidan koʻrish uchun qaytadan ushbu sudlarga yuborish tartibi chiqarib tashlanishini, har bir sud instansiyasining zimmasiga ish boʻyicha yakuniy qaror chiqarish majburiyati yuklatilishini, sud qarorlarini qayta koʻrish bosqichlariga taftish instansiyasi joriy etilishini nazarda tutuvchi oʻzgartirish va qoʻshimchalar kiritilmoqda.

Shuningdek, amaldagi yuqori instansiya sudlari tomonidan quyi instansiya sudlarining qarorini bekor qilgan holda yangidan koʻrish uchun yana quyi sudga yuborish tartibi bekor qilinib, har bir sud instansiyasiga ish boʻyicha yakuniy qaror qabul qilish majburiyati yuklanmoqda. Shu bilan birga maʼmuriy huquqbuzarlik toʻgʻrisidagi ish boʻyicha qaror ustidan apellyatsiya shikoyatini berish muddati 20 kundan 10 kunga qisqartirilmoqda.

Bundan tashqari, Maʼmuriy sud ishlarini yuritish toʻgʻrisidagi kodeksiga ishlarni koʻrishning oʻta markazlashtirilishiga barham berish, fuqarolarning olis hududlardan sudga kelib sarson boʻlishining oldini olish maqsadida viloyat sudlari va ularga tenglashtirilgan sudlarda ishlar apellyatsiya yoki kassatsiya va taftish tartibida koʻrilishini, ishlar taftish tartibida Oliy sudning Maʼmuriy ishlar boʻyicha sudlov hayʼatida va alohida hollarda Oliy sud Rayosatida koʻrilishini hamda yuqori instansiya sudlari tomonidan ishlarni yangidan koʻrish uchun birinchi instansiya sudiga yuborish tartibi bekor qilinishini, shuningdek yerga oid huquqiy munosabatlar bilan bogʻliq ishlarni maʼmuriy sudlar tomonidan koʻrishda prokuror ishtirok etishi shartligini nazarda tutuvchi oʻzgartirish va qoʻshimchalar kiritilmoqda.

Taʼkidlaganidek, mazkur qonunlarning qabul qilinishi natijasida sudlarda ishlarning sifatli va oʻz vaqtida koʻrilishi, sud qarorlarini qayta koʻrishda viloyat sudlari hamda ularga tenglashtirilgan sudlarning imkoniyatlaridan samarali foydalanishga, eng muhimi fuqarolarning sud orqali huquq va erkinliklarini himoya qilish imkoniyatlari kengayib borishiga erishiladi.

Qonunlar senatorlar tomonidan maʼqullandi.

Foto: Xasan Paydoyev / «Xalq so‘zi»


Doʻstlaringiz bilan ulashing

30 Jan 18:42
 
39
0
qalampir.uz

Bayden saylovda g‘alaba qozonish uchun mashhur qo‘shiqchidan foydalanmoqchi

AQSH Prezidenti Jo Baydenning yordamchilari bo‘lajak prezidentlik saylovlarida mashhur amerikalik qo‘shiqchi Teylor Sviftning qo‘llab-quvvatlashidan umidvor. Bu haqda “Marca” nashri xabar berdi. Nashrning yozishicha, Teylor AQSHda bo‘lib o‘tadigan 2024 yilgi prezidentlik saylovi natijalariga katta ta’sir o‘tkazishi mumkin.  Yanvar oyi boshida “Redfield & Wilton Strategies” tomonidan o‘tkazilgan eksklyuziv so‘rovnomada saylovchilarning 18 f

18 Jan 19:00
 
22
0
qalampir.uz

Fransiya YeIni Ozarbayjonga qarshi sanksiya qo‘llashga chaqirdi

Kecha, 17 yanvar kuni Fransiya Senati Yevropa Ittifoqini Ozarbayjonga qarshi sanksiyalar joriy etishga chaqiruvchi rezolyutsiyani qabul qildi. Rasmiy Baku bu haqda hozircha izoh bermagan. Fransuz senatorlari Bakuning 2023 yil 19-20 sentyabr kunlari Qorabog‘da yashovchi arman aholisining chiqarib yuborilishiga olib kelgan harakatlarini qoralab, buning uchun Ozarbayjon javobgar bo‘lishi kerak, deb hisoblayapti.  Biroq, Ozarbayjon rahbari Ilhom Aliyev joriy yilning 10 yanvar kun

20 Jan 10:55
 
30
0
qalampir.uz

“Bu urush emas”. Qozog‘iston Mudofaa vaziri Yaqin Sharqqa tinchlikparvar kuchlarning yuborilishiga izoh berdi

Qozog‘iston harbiylari Yaqin Sharq va Afrikaga jang qilish uchun bormaydi. Bu haqda Qozog‘iston Respublikasi Mudofaa vaziri Ruslan Jaqsiliqov ma’lum qildi.  “Tinchlikni saqlash funksiyalari va vazifalarini bajarayotganda armiya jang qilmaydi. Biz, birinchi navbatda, jahon tajribasini o‘rganishni o‘z oldimizga vazifa qilib qo‘yganmiz. Asosiy maqsad tinch missiyalarga rioya qilishdir. Bu urush emas. Bu harbiy amaliyotlar emas”, deydi Jaqsiliqov majlis chog‘ida.

11 Jan 02:15
 
39
0
xs.uz

AQSH mudofaa vaziri Lloyd Ostin kasalxonada. Uning ahvoli haqida nimalar maʼlum

AQSH Mudofaa vaziri Lloyd Ostin kasalxonada qolmoqda va u harbiy rahbarlar bilan aloqada, biroq uning uyiga qaytish hali nomaʼlum. Bu haqda Pentagon matbuot kotibi Patrik Rayder maʼlum qildi.'Vazir Ostin Uolter Rid milliy harbiy tibbiyot markazida qolmoqda va uning ahvoli yaxshi', deydi Rayder.Pentagon matbuot kotibining qoʻshimcha qilishicha, Ostin AQSHning yuqori martabali mudofaa mulozimlari bilan aloqada boʻlib, chorshanba kuni Markaziy qoʻmondonlik rahbari general Erik Kurilla, shuning