Bulungʻur va Baxmal tumanlarini bogʻlovchi zamonaviy koʻprikning foydalanishga topshirilishi Samarqand va Jizzax viloyati ahlining uzogʻini yaqin qildi
Foto: “Xalq soʻzi”
Samarqand viloyatining Bulungʻur tumanidagi “Erganakli” va “Avliyo Parpi” mahallalarida yangi koʻprik barpo etildi.
Kuni kecha foydalanishga topshirilgan ushbu yangi koʻprik nafaqat Bulungʻurning Erganakli mahallasi ahli, balki Jizzax viloyatining Baxmal tumani Gʻubur mahallasida yashovchilarning ham xursandchiligiga sabab boʻldi. Chunki ikki viloyatni bogʻlagan ushbu koʻprikni hududda yashovchilar oʻnlab yillar davomida kutishgan edi.
Oldingisi oʻtgan asrning 70 yillarida qurilgan boʻlib, umuman yaroqsiz holga kelib qolgandi. Sel-toshqinlar sabab yaroqsiz boʻlgan koʻprik bir necha marotaba taʼmirlandi. Ammo tabiat injiqliklaridan soʻng har gal yana yana avariya holatiga kelib qolaverardi.
— Men 65 yoshga kirgan boʻlsam, bu koʻprikni esimni taniganimdan buyon bilaman. Qishda loy, yozda chang, kichik aravadan boshqa narsa oʻtolmas edi, — deydi “Erganakli” MFY hududida yashovchi oqsoqol Ilhom Uralov. —Mana bugun zamonimizga mos boʻlgan koʻprik xalqimiz xizmatiga topshirildi. Samarqand va Jizzax viloyatlarini bogʻlovchi koʻprik qisqa muddatda sifatli qilib qurib bitkazildi. Bu ikki viloyatda yashayotgan elning katta xursandchiligiga sabab boʻldi.
Temirbeton qorishmali koʻprik qurilishiga 2 mlrd. soʻmdan ziyod byudjet mablagʻi sarflandi. Uning uzunligi 36 metrni, eni 9 metrni tashkil etadi.
Tumanning Avliyo Parpi mahallasida ham yangi koʻprik bunyod etildi.Uning uzunligi 26 va eni 6 metr boʻlib, Tuya tortar kanali ustidan oʻtadi.
Ushbu koʻprik ham byudjet mablagʻlari hisobidan qurilib, qator aholi yashash punktlaridagi muammolarga yechim boʻldi. Xususan, endilikda mazkur koʻprik mahallaning Hotam, Eshon va Quvvat qishloqlari aholisini bir-biriga bogʻlab, uzogʻini yaqin qilishga xizmat qilmoqda.
Ayni vaqtda tumanda mavjud 70 dona koʻprikdan 63 tasi qoniqarli holatda boʻlib, qoniqarsiz 7 ta koʻprikni bosqichma-bosqich taʼmirlash yuzasidan yuqori turuvchi tashkilotlarga takliflar kiritilgan.
Dastur asosida bugungi kunda “Fozil Yoʻldosh” massividagi “Bulungʻurariq” arigʻi ustidan oʻtuvchi koʻprik ham zamon talablariga muvofiq barpo etilmoqda. Uni rekonstruksiya qilish Samarqand koʻpriklardan foydalanish unitar korxonasi tomonidan loyihalashtirilgan. Dastlabki hisob-kitoblarga koʻra, koʻprikni taʼmirlash uchun 1 milliard 900 million soʻm mablagʻ talab etiladi. Hozirda respublika byudjetidan zarur mablagʻ ajratilib, qurilish ishlari boshlab yuborilgan.
Abdulaziz YOʻLDOSHEV,
(“Xalq soʻzi”).
“Milton” toʻfoni sabab AQSHdagi oʻzbekistonliklar ogohlikka chaqirildi
Joriy yilning 6-oktyabr kuni Florida hukumati 'Milton' toʻfoni yaqinlashib kelayotgani sababli shtatning 51 shahrida'favqulodda holat'eʼlon qilgan edi. Shu munosabat bilan Oʻzbekistonning AQSHdagi elchixonasi vatandoshlarga murojaat bilan chiqib, ehtiyot choralarini koʻrishga chaqirdi. Bu haqda 'Dunyo' axborot agentligi'xabar bermoqda.Unga koʻra, fuqarolar'shoshilinch yordam kerak boʻlsa, elchixonaning quyidagi telefon raqamlariga murojaat qilishi'mumkin:Shuningdek, toʻfon natijasida jabr
Surxondaryo viloyati mahalla uyushmasiga boshliq tayinlandi
Farhod ESONOV/'Xalq soʻzi'.'Abduraimov Saydulla Berdishukurovich Oʻzbekiston mahallalari uyushmasi Surxondaryo viloyati boshqarmasi boshligʻi lavozimiga tayinlandi.S.Abduraimov 1980-yilda Angor tumanida tugʻilgan. 2004-yilda Termiz davlat universitetini, 2010-yilda Oʻzbekiston milliy universitetini tamomlagan. Maʼlumoti boʻyicha mutaxassisligi ' matematika, yurisprudensiya.Mehnat faoliyati davomida IIB Yoʻl harakati xavfsizligi boshqarmasi, Adliya boshqarmasi va 'Vatanparvar' tashkiloti
Kuchli taʼsir qiluvchi moddalarni internetda tarqatish, reklama qilish, namoyish etish uchun javobgarlik belgilandi
Prezident tomonidan imzolangan Qonun bilan ayrim kodekslarga oʻzgartirish va qoʻshimchalar kiritildi. Unga koʻra, Jinoyat, Jinoyat-protsessual kodekslariga hamda Maʼmuriy javobgarlik toʻgʻrisidagi kodeksiga giyohvandlik vositalarini, ularning analoglarini yoki psixotrop moddalarni telekommunikatsiya tarmoqlaridan va Internetdan foydalanish orqali qonunga xilof ravishda muomalaga kiritganlik, ushbu jinoyatlarni voyaga yetmaganlarni jalb qilgan holda sodir etganlik uchun javobgarlik chora
Shaharsozlik kodeksiga oʻzgartirish va qoʻshimchalar kiritildi
Shavkat Mirziyoyev tomonidan imzolangan Qonun bilan Shaharsozlik hujjatlarini tayyorlash tizimi takomillashtiriladi. Bu haqda 'Huquqiy axborot' kanali maʼlum boʻldi.Maʼlum boʻlishicha, Prezident tomonidan imzolangan Qonun bilan Shaharsozlik kodeksiga oʻzgartirish va qoʻshimchalar kiritildi. Unga koʻra, Shaharsozlik kodeksiga Qurilish va uy-joy kommunal xoʻjaligi vazirligining nomini va vakolatlarini aniqlashtirishni nazarda tutuvchi oʻzgartirishlar nazarda tutilgan.Bundan tashqari, Oʻz