Foto: Reuters

Polsha Yevropadagi eng yirik quruqlikdagi armiyani barpo etmoqda. Bu haqda Buyuk Britaniyaning “The Telegraph” nashri xabar bermoqda.

Manbada aytilishicha, Polsha hukumati mamlakat yalpi ichki mahsulotining 4 foizini mudofaa sohasiga sarflash niyatida. Bu NATOning oʻrtacha standartlaridan ikki baravar koʻp.

Bundan tashqari, Polshani modernizatsiya qilish dasturi asosida Janubiy Koreyadan 1000 ta tank, 48 ta FA-50 jangovar samolyotlarini, AQSHdan 250 ta tank, 600 ta oʻziyurar gaubitsa, 18 ta HIMARS moslamasi, 288 ta MLRS raketa tizimi, shuningdek, 96 ta AH-64E Apache vertolyotlari sotib olishni oʻz ichiga oladi.

Nashrning yozishicha, umumiy hisobda Polsha 2035-yilgacha 117 milliard dollardan ortiq qurol yetkazib berishga buyurtma bergan, 2023-yil uchun mudofaa byudjeti esa maksimal 26 milliard dollarni tashkil etadi. Bundan tashqari, Polsha armiya sonini ikki barobarga 300 000 kishigacha oshirish niyatida.