24 Jan 14:21

Manba: xs

Ombudsman jamoat tartibini saqlashga masʼul boʻlgan xodimlarni xizmat paytida ortiqcha his-hayajonga berilmaslikka chaqirdi

Xabaringiz bor, 2023-yilning 20-yanvar kuni ijtimoiy tarmoqlarda Andijon viloyati Asaka tumanidagi gaz quyish shoxobchalaridan birida ichki ishlar organlari xodimi fuqaroga kuch ishlatayotgani tasvirlangan videolavha keng tarqaldi.

Mazkur holat yuzasidan, 20-yanvar kuni Andijon viloyati IIB Axborot xizmati tomonidan tezkor rasmiy munosabat berildi. Unda jamoat tartibini saqlash va tartibbuzarlikni oldini olish maqsadida biriktirilgan Andijon viloyati IIB Patrul-post xizmati xodimi safdor R.Mirzayev janjalni bartaraf etish maqsadida fuqarolarni tinchlantirishga harakat qilayotgan vaqtida, janjal sababchilari O.R. va uning akasi O.J. xodimga nisbatan haqoratli soʻzlar ishlatib, uning qonuniy talablariga boʻysunmay faol qarshilik koʻrsatgani qayd etilgan.

Shuningdek, munosabatda hodisa joyida jamoat tartibi tiklanib, tartibbuzarlarga nisbatan jismoniy kuch ishlatilgan holda tuman IIBga olib kelingani va ular bilan tegishli tartibda profilaktik suhbat oʻtkazilgani aytilgan.

Rasmiy munosabatga biriktirilgan videoda janjal sababchilari O.R. va uning akasi O.J. kichik tushunmovchilik boʻlgani, ularga nisbatan ogʻir tan jarohati yetkazilmagani va xodimga hech qanday eʼtirozlari yoʻqligini maʼlum qilishgan.

Oliy Majlisning Inson huquqlari boʻyicha vakili (ombudsman) eʼtiborini tortgan ushbu holat nazoratga olinib, uning Andijon viloyatidagi mintaqaviy vakili tomonidan 20-yanvar kuni joyiga chiqib oʻrganildi.

Ijtimoiy tarmoqlarda jabrlanuvchi sifatida koʻrsatilgan aka-uka O.R. va O.J.lar hamda ularning yaqin qarindoshlari bilan suhbatlashilganda, ular haqiqatdan xam hech kimning tazyiq va zoʻravonligisiz, oʻz xohishlari bilan raddiya berganliklarini maʼlum qilishdi.

Hozirda ushbu holat yuzasidan Asaka tumani prokuraturasi tomonidan tergov oldi surishtiruv ishlari olib borilmoqda. Video xabarda fuqarolarga jismoniy kuch ishlatgan xodimga nisbatan viloyat IIB tomonidan xizmat tekshiruvi tayinlangan.

Ombudsman jamoat tartibini saqlash va tartibbuzarliklarni oldini olishga masʼul boʻlgan xodimlarni xizmat paytida ortiqcha his-hayajonga berilmasdan, oʻz vakolatlari doirasida ish tutishga chaqiradi.

Oʻzaro janjal paytida qoʻpol muomalada boʻlgan fuqarolarga nisbatan jismoniy kuch ishlatish soʻnggi chora sifatida, tegishli normativ-hujjatlarga muvofiq qoʻllanilishi zarur.

Doʻstlaringiz bilan ulashing

Jamiyat

20 Mar 12:54

xs.uz

Har qanday shaxsni uning roziligisiz tasvirga olish taqiqlanishi mumkin

Adliya vazirligi tomonidan ishlab chiqilgan loyihada qayd etilishicha, qonun insonlarning tasvirga boʻlgan huquqini mustahkamlash hamda milliy huquqni qoʻllash amaliyoti va 30 ga yaqin xorijiy davlatlar tajribasi tahlil qilingan holda, aholi fikrini oʻrganish uchun muhokama portaliga joylashtirilgan.Loyihaga koʻra, endilikda umumiy qoida tariqasida, endilikda har qanday kishini rasm yoki videoga olish hamda ushbu tasvirdan foydalanish uchun uning roziligi talab qilinadi.Shu bilan birga, loyi

Jamiyat

23 Mar 16:43

xs.uz

Saudiya Arabistonida hibsga olingan 19 nafar oʻzbekistonlik ayol vatanga qaytarildi

Joriy yilning 12-14-mart kunlari 19 nafar Oʻzbekiston fuqarolari, jumladan Saudiya Arabistoni huquq-tartibot idoralari tomonidan ilgari hibsga olingan ayollar vatanga qaytarildi. Bu haqida 'Dunyo' axborot agentligi xabar berdi.Unga koʻra, Oʻzbekiston elchixonasi tomonidan Saudiya Arabistonining vakolatli organlari bilan olib borilgan muzokaralar natijasida barcha hibsga olingan 19 nafar ayollar oʻz oilasi bagʻriga qaytishga muvaffaq boʻldi.Maʼlum boʻlishicha, Oʻzbekiston fuqarolari Saud

Jamiyat

22 Mar 08:54

xs.uz

Prezident Toshkentdagi zamonaviy savdo majmuasini borib koʻrdi

Prezident Shavkat Mirziyoyev 20-mart kuni Toshkent shahrida amalga oshirilayotgan qurilish va obodonlashtirish ishlari bilan tanishdi.Mamlakatimizda investorlarga yaratilgan qulayliklar tufayli iqtisodiyotda xususiy sektorning ulushi oshib bormoqda. To'g'ridan-to'g'ri sarmoyalar kiritilib, sanoat, qurilish, savdo, xizmat ko'rsatish sohalarida istiqbolli loyihalar amalga oshirilmoqda.Poytaxtimizning Yunusobod tumanida barpo etilgan 'High Town City' majmuasi shulardan biri. U keng qamrovli bo'lib,

Jamiyat

20 Mar 12:53

xs.uz

Oʻzbekistonda qizlar necha yoshdan turmushga chiqmoqda?

2025-yilning yanvar fevral oylarida, FHDYO organlarida respublika boʻyicha 31 ming 775 ta nikoh holatlari qayd etilgan. Bu haqida Milliy statistika qoʻmitasi xabar berdi.Statistika qoʻmitasi, qayd etilgan nikohlarda ayollarning yosh guruhlari boʻyicha taqsimlanishi haqidagi maʼlumotni eʼlon qildi.Unga koʻra, nikohlanayotgan umumiy ayollar sonining eng katta ulushi 52,4 foiz koʻrsatkich bilan 20 yoshdan 30 yoshgacha boʻlgan ayollarda kuzatilgan.Shuningdek, 20 yoshgacha nikohdan oʻtayotg