Foto: Arxiv surat

Bu haqda AOKAda oʻtkazilgan brifingda Bosh prokuratura huzuridagi Majburiy ijro byurosi axborot xizmati rahbari Farrux Toshpoʻlatov maʼlum qildi:

Davlat foydasiga 6,9 trln soʻm, tadbirkorlik va boshqa subyektlar foydasiga 5,3 trln. soʻm va banklarga 5,1 trln soʻm mablagʻlar undirildi. Fuqarolarimiz manfaatlari uchun 1,2 trln. soʻmdan ortiq undiruvlar amalga oshirildi.

Ehtiyojmand fuqarolarni qoʻllab-quvvatlash uchun joriy etilgan “Temir daftar”, “Ayollar daftari” va “Yoshlar daftari”ga 361,8 mlrd soʻm yoʻnaltirildi.

Moddiy yordamga muhtoj farzandlar foydasiga 734,2 mlrd soʻmlik aliment pullari undirildi, shundan 9,2 mlrd soʻmlik 46 ta uy-joy va 496 mln soʻmlik 6 ta transport vositasi aliment oluvchilarga oldindan toʻlov sifatida berilishi taʼminlandi.

15 ming nafarga yaqin ishsiz aliment toʻlovchi ishga joylashtirildi hamda 32,324 ta oila yarashtirildi.

Qonunga xilof ravishda ishdan boʻshatilgan 736 nafar shaxs ishga tiklandi, toʻlanmay qolgan 43,3 mlrd soʻmlik ish haqlari undirildi.